Novohopörsk

	Novohopörsk
Флаг[d]	Герб
	51°06′00″ с. ш. 41°37′00″ в. д.GЯO
Valdkund	Venäma;
Istorii da geografii
Tegemižen päiv	1710
Pind	14;
Высота	140
Aigvö	UTC+3[d]
Ekonomik
Eläjad
Eläjad	▲5948 чел. (2021);
Lugud
Telefonan kod	47353
Počtan indeksad	397400
-
	lugeda • diskussii • redaktiruida

Novohopörsk (Novohopörskan rajonan administrativine keskuz da pala.

Istorii

Pristanskii-lidnuden aluz oli pandud kozakištol 17. voz'sadan kahtendes polespäi. Se oli polttud vl 1709 Petr I-carin käskön mödhe toižiden mugoižiden lidnuziden kartte ühtnendas vasthalibundoiš taguiči. Nügüdläižen eländpunktan aluz om pandud mugažo Petr I-carin käskön mödhe vl 1710 kuti jogivaldmad, verf' i maine lidnuz kaičemha ümbrištod. Žilo sai makundan lidnan statusad vl 1779. «Liski — Povorino»-raudtekeskust mäneb ühtes kilometras suvhe lidnaspäi vspäi 1895.

Novohopörsk šingotase sömtegimištol (voitegim) i mecanümbriradajal kombinatal.

Geografijan andmused

Lidn sijadase rajonan päivnouzmas, Hopr-jogen oiktal randal (Don-jogen hura ližajogi), 50..70 m korktusil jogen pindan päl, 140 m ü.m.t. keskmäižel korktusel. Matkad Volgogradan agjhasai om 12 km päivnouzmha orhal. Matkad Voronežhasai om 178 km päivlaskmha-lodeheze orhal vai 212 km avtotel. Lähembaižed lidnad oma Borisoglebsk 44 km pohjoižpäivnouzmha orhal vai 69 km avtotel, Povorino 45 km lodeheze-päivnouzmha-pohjoižpäivnouzmha orhal vai 52 km avtotedme, i Urüpinsk (Volgogradan agj) 43 km suvipäivnouzmha orhal vai 105 km avtotedme.

Nened 17 eländpunktad mülüdas lidnankundha Novohopörskan ližaks: lidnanvuitte Novohopörskii-žilo (7 686 rist. vl 2018) Novohopörsk-raudtestancijanke koumes kilometras päivlaskmha-suvipäivlaskmha lidnaspäi, 12 žilod, külä, raudtestancii i kaks' futorad. Lidnankundan pind — 599,7 km².

Eläjad

Vl 1939 lidnan ristitišt oli 8 500 eläjad. Vn 2010 Venäman rahvahanlugemižen mödhe lidnan eläjiden lugu oli 6 849 ristitud, rajonan seičemendez, lidnankundan — 7 177 ristitud, i 17 638 ristitud vl 2012 ühtištusen jäl'ghe lähižidenke kundoidenke, rajonan nell' ühesandest. Kaikiš suremb lidnan ristitišt oli enamba kahesad tuhad eläjid vll 1939−1998 (8 900 rist. vl 1959). Vl 2018 kaik 6 108 ristitud elihe lidnas i 17 026 ristitud kaikes lidnankundas.

Rahvahad (2010): venälaižed — 97,8%, toižed rahvahad — 2,2%.

Ortodoksižen hristanuskondan nell' pühäpertid^[3] oma olmas lidnas: Sündun Eläbzdusen päjumalanpert', kaks' jumalanpertid i časoun'.

Novohopörskan agrariž-ekonomine tehnikum^[4] om lidnan professionaližen opendusen aluzkundaks.

Galerei

201. Новохоперск. Здание Администрации.jpg

Rajonan tobmuden pert' (2016)
183. Новохоперск. Воскресенский собор.jpg

Sündun Eläbzdusen päjumalanpert', vn 2016 nägu (om saudud vll 1861−1865)
594. Новохоперск. Городская больница.jpg

Rajonan läžundkodin päine sauvuz vl 2016
1054. Novokhopersk. Stadium.jpg

Lidnan stadion (2012)
Новохоперск. Краеведческий музей..JPG

Kodirandantedištandmuzei vl 2014

Homaičendad

Irdkosketused

Lidnankundan tobmuden aluzkundoiden sait (novohopersk-nhoper.ru). (ven.)

Novohopörsk Vikiaitas

	Voronežan agjan lidnad
	Bobrov \| Bogučar \| Borisoglebsk \| Buturlinovk \| Ertil' \| Kalač \| Liski \| Novohopörsk \| Novovoronež \| Ostrogožsk \| Pavlovsk \| Povorino \| Rossoš \| Semiluki \| Voronež

[_72993c059dbea415-1] ¹ ² OKTMO. 179/2016.

[_15bd2465f028e4c3-2] ¹ ² https://rosstat.gov.ru/storage/mediabank/tab-5_VPN-2020.xlsx

[3] Novohopörskan pühäpertid sobory.ru-saital. (ven.)

[4] Novohopörskan agrariž-ekonomižen tehnikuman sait (au-45.ru). (ven.)

[1]

[2]

[3]

[4]