Laduškin

Laduškin
saks.: Ludwigsort
Флаг[d] Герб
54°34′00″ с. ш. 20°10′00″ в. д.
Valdkund	Venäma
Istorii da geografii
Tegemižen päiv	1314
Высота	10
Aigvö	UTC+2:00[d]
Eläjad
Eläjad	▼3666 чел. (2021)
Lugud
Telefonan kod	40156
Počtan indeksad	238460
Mediafailad RUWIKI-tedoiš

Laduškin (ven.: Ладу́шкин, saks.: Laduschkin, pol'š.: Ładuszkin, litv.: Liudvigsortas / Laduškinas; edel 1946. vot — Lüdvigsort (saks.: Ludwigsort, ven.: Лю́двигсорт)) om Venäman lidn-kurort Kaliningradan agjan suvipäivlaskmas. Se om Laduškinan lidnümbrikon administrativine keskuz.

Istorii

Fail:Могила героя Советского Союза гвардии лейтенанта Ладушкина.jpg

Muštnik Ivan Laduškin-leitnantan oiktastuseks

Eländpunktan aluz om pandud vl 1314. Vl 1593 saudihe bumagmellicad täs. Vl 1709 Fridrih Lüdvig Gol'štein-Bekskii-gercog osti mellicad i nimiti sidä Lüdvigsort. Vl 1894 saudihe raudtestancijan pertid. Oli peneks žiloks Surhe sodahasai (1253 rist. vl 1939).

Laduškin šingotase kurortaks mererandal, kodijänišiden fermal, kül'menzoittud tavaroiden varažomal.

Geografijan andmused

Lidn sijadase Baltijan meren Kaliningradan lahten randal, 10 m ü.m.t. keskmäižel korktusel. Matkad Kaliningradhasai om 28 km pohjoižpäivnouzmha. Lähembaižed lidnad oma Mamonovo 22 km suvipäivlaskmha kaikil teil, Baltiisk 15 km lodeheze lahten kal't i Svetlii 10 km pohjoižhe lahten kal't.

Kaks' pen't Ladigino- i Ul'janovk-žilod mülüdas lidnümbrikho Laduškinan ližaks. Lidnümbrikon pind — 28,18 km². Se röunatab Gur'jevskan i Bagrationovskan lidnümbrikoidenke.

Eläjad

Vn 2010 Venäman rahvahanlugemižen mödhe lidnan eläjiden lugu oli 3 787 ristitud, lidnümbrikon — 3 877 ristitud. Kaikiš suremb lidnan ristitišt oli 4 068 eläjad vl 2015. Vl 2017 kaik 4 007 ristitud elihe lidnas i 4 088 ristitud kaikes lidnümbrikos.

Rahvahad (lidnan eläjad, enamba 0,4 % vl 2010, ozutadud rahvahudenke): venälaižed — 91,2 %, ukrainalaižed — 3,0 %, vaugedvenälaižed — 2,5 %, saksalaižed — 0,9 %, litvalaižed — 0,6 %, toižed rahvahad — 1,8 %.

Ortodoksižen hristanuskondan ph. Dimitrii Solunalaižen puine jumalanpert' om letud lidnas vodele 2003.

Professionaližen opendusen aluzkundad ratas lähembaižiš lidnoiš.

Galerei

• Мемориальный комплекс Ладушкин 02.jpg

  Nevondkundaližiden sodamehiden velleskaum

• G. Ladushkin, Kaliningradskaya oblast', Russia - panoramio (11).jpg

  Jumalanpert' Laduškinas, vn 2015 nägu

• Бальга 3.jpg

  Bal'g-zamkan ruinad (2014)

• Ludwigsort.jpg

  Söndtavaroiden lauk enččes (2018)

• G. Ladushkin, Kaliningradskaya oblast', Russia - panoramio.jpg

  Mererand lidnanno (keväz'ku 2015)

Homaičendad

Irdkosketused

• Lidnümbrikon tobmuden aluzkundoiden oficialine sait (mo-ladushkin.ru). (ven.)
• Laduškinan lidnümbrik Kaliningradan agjan ohjastusen gov39.ru-saital. (ven.)