Togučin

Togučin
Флаг Герб
55°14′00″ с. ш. 84°23′00″ в. д.
Valdkund	Venäma
Istorii da geografii
Tegemižen päiv	1867
Pind	81
Высота	150
Aigvö	OMST[d] da KRAT[d]
Eläjad
Eläjad	▼20 766 чел. (2021)
Lugud
Telefonan kod	38340
Počtan indeksad	633450
Mediafailad RUWIKI-tedoiš

Togučin (ven.: Тогучи́н) om Venäman lidn da lidnankund Novosibirskan agjan päivnouzmas. Se om Togučinan rajonan administrativine keskuz.

Istorii

Eländpunktan aluz om pandud vl 1867 kuti Togučin-külä. Vl 1929 zavottihe «Novosibirsk — Kuzbass»-raudten sauvondad külänno, raudten edheotandad toižetiba sidä, i vl 1932 kätihe Togučinan rajonan keskuseks. Vl 1936 Togučin sai radnikžilon statusad. Vn 1945 30. päiväl sulakud anttihe lidnan statusad.

Togučin šingotase pompstancijoiden tegimel, sömtegimištol (oludenkeitim, leibtegim, maidedheotand) i pilindmaterialiden edheotandal.

Geografijan andmused

Lidn sijadase Inänjogen (ven.: Иня́) randoil, 150 m ü.m.t. keskmäižel korktusel. Inän pen' Togučink-ližajogi lankteb oiktalpäi. «Novosibirsk — Novokuzneck»-raudte läbitab lidnad, Togučin-raudtestancii om saudud jogen hural randal. Kaks' avtotesildad ühtenzoittas jogen randoid. Matkad Kemerovon agjhasai om 25 km pohjoižpäivnouzmha orhal, Novosibirskan keskushesai om 97 km päivlaskmha orhal, 110 km avtol vai raudtedme, röunhasai — 100 km. Lähembaine lidn om Bolotnoje 48 km pohjoižhe orhal vai 70 km avtotedme.

Togučin om lidnankundan üks'jäine eländpunkt. Lidnankundan pind — 72,63 km².

Eläjad

Vn 2010 Venäman rahvahanlugemižen mödhe eläjiden lugu oli 21 500 ristitud, rajonan koumandez. Kaikiš suremb ristitišt oli 23 700 eläjad vll 1996−1998.

Ortodoksižen hristanuskondan ph. Serafim Sarovalaižen jumalanpert' (om avaitud vspäi 1993 kohetud pertiš) i kaks' časounäd oma olmas lidnas.

Togučinan politehnine kolledž (ende mechoz-tehnikum) om professionaližen opendusen aluzkundaks.

Homaičendad

Irdkosketused

• Lidnan tobmuden aluzkundoiden oficialine sait (admtog.ru). (ven.)