Starodub

Starodub
Флаг Герб
52°35′00″ с. ш. 32°46′00″ в. д.
Valdkund	Venäma
Istorii da geografii
Pind	22
Высота	180
Aigvö	UTC+3[d]
Eläjad
Eläjad	▼17 687 чел. (1 vilukud 2021)
Lugud
Telefonan kod	48348
Počtan indeksad	142943
Avtomašinoiden nomeroiden kod	32
Официальный сайт
Mediafailad RUWIKI-tedoiš

Starodub (ven.: Стародуб [stərɐˈdup]) om Venäman lidn da lidnümbrik Bränskan agjan suves. Se om Staroduban rajonan administrativižeks keskuseks, ei mülü rajonha.

Istorii

Eländpunkt mainitase ezmäižen kerdan vl 1080 olijanke lidnusenke da lidnan statusanke Lavrentijan aigkirjas, mugažo Starodub-Severskii-nimenke. Se sai makundan lidnan statusad vl 1782.

Amuine pertišt om kaičenus tähäsai läz täuzin. Om äi vanhoid kundaližid sauvusid i torgovanoiden pertid. Lidn šingotase sömtegimišton edheotandoil, pästtas sagudzid, kolbasoid, leibäd, kuivatud sömäd da konservid.

Geografijan andmused

Lidn sijadase Babinc-jogen randal (Vablin ližajogi, Dnepran bassein), 180 m ü.m.t. keskmäižel korktusel. Matkad Bränskhasai om 145 km pohjoižpäivnouzmha. Vspäi 1900 raudtesarak ühtenzoitab lidnad lähembaiženke Uneč-lidnanke 30 km pohjoižhe.

Starodub om lidnümbrikon üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 19 010 ristitud. Kaikiš suremb ristitišt oli 19 400 eläjad vll 1996−2001. Ortodoksižen hristanuskondan Hristan Raštvoiden päjumalanpert' (kozakišton) da kaks' jumalanpertid oma olmas lidnas.

Bränskan agrarine tehnikum om professionaližen opendusen aluzkundaks.

Lidnas sündui tetab Bolton Maikl amerikalaine muzikankirjutai da vauged soul-stilin balladoiden pajatai.

Homaičendad

Irdkosketused

• Starodub-lidnümbrikon tobmuden aluzkundoiden oficialine sait (starburg.ru). (ven.)