Buturlinovk

Buturlinovk
Флаг Герб
50°49′30″ с. ш. 40°35′20″ в. д.
Valdkund	Venäma
Istorii da geografii
Tegemižen päiv	1740
Pind	37,72
Высота	120
Aigvö	UTC+3:00[d]
Ekonomik
Eläjad
Eläjad	▲24 397 чел. (2021)
Lugud
Telefonan kod	47361
Počtan indeksad	397500–397507
-
Официальный сайт
lugeda • diskussii • redaktiruida

Buturlinovk (Buturlinovkan rajonan administrativine keskuz da pala.

Istorii

Eländpunktan aluz om pandud vl 1740 kuti ukrainalaižiden slabad. Mainitase vn 1829 kartal Petrovskoje / Buturlinovk-nimitusidenke (ven.: Петровское, тожь Бутурлиновка), valdoičijan Buturlinov-rodun kanzannimen mödhe. Šingotihe nahksapkoiden tehmižel 19. voz'sadan keskespäi, tehtihe millionhasai paroid vodes da möihe kaikedme Venäman imperijadme. Slabad sai lidnan statusad vn 1917 17. päiväl heinkud. Vspäi 1993 sodaaviacijan polk baziruiše lidnan röunal.

Buturlinovk šingotase raudbetontegesiden edheotandal i sömtegimištol (leibproduktoiden kombinat, pühävoitegim, lihakombinat, spirttegim, likörvintegim). Om ümbärtud maižanduzrajonal (podsolnušnikan i villän kazvatand, lihamaidživatvodind).

Geografijan andmused

Lidn sijadase rajonan keskuzpalas, Osered'-jogen üläjoksmusen hural randal tobjimalaz (Don-jogen hura ližajogi), 120 m ü.m.t. keskmäižel korktusel. Matkad Voronežhasai om 133 km lodeheze orhal, 180 km avtotel vai 220 km raudtel. Lähembaižed lidnad oma Kalač 54 km suvipäivnouzmha orhal vai raudtedme, 61 km avtotedme, i Pavlovsk 52 km suvipäivlaskmha orhal, 56 km avtotedme vai 59 km raudtedme. Buturlinovk-raudtestancii radab lidnan päivnouzmas sarakol «Povorino — Liski»-keskustaspäi.

Kaik koume žilod mülüdas lidnankundha Buturlinovkan ližaks: Zemledelec, Kruglii, Otradnoje, niiden ühthine ristitišt oli 96 eläjad vl 2010. Lidnankundan pind — 135,8 km².

Eläjad

Vl 1877 kaik 23 963 ristitud elihe slabadas, vl 1939 lidnan ristitišt oli 11 400 eläjad. Vn 2010 Venäman rahvahanlugemižen mödhe lidnan eläjiden lugu oli 27 208 ristitud, lidnankundan — 27 304 ristitud, rajonan viž ühesandest. Kaikiš suremb lidnan ristitišt oli 27 500 eläjad vl 1926 i 27..29 tuhad eläjid vll 1989−1998 (29 258 rist. vl 1989). Ortodoksižen hristanuskondan Spasan Toižetamižen päjumalanpert' (1885−1893) i koume jumalanpertid oma olmas lidnas.

Rahvahad (2010): čiganalaižed — 1,1%, toižed rahvahad — 1,6%.

Professionaližen opendusen aluzkundad oma Buturlinovkan mehaniž-tehnologine kolledž, medicinine tehnikum i Gubernijan pedagogižen kolledžan filial.

Galerei

• Река Осередь - panoramio.jpg

  Osered'-jogi

• Спасо-Преображенский собор - panoramio (3).jpg

  Spasan Toižetamižen päjumalanpertin nägu vl 2009

• БПТ Ленина 23.jpg

  Gubernijan pedagogižen kolledžan filial vl 2015

• Buturlinovka, Voronezh Oblast, Russia - panoramio.jpg

  Torguindan keskuz (2015)

• Народный краеведческий музей города Бутурлиновка.jpg

  Kodirandantedištandmuzei vl 2015

Irdkosketused

• Lidnankundan tobmuden aluzkundoiden sait (buturlin-gorod.ru). (ven.)
• Lidnan informacine sait (buturlinovka.ru). (ven.)