Vägestusen diktant

Рувики-späi

Venäman tedoakademijan azjtarkištuz

Logo-ran.png
Om tehtud
Venäman tedoakademijan azjtarkištuz
Venäman tedoakademii
Vägestusen diktant
Диктант Победы.jpg
Azjohjandai Jedinaja Rossia, Venäman istorijan sebr, Venäman voin-istorijan sebr, Vägestusen volont'orad, Rossotrudničestvo
Kodvind Suren Kodiman voinan tedoiš
Projektan augotiž 2019
Aig 45 minutad
Region kaik mail'm
Tekstan kel' venän, anglijan, francijan, kitajan, ispanijan kel', pol'šan, serbijan, mongolijan, grekan
Maks maksutoi
dictantpobedy.ru

Vägestusen diktant (ven.: Дикта́нт Побе́ды) om rahvahidenkeskeine tedotuz-patriotine akcii, mitte om omištadud Suren Kodiman voinan Vägestusen päiv-praznikan praznuičendale. Praznuičese vodelpäi 2019 Jedinaja Rossija-partijan "Istoriline mušt"-projektan ramkoiš[1].

Akcijan partn'orad oma Venäman istoriline sebr, Venäman voin-istoriline sebr, Vägestusen volont'orad-organizacii, da völ ministerstvad da valdkundaližed i valdkundomatomad azjmehištod, korporacijad. Akcijaha ühtnedas Polestusen ministerstvan, Rosgvardijan, Venäman südäinsijan azjoiden ministerstvan, Venäman rahvahaližen kaičendan, äkkiližiden azjtegoiden da londusen pahoiden tegoiden sambutamižen azjmehištod.

Istorii

Ezmäižen kerdan "Vägestusen diktant"-akcii oli 7. semendkud vodel 2019. Se oli tehtud Suren Kodiman voinan Vägestuzpäivän 74-voččen jubilejan muštoks. Diktantan pätego om tobjeta venälaižiden da toižiden maiden eläjiden melentartust oppida Venäman voinistorijad[2].

Diktantan kirjutamižen täht oli avaitud 1 300 sijad Venäman 85 regionas da 23 verhas mas. Akcijaha ühtni 150 tuhad mest, kudambiden igä om 9—90 vot[3].

Sidä jäl'ghe pättihe mänetada Vägestusen diktant-akcijad joga voden.

Vodel 2020 Covid-läžundan da keväz'karantinan tagut diktantan kirjutamižen sirttihe 3. sügüz'kuks.

Vodel 2021 azjtego oli 29. sulakud.

Vodel 2022 "Vägestusen diktant" oli 3. sügüz'kud.

Vodel 2023 akcii oli 27. sulakud. Sihe ühtni enamba 1,8 mln mest Venäman 89 regionaspäi da 46 verhiš maišpäi. 923 tuhad ühtnikad iče tuliba kirjutamha diktantan kirjutamižen sijale, miččid oli enamba 21 tuhad.

Vodel 2024 akcii oli ühtel päiväl — 26. sulakud. Ühtneda sihe voi diktantpobedi.rf-saital, da völ Venäman regionoiden diktantan kirjutamižen sijoil, miččid oli 28 tunad da verhan man 61 diktantan kirjutamižen sijal[4][5]. Enamba 1500 diktantan kirjutamižen tahod oli tehtud Polestusen ministerstvan, Rosgvardijan, Venäman südäinsijan azjoiden ministerstvan, Venäman rahvahaližen kaičendan, äkkiližiden azjtegoiden da londusen pahoiden tegoiden sambutamižen voinerištoiš da opištoiš. Oli voimuz' antta vastusid küzundoihe aeroportoiš, matklendandmašinoiš, raudtevokzaloil, edahaižen matkan pojezdoiš.

"Necen akcijan pätego om siš, miše kaita kosketusid pol'viden keskes, kaita tot Sures Kodiman voinas, Rusttan armijan da Sovetskijan Sojuzan päroliš Gitleran Germanijan murendandas. Meiden aigan äi tuhad venälašt saldatad da oficerad, mušttes tedoid proidnuziš azjtegoiš da elädes ičeze dedoiden da pradedoiden ozutesen mödhe, oružjanke käziš seištas meiden Kodiman röuniden kaičendal, kaitas meiden mad neonacistižes pahudespäi. Äjad millionad Venäman rahvahanikoid abutadas frontale. Sidä aigan "Vägestusen diktant" ei ole vaiše tedotuz-akcii, no om i sur' rahvahaline akcii, mitte abutab ozutada kosketusid da ühtenzoitust meiden man elo-ozas"

— Sergei Nariškin, Venäman istoriližen sebran ohjandai[6]

25. sulakud vodel 2025 Vägestusen diktantan kirjutamižen täht Venämal oli avaitud 35 tuhad sijad da enamba, mi 90 mail'man maiš[7]. Istoriližehe testaha mülüi 25 küzundad Sures Kodiman voinas. Sädajiden sanoiden mödhe, vägestajad saiba kitändkirjeižed, lahjad, da voimusen kacta Vägestuzpäivän paradad, mitte oli omištadud Suren Kodiman voinan Vägestuzpäivän 80-voččen jubilejan muštoks[8]. Kurskan agjan valdmehištos om tedotadud, miše diktantaha ühtni 94-vozne voinslužban veteran, lendai, tagaman radnik Viktor Šatohin[9].

Küzundad

Vägestusen diktantas om kaks' variantad, jogahižes variantas om 25 küzundad. Vastusen aig om 45 minutad.

Küzundad oma erazvuiččed: pidab ližata heittud tekstaspäi sanoid, nimitada voinan runoelman avtorad, anttud tekstan mödhe nimitada voinazjtegon lidnad, azjtegod vai pähenged. Erased küzundad om ühtenzoitud Suren Kodiman voinan taidehfil'moidenke da muštpachidenke. Verhiš maiš diktantaha voidas ližata küzundoid, miččed om ühtenzoitud sen tahonke.

Miše vaumitas diktantan kirjutamižehe, pidab registriruidas akcijan saital da tehta diktantan sädajiden harjoiteluztestad, miččed om paindud saital[10]. Diktantan sädajad nevodas kävutada vaumičusen aigan Venäman istoriližen sebran tedoid.

Конкретные задания становятся известны только в день тестирования. Ozutesikš, vodel 2023 küzundad oliba ühtenzoitud Stalingradan da Kurskan vointoroidenke, N'urnbergskan azjtegonke, Donbassan päzutandanke nemecko-fašistižen valdan alpäi da Leningradan blokadan heitandanke.

Vodel 2024 diktantan harjoitused oliba omištadud Piterin täuden päzutandan 80-voččele jubilejale, sovetskijoiden voiskiden tulendale SSSRan manröunihe, kirjutajiden-frontovikoiden jubilejoile da toižile muštpäivile[11][12]. Küzundad om kätud 8 kel'he: anglijan, francijan, ispanijan, pol'šan, serbijan, mongolijan, kitajan da grekan[4]. 25 küzundad om vaumitud Venäman istoriližen da Venäman voin-istoriližen sebroiden azjtedajil. 20 niišpäi om omištadud voin-istoriližele temale da 5 om regionaližen tematikan mödhe[13].

Ühtnendan olod

  • Vägestusen diktant mänetadas akcijan diktantan kirjutamižen sijoil da onlain.
  • Ühtneda diktantaha voidas kaik ken tahtoib, kacmata igäha da rahvahudehe.
  • Distantižen ühtnendan täht pidab registriruidas akcijan saital personaližes radhonuses. Registracijan aigan pidab kirjutada ičeze familii, nimi, tatannimi da eländtaho. Sidä jäl'ghe tuleb sms-vahvištoituz.
  • Onlain kirjutamižen aigan diktantan satused kerdalaz voib nägištada personaližes radhonuses. Völ personaližes radhonuses voib sada nimitadud ühtnikoiden da vägestajiden kitändkirjeižed.
  • Regionaližil Vägestuz diktantan sijoil ühtnikoile anttas personaližed nomerad. Neniden 13-znamasižiden nomeroiden abul voib tedištada diktantan satused. Niid anttas kirjutamižen päiväl ühtes blankoidenke[14].
  • Abiturijentad, kudambil oma korktad satused regionaližil diktantan sijoil da kudambad saiba maksimališt ballad, sadas ližaballad, konz päzudas opendamhas vuzoihe[15].

Počtan mark

26. sulakud vodel 2024 om pästtud eloho mark, mitte om omištadud Vägestusen diktant-akcijale. Sil om kuvatud istoriko-tedotusen akcijan emblem. Ližaks om paindud ezmäižen päivän kirjeiženkored da erigašenijan štempelid: Moskvan, Volgogradаn, Murmanskаn, Penzan, R'azanin, Tverin, Jakutskаn da Jaroslavlin täht[16].

Vägestusen diktant-počtmark

Ližatedod

Homaičendad

  1. ↑ Диктант Победы. Единая Россия. Дата обращения: 13 sulakud 2026.
  2. ↑ Анастасия Сивякова. Как принять участие в «Диктанте Победы» 26 апреля и где пройдет тестирование. РИАМО (18 sulakud 2024). Дата обращения: 13 sulakud 2026.
  3. ↑ В Москве наградили победителей Всероссийской исторической акции «Диктант Победы 2019». Российское историческое общество. Дата обращения: 13 sulakud 2026.
  4. ↑ 1 2 «Диктант Победы» напишут в 58 странах мира. Россотрудничество (17 sulakud 2024). Дата обращения: 13 sulakud 2026.
  5. ↑ Игорь Геращенко, Александр Хинштейн. Диктант Победы 2024: дата проведения, ответы на вопросы, официальный сайт, сертификат, регистрация, тема, результаты. Дата обращения: 13 sulakud 2026.
  6. ↑ 61 страна, 28 тысяч площадок: «Единая Россия» в шестой раз провела «Диктант Победы». Единая Россия (26 sulakud 2024). Дата обращения: 13 sulakud 2026.
  7. ↑ В Белоруссии больше тысячи человек зарегистрировались на "Диктант Победы", РИА Новости (24 sulakud 2025). Дата обращения: 13 sulakud 2026.
  8. ↑ «Диктант Победы» стартовал в 90 странах мира. Новости. Первый канал (неопр.) (25 sulakud 2025). Дата обращения: 13 sulakud 2026.
  9. ↑ В Курской области 94-летний ветеран принял участие в "Диктанте Победы", РИА Новости (25 sulakud 2025). Дата обращения: 13 sulakud 2026.
  10. ↑ Диктант Победы – 2024. Российская государственная детская библиотека (22 sulakud 2024). Дата обращения: 13 sulakud 2026.
  11. ↑ "Диктант Победы" пишут на центральной площадке в Музее Победы в Москве, Российская газета (26 sulakud 2024). Дата обращения: 13 sulakud 2026.
  12. ↑ Акция "Диктант Победы". Моро-Орловская средняя общеобразовательная школа (18 sulakud 2024). Дата обращения: 13 sulakud 2026.
  13. ↑ Михаил Дорофеев. Состоялась VI Международная историко-просветительская акция «Диктант Победы». Российское историческое общество (26 sulakud 2024). Дата обращения: 13 sulakud 2026.
  14. ↑ Как принять участие в «Диктанте Победы» 26 апреля и где пройдет тестирование. РИАМО (18 sulakud 2024). Дата обращения: 13 sulakud 2026.
  15. ↑ 26 апреля 2024 года состоится ежегодная Международная просветительско-патриотическая акция «Диктант Победы». Российское историческое общество (16 sulakud 2024). Дата обращения: 13 sulakud 2026.
  16. ↑ 26 апреля в почтовое обращение вышла марка, посвящённая Международной историко-просветительской акции «Диктант Победы». rusmarka.ru (26 sulakud 2024). Дата обращения: 13 sulakud 2026.
  17. ↑ «Единая Россия» провела «Автопробег Победы» в Москве, Нижнем Новгороде и Севастополе, Единая Россия (25 sulakud 2024). Дата обращения: 13 sulakud 2026.
Om sadud "https://vep.ruwiki.ru/w/index.php?title=Vägestusen_diktant&oldid=524389"