Barabinsk

Barabinsk
Флаг[d] Герб
55°21′ с. ш. 78°21′ в. д.
Valdkund	Venäma
Istorii da geografii
Tegemižen päiv	1893
Pind	70
Высота	115
Aigvö	UTC+7:00[d], OMST[d] da KRAT[d]
Eläjad
Eläjad	▼27 648 чел. (2021)
Lugud
Telefonan kod	38361
Počtan indeksad	632330–632332, 632334–632336 da 632338
Mediafailad RUWIKI-tedoiš

Barabinsk (ven.: Бара́бинск, sibirin totaran kelel: Көгүтей-тура) om Venäman lidn da lidnankund Novosibirskan agjan päivlaskmaižen palan keskuses. Se om Barabinskan rajonan administrativine keskuz.

Istorii

Eländpunktan aluz om pandud vl 1893 žiloks raudtestancijanno sauvomha da holitamha Transsib-raudted. Vl 1917 anttihe žilole lidnan statusad.

Barabinsk šingotase raudten edheotandoil (koume vedimdepod i vagonoiden kohenduzdepo, raudten distancii), «Sibpromsväz'»-tegimel (konstrukcijad i materialad sauvomha joksuzoigendamižpirdoid) i sömtegimištol (oluden i leibän edheotandad, maidtegim, kalankazvatuz, kombisötken tegim).

Geografijan andmused

Lidn sijadase Päivlaskmaižen Sibirin tazangišton Barabinskan alangištos, 115 m ü.m.t. keskmäižel korktusel. Nell' järved om lidnan pohjoižpäivnouzmaižel röunal. Matkad Novosibirskaspäi om 293 km päivlaskmha orhal, 315 km avtol vai raudtedme. Lähembaine lidn om Kuibišev kuz' kilometrad pohjoižhe orhal, raudtel (ajelemha jüguid vaiše) vai avtotedme.

Barabinsk om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe lidnan eläjiden lugu oli 30 394 ristitud, rajonan kaks' koumandest. Kaik 29 122 eläjad oli lidnas vl 2017. Kaikiš suremb ristitišt oli 36..40 tuh. eläjid vll 1959−2001 (40 878 eläjad vl 1959).

Ortodoksižen hristanuskondan nell' pühäpertid oma avaitud lidnas: Jumalanmaman «Kaikiden gorähižiden ilo»-jumalaižen pühäpert' (om pühästadud vl 1998 Jumalanmaman Katken pühäpertikš), puine phh. Petran da Fevronijan jumalanpert' (vspäi 2017), ph. Jurgii-vägestusenkandajan jumalanpert' (vspäi 1997) kaumžomal i časoun'.

Barabinskan medicinine kolledž i Novosibirskan agjan kul'turan da čomamahtoiden kolledžan filial oma lidnan professionaližen opendusen aluzkundoikš.

Galerei

• 4Y1A8602 Barabinsk, Russia (28254995626).jpg

  Jumalanmaman «Kaikiden gorähižiden ilo»-jumalaižen pühäpert', vn 2016 nägu

• 

  Puruvedim-muštnik (2013)

• Barabinsk railway station.jpg

  Barabinsk-päraudtestancijan sauvuz vl 2008

Homaičendad

Irdkosketused

• Lidnan tobmuden aluzkundoiden oficialine sait (barabinsk.nso.ru). (ven.)