Suren Kodiman voinan 80-voččen Vägestuzpäivän praznuičemine

Рувики-späi
Suren Kodiman voinan 80-voččen Vägestuzpäivän praznuičemine
Лого 80 лет Победы.jpg
Päiv voded 2024 - 2025
Sija Флаг России Venäma
Sait may9.ru

Suren Kodiman voinan 80-voččen Vägestuzpäivän praznuičemine (ven.: Пра́зднование 80-ле́тия Побе́ды в Вели́кой Оте́чественной войне́) — suz' programm Suren Kodiman voinan 80-voččen Vägestuzpäiväks kaiked Venämadme da verhiš maiš. Vozil 2024—2025 om planoiš pidäda enamba 170 azjtegod[1].

Vaumičendazjad

31. heinkud vodel 2023 Venäman prezident Vladimir Putin allekirjuti käskön Suren Kodiman voinan 80-voččen Vägestuzpäivän vaumičemižes da praznuičemižes. Valdmehištole ühtes "Vägestuz"-orgkomitetanke om taritud tehta da vahvištada azjtegoiden vaumičendan da pidändan plan tärktoiden roroiden mädhe, mugažo tehta vastused verhiden maiden prezidentoidenke-ühtnikoidenke. Venäman Verhiden azjoiden ministerstvale om taritud abutada antta politik-diplomatišt väged praznikan pidämižen aigan, a federaližile da regionaližile erištoile - ühtneda vaumičendradho, abutada veteranoile, sijaližile valdmehištoile - puhtastada da lat't'a voinkaumištoid[2].

Elokus vodel 2023 prezident allekirjuti käskön Orgkomitetan tegemižes Suren Kodiman voinan 80-voččen Vägestuzpäivän vaumičendan da praznuičemižen mödhe[3].

18. semendkud vodel 2024 Venäman valdmehišt vahvišti azjtegoiden plan 80-voččen Vägestuzpäivän vaumičendan da praznuičemižen mödhe[4].

19. kül'mkud vodel 2024 akt'or da aktivist Vladimir Maškov ozuti Vägestusen muzejas Moskvas logotip 80-voččen Vägestuzpäiväks. «19. kül'mkud vodel 1942, 82 vot tagaze seičeme časud homendest artillerijal da "Kat'ušoiden" ambundoidenke Rusked Armii zavodi "Uran"-operacijad. Operacii pani augotižen nemcoiden voiskiden murendaha toras Stalingradan al, nece oli tärged moment Sures Kodiman voinas», — johtuti Maškov prezentacijal[5]. Logotipas om ozutadud Jevgenii Vučetinan "Kodima-mam kucub!"-vestatuz, mitte om "Stalingradan toran gerojile" - muštpachan-ansamblin päelement Mamajevon kurganal Volgogradas[6].

Klip Suren Kodiman voinan 80-voččen Vägestuzpäiväks

Programm

80-voččen Vägestuzpäivän vaumičendan da praznuičemižen päazjtegoiden keskes om 171 vastust. niiden lugus oma Venäman tradicionaližed akcijad:

  • «Mušttohuz»,
  • «Georgijevskii lentaine»,
  • «Vägestusen lugendad»,
  • «Vägestusen diktant»,
  • «Vägestuz om üks' kaikile»,
  • «Tervhuz'polk»,
  • «Muštpojezd».

Mugažo linneba koncertad, teatrezitused da toižed azjtegod.

Akcijad pidetas kaiked Venämadme[7].

Azjtegoiden vaumičendaha da praznuičemižehe ühtnebavolont'oroiden da veteranoiden organizacijad: «Vägestusen volont'orad», Rosmolod'ož, «Dviženie Pervih», Venäman "Znanie"-sebr da äjad toižed. Voden 2025 aigan hö tegeškandeba prosvetitel'skijad akcijad da azjtegod lapsiden da norišton täht[8].

Omištadud azjtegod

25. uhokud vodel 2025 zvodihe venälaine mul'timedine ven.: «Ура Победе!»-akcii, sen aigan kaik tahtnikad voiba zvon'da lühüdale nomerale 1945 da kundelta Sovinformb'uron[ru] jogapäiväižed uzištod, panda tematižed pajod judaidusiden sijale da sada tarkendused Vägestusen jubilejan logotipan samižele[9].

19-20. uhokud pidetas rahvahidenkeskeine sebroiden kiber-turnir, miččen nimi om "80 vot Vägestusele", se om tehtud školan openikoile da üläopenikoile, kelle om 14-23 vot. Ühtnikad ozutaba ičeze mahtod tegoiden pätandas, miččed om sidotud istorijanke, šifroiden tegemiženke da tedotehnologijoidenke[10].

Verazmaižed adivod

Päkirjutez: Vägestusen paradan adivod (2025)

Moskvaha Suren Kodiman voinan 80-voččen Vägestuzpäivän paradale tuleb enamb 20 valdkundad da valdmehišton pämehed[11]. Oficialižesti todištiba tulendad Belorussijan prezident Aleksandr Lukašenko, KNRan pämez' Si Czin'pin, Slovakijan premjer-ministr Robert Fico, Serbijan prezident Aleksandr Vučič, Brazilian prezident Luis Inasiu Lula da Silva, Serbian Valdkundan, mitte mülüb Bosnijaha da Gercegovinaha, pämez' Milorad Dodik da toižed[12].

Praznuičemine verhiš maiš

80-vozne Vägestuzpäiv praznuitas levedašti pidäda äjiš Ripmatomiden Valdkundoiden Ühtištusen valdkundoiš. Venäman Prezident videopaginas Ripmatomiden Valdkundoiden Ühtištusen Valdkundoiden pämehiden nevondišton ühtnikoile tal'vkus vodel 2023 sanui, miše Venäma "tahtoib edemba-ki jatkta ahthad ühthižradod meiden ühthižen männuden aigan, istorijan kelastusen da nacizman geroizacijan vastustusen mušton kaičemižen küzundoiden mödhe"[13].

Kut homaiči Venäman valdmehišton pämez' Mihail Mišustin, sur' znamoičend om akcijoil da azjtegoil Rahvahidenkeskeižen "Bessmertnii polk"-akcijan mödhe[14].

Jubileivodel praznuitas puhtastada voinkaumištod, siš lugus verhiš maiš[15].

Rossotrudničestvo[ru] vaumiči läz 200 azjtegod, miččed om omištadud 80-voččele Vägestusele, erazvuiččiš mirun valdkundoiš, siš lugus oma Venäman sebratomad valdkundad. Painuz om tehtud meiden venälaižile, kudambad eläba verhiš maiš, sikš äjiden azjtegoiden nimi om "Ristitud da elo-ozad", mugažo vastustusen sirdämižele[16].

Praznuičemine Karjalas

Karjalas zavodihe levedas vaumištada praznikaližid azjtegoid, miččed om omištadud Karjalan frontan saldatoile. Praznikaližed azjtegod tehtas Petroskoiš - vointetabuden lidnas. Praznikaline päiv zavodiše änikoiden panemižespäi "Mušton da tetabuden kävelezkujo" da "Tundmatoman soldatan kaum Igähižen tetabuden lämoinke" - muštkompleksoiš. Ceremonii zavodiše 9:30 homendesel läz muštpachanno Karjalan frontan soldatoile, partizanoile da polpol'ščikoile[17].

11:00 homendest kirovan avoinirdal linneb praznikaline parad. Täl vodel sihe ühtneba Petroskoin garnizonan voiskad, mugažo FSBn, MVDn, MČSan, sudpristavoiden, Karjalan USINan, Petroskoin universitetan voinkafedran, junarmeicoiden, kadetoiden da jogiučiliščan paradjoukod.

Avoinirdal ozutadas nügüdläine vointehnik da oružjiden maketad, mugažo pidetas mastar'-klassad "Om mugoine professii - polestada Kodimad" - programman aigan. Lidnan artistad da kollektivad ihastoitaba adivoid praznikaližil koncertoil da teatraližil ozutelusil.

Karl Marksan prospektal 12:00 - 17:00 päiväd MVD-pertinno radab ven.: "ПоZыVной — Победа"-projektan programm, konz volont'orad pidäba erazvuiččed mastar'-klassad da tegeba lahjoid eriližen voinoperacijan ühtnikoile. Mäneba koncertad da viktorinad.

Päiväl 14:00 aigad Karl Marksan prospektal zavodiše ven.: "Бессмертный полк"-astumine, kaik ühtnikad keradasoiš 13:30 aigad Leninan avoinirdal. 17:00 ehtad scenal pidetas ven.: "Ратному подвигу — славу поем!"-koncert, а 17:45 ehtad mäneb praznikaline ven.: "Песня в боевом строю"-ezitamine.

Jo 18:30 ehtad kaikile adivoile tehtas muzik-teatraline ezitamine, miččen nimi venäks ven.: "Письмо солдата", sidä ozutab "Pokolenia"-studijan ühtnikad. 19:00 ehtad pauklahjoitas lidnalaižen norišton patriotižen ven.: "Салют Победе!"-festivalin ühtnikad, а 19:30 ehtad kaik kacuba ven.: "Память пылающих лет"-koncertad, mittušt vaumiči "Solo"-pajogrupp.[18]

Ehtprogrammad avaidab ven.: "Пой, Россия-матушка"-teatrozutez ühtes valentina Moisejevanke (Moskva), se zavodiše 20:00 ehtad. Sid' 20:15 ven.: "В моем сердце всегда этот свет…"-programmad ozutaba Askanaz Aivaz'an da Tatjana Ležn'ova (Petroskoi).

Jo 21:00 ehtad Eduard Hil' Piterišpäi ozutab ven.: "За весенние ночи, за родную страну!"-programmad, 22:00 ehtad lidnan eläjad nägištaba fejerverkad.

Kogonaižen päivän Petroskoiš tehtas erazvuiččed akcijad, ozutelused, tematižed install'acijad, interaktivižed programmad kanzoile da "Soldatoiden pudr"-akcii[19].

Muštznamad 80-voččeks Vägestuzpäiväks

Venäman prezidentan käskön mödhe oli tehtud "80 vot Vägestusele Sures Kodiman voinas vozil 1941—1945" - jubileimedal'.

Maksmine Suren Kodiman voinan ühtnikoile

15. vilukud vodel 2025 "Pobeda" - orgkomitetan ištundan aigan Venäman prezident Vladimir Putin sanui käskön allekirjutamižes üks'kerdaižes maksmižes 80 tuhad rubl'ad kaikile Suren Kodiman voinan veteranoile, heiden leskiakoile da konclageriden alaigäižile uznikoile. Tilan radnikad, blokadan Leningradan eläjad, konclageriden uznikad, polestuzsauvotusiden tegijad da ned, ked radoiba PVOn, meri- da aviabazoiden objektoiš, saškandeba 55 tuhad rubl'ad Suren Kodiman voinan 80-voččeks Vägestuzpäiväks[20].

Kožmuzaig

28. sulakud vodel 2025 Venäman Prezident sanui kožmuzaigan polhe 80-voččen Vägestusen päivil. Venälaine armii azotab vointegoid 00:00 7-8. semendkud da ned jatktasoiš 00:00 10-11. semendkud[21].

Homaičendad

  1. ↑ Правительство утвердило план мероприятий по подготовке и проведению празднования 80-й годовщины Победы в Великой Отечественной войне 1941–1945 годов. government.ru (18 semendkud 2024). Дата обращения: 19 kül'mkud 2024.
  2. ↑ Путин подписал указ о создании оргкомитета по подготовке празднования 80-летия Победы, Ведомости (9 elokud 2023). Дата обращения: 19 kül'mkud 2024.
  3. ↑ Указ Президента Российской Федерации от 09.08.2023 № 602 ∙ Официальное опубликование правовых актов. publication.pravo.gov.ru (9 elokud 2023). Дата обращения: 19 kül'mkud 2024.
  4. ↑ Распоряжение от 17 мая 2024 г. № 1174-р. Правительство России (17 semendkud 2024).
  5. ↑ В Музее Победы представили логотип 80-летия Победы | Победа РФ | Новость от 19.11.2024, Победа РФ | Новости, история, патриотизм (19 kül'mkud 2024). Дата обращения: 19 kül'mkud 2024.
  6. ↑ Богдан Герцен. В "Музее Победы" представили логотип празднования 80-летия победы в Великой Отечественной войне, Профиль (19 kül'mkud 2024). Дата обращения: 20 kül'mkud 2024.
  7. ↑ 80-летие Победы отметят масштабно | Победа РФ | Новость от 19.11.2024, Победа РФ | Новости, история, патриотизм (19 kül'mkud 2024). Дата обращения: 19 kül'mkud 2024.
  8. ↑ Мероприятия к 80-летию Победы стартуют уже с января | Победа РФ | Новость от 19.11.2024, Победа РФ | Новости, история, патриотизм (19 kül'mkud 2024). Дата обращения: 19 kül'mkud 2024.
  9. ↑ Мобильная акция «Ура Победе!» may9.ru. Дата обращения: 10 keväz'kud 2025.
  10. ↑ Кибер-турнир "80 лет Победы" пройдет с 19 по 20 апреля. www.belros.tv (10 sulakud 2025). Дата обращения: 15 sulakud 2025.
  11. ↑ Кто приедет в Москву на Парад Победы в 2025 году, ВЗГЛЯД.РУ (02.04.2025). Дата обращения: 9 sulakud 2025.
  12. ↑ На параде Победы в Москве ожидают более 20 глав государств и правительств, Регнум (15.04.2025). Дата обращения: 16 sulakud 2025.
  13. ↑ Россия продолжит борьбу с фальсификацией истории | Победа РФ | Новость от 18.12.2023, Победа РФ | Новости, история, патриотизм (18 tal'vkud 2023). Дата обращения: 19 kül'mkud 2024.
  14. ↑ Победу над нацизмом отметят с размахом | Победа РФ | Новость от 19.12.2023, Победа РФ | Новости, история, патриотизм (19 tal'vkud 2023). Дата обращения: 19 kül'mkud 2024.
  15. ↑ Правительство утвердило план мероприятий по подготовке и проведению празднования 80-й годовщины Победы в Великой Отечественной войне 1941–1945 годов. government.ru (8 semendkud 2024). Дата обращения: 19 kül'mkud 2024.
  16. ↑ Россотрудничество проведет около 200 мероприятий к 80-летию Победы в разных странах, TACC (29 vilukud 2025). Дата обращения: 29 vilukud 2025.
  17. ↑ Опубликована программа празднования Дня Победы 9 мая в Петрозаводске
  18. ↑ Стала известна полная программа празднования Дня освобождения Карелии
  19. ↑ Парфенчиков: в Карелии отметят 80-летие освобождения республики от захватчиков
  20. ↑ Ветераны Великой Отечественной войны получат по 80 тыс. рублей | Эксперт. Эксперт. Дата обращения: 15 vilukud 2025.
  21. ↑ Путин объявил перемирие в дни 80-летия Победы, Коммерсантъ (28 sulakud 2025). Дата обращения: 28 sulakud 2025.

Lähtked

Om sadud "https://vep.ruwiki.ru/w/index.php?title=Suren_Kodiman_voinan_80-voččen_Vägestuzpäivän_praznuičemine&oldid=528466"