Pavlovsk (Voronežan agj)

	Pavlovsk
Флаг[d]	Герб
	50°27′00″ с. ш. 40°04′00″ в. д.GЯO
Valdkund	Venäma;
Istorii da geografii
Tegemižen päiv	1709
Pind	8,22;
Высота	83
Aigvö	UTC+3[d]
Ekonomik
Eläjad
Eläjad	▼22 384 чел. (2021);
Lugud
Telefonan kod	47362
Počtan indeksad	396420–396424
-
	Официальный сайт
	lugeda • diskussii • redaktiruida

Sil sanal voib olda toižid znamoičendoid; miše nähta niid, tulgat tänna.

Pavlovsk (Pavlovskan rajonan administrativine keskuz da pala.

Istorii

Kuldaižen ordan endevanh lidneihut sijadase 2 kilometras Pavlovskaspäi, ei olend kaivandusid. Nügüdläižen eländpunktan aluz om pandud vl 1709 ročilaižed saudihe niid. Sai lidnan statusad nügüdläiženke nimitusenke vl 1711, makundan lidnan statusad — vl 1779. Paloi läz täuzin nellän lämoipalon tagut 18. voz'sadan lopus.

Pavlovsk šingotase laivansauvomižen tegimel, sauvondmaterialiden pästandal (ozrikkiven samine i šebnän tehmine, kaks' asfal'ttegint) i sömtegimištol (pühävoitegim, leibtegim), mugažo sömän živatoiden täht tegim radab lidnas.

Geografijan andmused

Lidn sijadase rajonan päivlaskmaižel röunal, Don-jogen hural randal, 83 m ü.m.t. keskmäižel korktusel. Osered'-jogi (ven.: Осередь / Осеред 89 km pitte) lankteb Donha huralpäi lidnan päivlaskmas. Matkad Voronežhasai om 149 km lodeheze-pohjoižhe orhal, 164 km «Don»-avtotrassal vai 280 km raudtel. Lähembaižed lidnad oma Buturlinovk 52 km pohjoižpäivnouzmha orhal, 56 km avtotedme vai 59 km raudtedme, Kalač 62 km päivnouzmha orhal, 66 km avtotedme vai 113 raudtedme, i Rossoš 49 km suvipäivlaskmha orhal, 75 km avtotedme vai 290 km raudtedme. Pavlovsk-Voronežskii-raudtestancii om sarakon Buturlinovkaspäi lopstancijaks, om olmas vspäi 1976, radab vaiše jüguiden täht 5 km suvipäivnouzmha lidnaspäi. «Don»-avtoten (M4-trassan) ümbärte om sauvomas lidnan päivnouzmaspäi.

Pavlovsk om lidnankundan üks'jäine eländpunkt. Lidnankundan pind — 61,62 km², pertišton — 8,22 km².

Eläjad

Vl 1939 lidnan ristitišt oli 11 100 eläjad. Vn 2010 Venäman rahvahanlugemižen mödhe lidnan eläjiden lugu oli 25 126 ristitud, rajonan nell' ühesandest. Kaikiš suremb lidnan ristitišt oli 25..26 tuhad eläjid vll 1989−2017 (26 800 rist. vll 2000−2001). Ortodoksižen hristanuskondan kaks' jumalanpertid^[3] oma olmas lidnas.

Rahvahad (2010): venälaižed — 97,9%, ukrainalaižed — 1,2%, toižed rahvahad — 0,9%.

Professionaližen opendusen aluzkundad oma Pavlovskan tehnikum^[4] i Gubernijan pedagogižen kolledžan Pavlovskan filial^[5].

Galerei

Jumalanmaman Kazanin jumalaižen pühäpert'
(vn 2016 nägu)
Павловский сельскохозяйственный техникум.jpg

Maižanduztehnikuman sauvuz vl 2011
(ende hengeline škol)
Павловский педагогический колледж.jpg

Pedagogižen kolledžan pert' vl 2011
DON RIVER PAVLOVSK VORONEZH.JPG

Don-jogi Pavlovskas
Дворец культуры Павловск.jpg

Kul'turkeskuz

Homaičendad

Irdkosketused

Lidnankundan tobmuden aluzkundoiden sait (pavlovskadmin.ru). (ven.)

Pavlovsk (Voronežan agj) Vikiaitas

	Voronežan agjan lidnad
	Bobrov \| Bogučar \| Borisoglebsk \| Buturlinovk \| Ertil' \| Kalač \| Liski \| Novohopörsk \| Novovoronež \| Ostrogožsk \| Pavlovsk \| Povorino \| Rossoš \| Semiluki \| Voronež

[_72993c059dbea415-1] ¹ ² OKTMO. 179/2016.

[_15bd2465f028e4c3-2] ¹ ² https://rosstat.gov.ru/storage/mediabank/tab-5_VPN-2020.xlsx

[3] Pavlovskan pühäpertid sobory.ru-saital. (ven.)

[4] Pavlovskan tehnikuman sait (птво36.рф). (ven.)

[5] Gubernijan pedagogine kolledž — Pavlovskan filialan sait (pavlovskppk.ru). (ven.)

[1]

[2]

[3]

[4]

[5]