Čerepanovo

Čerepanovo
Čerepanovo
	Герб
	54°13′00″ с. ш. 83°22′00″ в. д.GЯO
Valdkund	Venäma;
Istorii da geografii
Tegemižen päiv	1912
Pind	20;
Высота	280
Aigvö	OMST[d] da KRAT[d]
Eläjad
Eläjad	▲19 900 чел. (2021);
Lugud
Telefonan kod	38345
Počtan indeksad	633520–633522
	Mediafailad RUWIKI-tedoiš

Čerepanovo (ven.: Черепа́ново) om Venäman lidn da lidnankund Novosibirskan agjan suvipäivnouzmas. Se om Čerepanovon rajonan administrativine keskuz.

Istorii

Eländpunktan aluz om pandud vl 1912 Čerepanovo-raudtestancijaks sauvomha da holitamha raudted Barnaulhasai, Čerepanov-manmehen mectudpertiižen sijas, sid'-žo Svobodnii-žilo formiruižeškanzi raudtestancijanno. Saudihe raudtestancijad vodele 1915. Vn 1925 6. päiväl kezakud anttihe lidnan statusad da nimitihe raudtestancijan mödhe.

Čerepanovo šingotase keramižen savičun järedal tegimel, vedenlämbitamižkatl'oiden tegimel, sömtegimištol (lihakombinat, oludvinkombinat) i omblendfabrikal.

Geografijan andmused

Lidn sijadase Obin oigedpol'žes basseinas, 280 m ü.m.t. keskmäižel korktusel. «Novosibirsk — Barnaul»-raudte läbitab lidnad. Čerepanovo zavodiše kilometras päivnouzmha «Čujan trakt»-avtotespäi (R-256). Matkad Altajan randhasai om 12 km suvhe orhal, Novosibirskan keskushesai om 94 km pohjoižhe orhal, 107 km avtol vai raudtedme, röunhasai — 73 km. Lähembaine lidn om Iskitim 47 km pohjoižhe orhal, 53 km avtotedme vai raudtel.

Čerepanovo om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 19 300 ristitud, rajonan kaks' videndest. Kaikiš suremb ristitišt oli 23 100 eläjad vl 1998.

Ortodoksižen hristanuskondan koume jumalanpertid oma olmas lidnas: ph. Oleksijan (1914, udessundutihe vspäi 2006), Sibirin Kaikiden Pühämehiden (1987) mez'jumalankodinke (vspäi 2006) i Simeon Verhoturjelaižen (2001).

Professionaližen opendusen aluzkundad: Čerepanovon politehnine kolledž^[3] i pedagogine tehnikum.

Galerei

Sodamemorial i vezičuhunduz (2014)
Memorial in Cherepanovo, Novosibirsk Oblast, Russia 3 - panoramio.jpg

Tank-muštnik (2014)

Homaičendad

↑ Федеральный закон от 03.07.2016 № 271-ФЗ (рус.) — 2016.
↑ https://rosstat.gov.ru/storage/mediabank/tab-5_VPN-2020.xlsx
↑ Čerepanovon politehnižen kolledžan sait (cherpu99.ru). (ven.)

Irdkosketused

Lidnan tobmuden aluzkundoiden oficialine sait (admcherepanovo.nso.ru). (ven.)

	Novosibirskan agjan lidnad
	Barabinsk \| Berdsk \| Bolotnoje \| Čerepanovo \| Čulim \| Iskitim \| Karasuk \| Kargat \| Kuibišev \| Kupino \| Novosibirsk \| Ob' \| Tatarsk \| Togučin

[_8563f5084c092cb2-1] Федеральный закон от 03.07.2016 № 271-ФЗ (рус.) — 2016.

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Čerepanovon politehnižen kolledžan sait (cherpu99.ru). (ven.)

[1]

[2]

[3]