Liski

Liski
Флаг[d] Герб
50°58′56″ с. ш. 39°29′58″ в. д.
Valdkund	Venäma
Istorii da geografii
Tegemižen päiv	1965
Pind	65
Высота	110
Ekonomik
Eläjad
Eläjad	▲54 147 чел. (2021)
Lugud
Telefonan kod	47391
Počtan indeksad	397900
-
Официальный сайт
lugeda • diskussii • redaktiruida

Liski (Liskin rajonan administrativine keskuz.

Istorii

Eländpunktan aluz om pandud vl 1787 kuti Uz' Pokrovk-žilo (Toižen mail'man sodan aigan lidn ei olend okkupiruidud nacistoil, no heiden sodaväged oliba Donan vastrandal. Vl 1943 udesnimitihe lidnad nügüdläižikš. Vll 1965−1991 sen nimi oli Georgiu-Dež.

Liski šingotase metallanümbriradmižel (torvveimiden palad, rezervuarad i metalližkonstrukcijad) sauvondmaterialiden pästandal (savič, betonšpalad, raudbetontegesed, silikatblok), sömtegimištol (saharan edheotand, maidtegim, pühävoitegim). Raudten edheotandad i jügujogiport ratas lidnas, mugažo kaikiš järedamb Evropas sömän živatoiden täht tegim om olmas.

Geografijan andmused

Lidn sijadase rajonan keskuzpalan suvipäivlaskmas, Don-jogen hural randal, 110 m ü.m.t. keskmäižel korktusel. Matkad Voronežhasai om 77 km pohjoižhe orhal, 107 km avtotel vai raudtel. Lähembaižed lidnad oma Bobrov 39 km pohjoižpäivnouzmha orhal, 49 km avtotedme vai raudtedme, i Ostrogožsk 32 km suvipäivlaskmha orhal, 57 km avtotedme vai 40 km raudtedme. Liski-raudtestancii radab lidnan päivlaskmaižes palas «Voronež — Rossoš»-keskustal. Kaik 13 tošt stancijad da platformad oma raudteil lidnas da sen ezilidnas.

Kalač-futor (295 rist. vl 2016) mülüb lidnankundha Liskin ližaks. Lidnankundan pind — 64,77 km².

Eläjad

Vl 1939 lidnan ristitišt oli 25 500 eläjad. Vn 2010 Venäman rahvahanlugemižen mödhe lidnan eläjiden lugu oli 55 864 ristitud, lidnankundan — 56 166 ristitud, rajonan viž ühesandest. Kaikiš suremb lidnan ristitišt om 52..56 tuhad eläjid vspäi 1976 (56 500 rist. vl 1998). Vl 2018 kaik 54 195 ristitud elihe lidnankundas. Ortodoksižen hristanuskondan päjumalanpert' i koume jumalanpertid oma olmas lidnas.

Rahvahad (2010): venälaižed — 95,9%, ukrainalaižed — 1,1%, armenijalaižed — 0,8%, toižed rahvahad — 1,8%, rahvahuden ozutandata — 0,4%.

Professionaližen opendusen aluzkundad oma Liskin tehmištoliž-transportine tehnikum i Liskin agrariž-tehnologine tehnikum.

Galerei

• 

  Lidnan da rajonan tobmuden sauvused

• Liski, Voronezh Oblast, Russia - panoramio (1).jpg

  Jumalanmaman Vladimiran jumalaižen päjumalanpert'
  (om saudud vll 2003−2011)

• 

  Kul'turkeskuz vl 2013

• Liski Branch-Station.jpg

  Raudtestancii

Irdkosketused

• Lidnankundan tobmuden aluzkundoiden sait (adminliski.ru). (ven.)