Bolotnoje

	Bolotnoje
Флаг[d]	Герб
	55°40′00″ с. ш. 84°24′00″ в. д.GЯO
Valdkund	Venäma;
Istorii da geografii
Tegemižen päiv	1805
Pind	59;
Высота	200
Aigvö	UTC+7:00[d], OMST[d] и KRAT[d]
Ekonomik
Eläjad
Eläjad	▲15 644 чел. (2021);
Lugud
Telefonan kod	38349
Počtan indeksad	633340 и 633343
-
	Официальный сайт
	lugeda • diskussii • redaktiruida

Bolotnoje (Bolotnojen rajonan administrativine keskuz.

Istorii

Eländpunktan aluz om pandud vl 1805 Bolotnoje-küläks počtstancijanno Moskvan traktal, mainitase mugažo kut Bolotninskoje. Vl 1896 Transsiban sauvomine tuli žilho, i Bolotnai-raudtestancii radab. Vspäi 1931 oli radnikžiloks. Vn 1943 12. päiväl kül'mkud anttihe sille lidnan statusad. Suren sodan aigan sijazihe Bolotnojehe evakuiruidud ristituid Ukrainaspäi i omblendfabrikad Ukrainan Nikolajev-lidnaspäi.

Bolotnoje šingotase raudten edheotandoil, sauvondmaterialiden pästandal (savič), omblendfabrikal, kartonpakuiteztegimel.

Geografijan andmused

Lidn sijadase Lavin-jogen i sen penen vezivaradimen oiktal randal (Tomin hurapol'ne bassein), Päivlaskmaižen Sibirin tazangišton suvipäivnouzmas, 200 m ü.m.t. keskmäižel korktusel. «Sibir'»-avtote (R-255) om Bolotnojen suviröunaks. Matkad Kemerovon agjhasai om 10 km päivnouzmha orhal, Novosibirskhasai om 117 km suvipäivlaskmha orhal, 132 km avtol vai 123 km raudtedme. Lähembaine lidn om Jurg (Kemerovon agj) 30 km pohjoižhe orhal vai Transsibadme, 50 km avtol.

Bolotnoje om lidnankundan üks'jäine eländpunkt. Lidnankundan pind — 73,05 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 16 570 ristitud, rajonan viž ühesandest. Kaikiš suremb ristitišt oli 26 762 eläjad vl 1959.

Ortodoksižen hristanuskondan kaks' pühäpertid^[3] oma letud lidnas: Mikulai-čudonsädajan puine jumalanpert' (1946), Mikoi-arhangelan jumalanpert' (om saudud vodele 2008). Baptizman pühäpert' om avaitud.

Bolotnojen pedagogine kolledž^[4] om lidnan professionaližen opendusen aluzkundaks.

Edeline lidnan pämez' om Oksana Babickaja (reduku 2017 — keväz'ku 2020).

Galerei

Memorialine sodakompleks i pühäpert' tagamal, vn 2019 nägu
Станция Болотная (вокзал)3.jpg

Bolotnai-päraudtestancijan sauvuz vl 2021
Znam lidnan röunal (2019)

Homaičendad

↑ ^1,0 ^1,1 Федеральный закон от 03.07.2016 № 271-ФЗ (рус.) — 2016.
↑ ^2,0 ^2,1 https://rosstat.gov.ru/storage/mediabank/tab-5_VPN-2020.xlsx
↑ Bolotnojen pühäpertid sobory.ru-saital. (ven.)
↑ Bolotnojen pedagogižen kolledžan sait (pk.bol.edu54.ru). (ven.)

Irdkosketused

Lidnan tobmuden aluzkundoiden oficialine sait (bolotnoecity.nso.ru). (ven.)

Bolotnoje Vikiaitas

	Novosibirskan agjan lidnad
	Barabinsk \| Berdsk \| Bolotnoje \| Čerepanovo \| Čulim \| Iskitim \| Karasuk \| Kargat \| Kuibišev \| Kupino \| Novosibirsk \| Ob' \| Tatarsk \| Togučin

[_8563f5084c092cb2-1] 1,0 ^1,1 Федеральный закон от 03.07.2016 № 271-ФЗ (рус.) — 2016.

[_15bd2465f028e4c3-2] 2,0 ^2,1 https://rosstat.gov.ru/storage/mediabank/tab-5_VPN-2020.xlsx

[3] Bolotnojen pühäpertid sobory.ru-saital. (ven.)

[4] Bolotnojen pedagogižen kolledžan sait (pk.bol.edu54.ru). (ven.)

[1]

[2]

[3]

[4]