Pravdinsk

Pravdinsk
Fail:Правдинск1.jpg
Флаг[d] Герб
54°27′00″ с. ш. 21°01′00″ в. д.
Valdkund	Venäma
Istorii da geografii
Tegemižen päiv	1312
Pind	10
Высота	20
Aigvö	UTC+2:00[d]
Eläjad
Eläjad	▼3986 чел. (2021)
Lugud
Telefonan kod	40157
Počtan indeksad	238400
Официальный сайт(ven.)
Mediafailad RUWIKI-tedoiš

Pravdinsk (ven.: Правдинск, saks.: Prawdinsk, pol'š.: Prawdinsk / Frydland, litv.: Bartų Romuva / Pravdinskas; edel 1946. vot Fridländ / Fridland, saks.: Friedland in Ostpreußen) om Venäman lidn Kaliningradan agjan suves. Se om Pravdinskan lidnümbrikon administrativine keskuz.

Istorii

Eländpunktan-lidnusen aluz om pandud vl 1312 prussijalaižiden vanhan eländpunktan sijas. Se sai lidnan oiktusid vn 1335. Zavottihe sauvondad lidnusen irdpolel 16.-17. voz'sadoil. Suren sodan aigan Rusked Armii anasti lidnad.

Pravdinsk šingotase sömtegimišton edheotandoil i penel GES:al.

Geografijan andmused

Lidn sijadase Lav-jogen randoil (ven.: Лава, pol'š.: Łyna, saks.: Alle, padosein da pen' GES), 20 m ü.m.t. keskmäižel korktusel. Matkad Pol'šanman röunhasai om 10 km suvhe orhal, lähembaine kontrol'punkt sijadase Bagrationovskas 30 km suvipäivlaskmha avtotedme. Matkad Kaliningradan keskushesai om 43 km lodeheze orhal vai 53 km avtol. Toine lähembaine lidn om Gvardeisk 23 km pohjoižhe orhal vai 44 km avtotedme.

Eläjad

Vn 2010 Venäman rahvahanlugemižen mödhe eläjiden lugu oli 4 323 ristitud, lidnümbrikon videndez. Kaikiš suremb lidnan ristitišt oli 4 410 eläjad vl 1939 i läz 4 500 eläjid vll 1996−2009.

Ortodoksižen hristanuskondan ph. Jurgii-vägestusenkandajan jumalanpert' radab vspäi 1990. Se om agjan kahtenz' surtte istorine pühäpert', kivine om saudud vll 1360−1380, ende oli katoline, sid' lüteranine pühäpert', nevondkundaližen aigan kävutihe varažomaks.

Rahvahad (lidnan eläjad vl 2010, enamba 0,4%, ozutadud rahvahudenke): venälaižed — 84,6%, vaugedvenälaižed — 7,7%, ukrainalaižed — 2,1%, armenijalaižed — 1,4%, azerbaidžanlaižed — 1,3%, saksalaižed — 0,9%, totarlaižed — 0,6%, litvalaižed — 0,4%, toižed rahvahad — 1,0%.

Galerei

• Pravdinsk, Kaliningrad Oblast, Russia, 238400 - panoramio - Anton Yefimov (12).jpg

  Torg lidnümbrikon administracijan pertinke (ruzan mujun, 2016)

• 

  Ph. Jurgijan jumalanpert', vn 2018 nägu (ende Fridlandan kirh)

• 

  Pravdinskan GES vl 2016

• Pravdinsk, Kaliningrad Oblast, Russia, 238400 - panoramio - Anton Yefimov (10).jpg

  Keskškol (2016)

• Правдинск. Капелла.jpg

  Policijan palakund (2016, ende kapell)

Homaičendad

Irdkosketused

• Lidnümbrikon tobmuden aluzkundoiden oficialine sait (pravdinsk39.ru). (ven.)
• Pravdinskan lidnümbrik Kaliningradan agjan ohjastusen gov39.ru-saital. (ven.)