Tatarsk
| Tatarsk | |||
|---|---|---|---|
 | |||
|
|||
| 55°13′00″ с. ш. 75°58′00″ в. д.GЯO | |||
| Valdkund | |||
| Istorii da geografii | |||
| Tegemižen päiv | 1894 | ||
| Pind |
|
||
| Высота | 105 | ||
| Aigvö | OMST[d] da KRAT[d][1] | ||
| Eläjad | |||
| Eläjad |
|
||
| Lugud | |||
| Telefonan kod | 38364 | ||
| Počtan indeksad | 632120 | ||
 Mediafailad RUWIKI-tedoiš | |||
![Флаг[d]](/wiki/Fail:Flag_of_Tatarsk_(Novosibirsk_oblast).png)
Tatarsk (ven.: Тата́рск) om Venäman lidn da lidnankund Novosibirskan agjan päivlaskmas. Se om Tatarskan rajonan administrativine keskuz.
Istorii
Eländpunktan aluz om pandud vl 1894 kuti Tatarskai-raudtestancii (ven.: Татарская) žilonke senno sauvomha da holitamha Transsibad i sirdnikoiden Venäman imperijan evropižes palaspäi bazaks. Nimitihe lähižen Tatarkankülän (ven.: деревня Татарка) mödhe, sijazihe kahtes virstas da oli pandud 18. voz'sadal. Žilo sai lidnan statusad vn 1911 27. päiväl vilukud. Vll 1912−1914 saudihe Kulundan magistralid suvipäivnouzmha vemha villäd ajaden, kätihe Tatarskad raudtesol'meks.
Tatarsk šingotase raudten edheotandoil (vagonoiden kohenduzdepo, raudten distancii) i sömtegimištol (leibänkombinat, villänelevator, kuivan maidon tegim).
Geografijan andmused
Lidn sijadase 105 m ü.m.t. keskmäižel korktusel. Matkad Novosibirskhasai om 443 km päivnouzmha orhal, 473 km avtotedme vai raudtedme. Lähembaine lidn om Kalačinsk (Omskan agj) 90 km päivlaskmha Transsibal vai avtotedme. «Irtiš»-avtote (R-254) om lidnan suviröunaks.
Tatarsk om lidnankundan üks'jäine eländpunkt.
Eläjad
Vn 2010 Venäman rahvahanlugemižen mödhe eläjiden lugu oli 24 217 ristitud, rajonan koume videndest. Kaikiš suremb ristitišt oli 29..30 tuhad eläjid vll 1959−1998 (30 893 eläjad vl 1979).
Ortodoksižen hristanuskondan Jumalanmaman Katken jumalanpert'[3] om saudud vll 1994−2001.
Tatarskan politehnine[4] i pedagogine[5] kolledžad oma professionaližen opendusen aluzkundoikš.
Edeline lidnan pämez' om Aleksandr Švedov (tal'vku 2005 — viluku 2020).
Galerei
- Татарск Памятник Труженникам села посвящается.jpg
Muštnik külätahondan radnikoile (2009),
rajonan 80-voččele jubilejale 
Jumalanmaman Katken jumalanpert', vn 2009 nägu
Puruvedim lidnan muzejas (2009)
Čuhunduz časuidenke Leninan irdal (2009)
Tatarskai-päraudtestancijan sauvuz vl 2021
,2.jpg)
Homaičendad
- ↑ Федеральный закон от 03.07.2016 № 271-ФЗ (рус.) — 2016.
- ↑ https://rosstat.gov.ru/storage/mediabank/tab-5_VPN-2020.xlsx
- ↑ Tatarskan pühäpertid sobory.ru-saital. (ven.)
- ↑ Tatarskan politehnižen kolledžan sait (tatpk.ru). (ven.)
- ↑ Tatarskan pedagogižen kolledžan sait (pedcollege-tatarsk.edusite.ru). (ven.)
Irdkosketused
| Novosibirskan agjan lidnad | ||
| Barabinsk | Berdsk | Bolotnoje | Čerepanovo | Čulim | Iskitim | Karasuk | Kargat | Kuibišev | Kupino | Novosibirsk | Ob' | Tatarsk | Togučin | ||