Svetlogorsk (Kaliningradan agj)

	Svetlogorsk
	Fail:Водонапорная башня. Светлогорск Раушен (1908).JPG
Флаг	Герб
	54°56′22″ с. ш. 20°09′23″ в. д.GЯO
Valdkund	Venäma;
Istorii da geografii
Tegemižen päiv	1258
Pind	21;
Высота	40
Aigvö	UTC+2:00[d]
Ekonomik
Eläjad
Eläjad	▲16 207 чел. (2021);
Lugud
Telefonan kod	40153
Počtan indeksad	238563
-
	Официальный сайт(ven.)
	lugeda • diskussii • redaktiruida

Sil sanal voib olda toižid znamoičendoid; miše nähta niid, tulgat tänna.

Svetlogorsk (litv.: Raušiai / Svetlogorskas; edel 1947. vot — Raušen (Svetlogorskan ümbrikon (edel 2018. vot — rajonan) administrativine keskuz.

Istorii

Eländpunktan aluz om pandud vl 1258. Se kändihe kurortaks da lidnaks 19. voz'sadal. Vspäi 1900 raudte ühtenzoitab lidnad Kaliningradanke, nügüd'aigan Svetlogorsk-2 om lopstancijaks.

Svetlogorsk šingotase turizmal, vezi- i redukurortaks^[3] (federaline status vspäi 1999), kül'bendrandal, kul'turiž-azjaližeks keskuseks.

Geografijan andmused

Lidn sijadase Baltijan meren randal, 41 m ü.m.t. keskmäižel korktusel. Mererand om erigoittud korktal letkesižel dünal. Tün' järv (ven.: Тихое озеро) om lidnan keskuses Svetlogork-jogel (ven.: Светлогорка). Matkad Kaliningradan röunhasai om 35 km suvipäivnouzmha kaikil teil. Lähembaine lidn, meriport da kurort om Pionerskii ani päivnouzmha.

Klimat om ven meren. Voden keskmäine lämuz om +6 C°, heinkun-elokun +16..+17 C°, tal'vkun-uhokun −2..−3 C°. Ekstremumad oma −26 C° i +34 C°. Paneb sadegid 911 mm vodes, enamba heinkus-tal'vkus (85..98 mm kus), vähemba keväz'kus-semendkus (45..52 mm kus). Meriveden lämuz sase +18 Cel'sijan gradushasai elokus.

Svetlogorsk oli üks'jäižen eländpunktan enččes lidnankundas.

Eläjad

Vn 2010 Venäman rahvahanlugemižen mödhe eläjiden lugu oli 10 772 ristitud, rajonan koume nelländest. Kaik 13 030 eläjad oli lidnas vl 2017. Kaikiš suremb lidnan ristitišt oli 13 400 eläjad vl 2000 i om nügüd'.

Rahvahad (lidnan eläjad, enamba 0,4 % vl 2010, ozutadud rahvahudenke): litvalaižed — 0,5 %, saksalaižed — 0,4 %, toižed rahvahad — 2,6 %.

Ortodoksižen hristanuskondan koume jumalanpertid^[4] oma avaitud lidnas: ph. Serafim Sarovalaižen, Jumalanmaman «Kaikiden gorähižiden ihastuz»-jumalaižen vspäi 1994, puine ph. Sergijan Radonežalaižen vspäi 2020.

Professionaližen opendusen aluzkundad ratas lähembaižiš lidnoiš.

Edeline lidnan pämez' (lidnankundan administracijan pämez') oli Daniil Jegovcev vn 2016 tal'vkuspäi. Lidnan Deputatoiden Nevondkund om tühjitadud vn 2020 elokus.

Galerei

Военный санаторий г Светлогорска.. (ранее Rauschen).jpg

Sodasanatorii (2011)
Кирха Раушен.jpg

Ph. Serafim Sarovalaižen jumalanpert' (ende kirh), vn 2016 nägu
Олимп Общий вид.jpg

«Olimp»-adivpert' vl 2010
Randird i kül'bendrand liftan kaclendlavudespäi (2008)
Svetlogorsk-2-raudtestancijan sauvuz vl 2017

Homaičendad

Irdkosketused

Svetlogorsk (Kaliningradan agj) Vikiaitas

	Kaliningradan agjan lidnad
	Bagrationovsk \| Baltiisk \| Černähovsk \| Gur'jevsk \| Gusev \| Gvardeisk \| Kaliningrad \| Krasnoznamensk \| Laduškin \| Mamonovo \| Neman \| Nesterov \| Ozörsk \| Pionerskii \| Polessk \| Pravdinsk \| Primorsk \| Slavsk \| Sovetsk \| Svetlii \| Svetlogorsk \| Zelenogradsk

[_46056e228bbd5108-1] 1,0 ^1,1 http://www.gks.ru/free_doc/2016/oktmo/tom2_oktmo.rar

[_15bd2465f028e4c3-2] 2,0 ^2,1 https://rosstat.gov.ru/storage/mediabank/tab-5_VPN-2020.xlsx

[3] Svetlogorskan turizman sait (svetlogorsk-tourism.ru). (ven.)

[4] Svetlogorskan pühäpertid sobory.ru-saital. (ven.)

[1]

[2]

[3]

[4]