Sel'co

Sel'co
Флаг[d] Герб
53°22′10″ с. ш. 34°06′00″ в. д.
Valdkund	Venäma
Istorii da geografii
Tegemižen päiv	1870
Pind	33
Высота	160
Eläjad
Eläjad	▼15 906 чел. (2021)
Lugud
Telefonan kod	4832
Počtan indeksad	241550
Официальный сайт

Sel'co (ven.: Сельцо) om Venäman lidn da lidnümbrik Bränskan agjan pohjoižes.

Istorii

Eländpunktan aluz om pandud vl 1876 kuti raudtestancii da sen žilo «Rig — Orel»-jonol, mugažo šingotihe mecpilindan edheotandoil. Kätihe radnikžiloks vl 1938, šlibakoiden tegim radoi 2 kilometras. Vn 1943 sügüz'kul nacistižen Saksanman sodaväged poltiba žilod lähtten, udessündutamine zavodihe sil-žo vodel.

Radnikžilo sai lidnan statusad vl 1990. Järedad Bränskan himine tegim (sauvondhimijan produktad) i meckombinat (meblin tehmine) ratas Sel'cos, mugažo leibäntegim, «Tamoš»-lihakombinat i mineralveden edheotand.

Geografijan andmused

Lidn sijadase Desn-jogen hural randal, 160 m ü.m.t. keskmäižel korktusel, om ümbärtud mecoil. Matkad Bränskan röunhasai om 7 km suvipäivnouzmha raudtedme, keskushesai — 33 km. Ühtennimine raudtestancii om «Bränsk — Smolensk»-jonol.

Sel'co om lidnümbrikon üks'jäine eländpunkt.

Eläjad

Vn 2010 Venäman rahvhanlugemižen mödhe eläjiden lugu oli 17 934 ristitud. Kaikiš suremb ristitišt oli vozil 1979−1992, enamba 20 tuhad eläjid (vl 1989 — 20 762 rist.). Ortodoksižen hristanuskondan ph. Mikulai-čudonsädajan jumalanpert' om olmas lidnas (saudihe vll 1994−2005), om väges.

Irdkosketused

• Sel'co-lidnan tobmuden aluzkundoiden oficialine sait (admsel.ru). (ven.)
• Lidnan kul'turan oficialine sait (seltso-city.ru). (ven.)