Počep
| Počep | |||
|---|---|---|---|
 | |||
|
|||
| 52°56′00″ с. ш. 33°27′00″ в. д.GЯO | |||
| Valdkund | |||
| Istorii da geografii | |||
| Pind |
|
||
| Высота | 150 | ||
| Aigvö | UTC+3[d] | ||
| Eläjad | |||
| Eläjad |
|
||
| Lugud | |||
| Telefonan kod | 48345 | ||
| Počtan indeksad | 243400 | ||
 Mediafailad RUWIKI-tedoiš | |||
Počep (ven.: Почеп) om Venäman lidn da lidnankund Bränskan agjan keskuzpalas. Se om Počepan rajonan administrativine keskuz.
Istorii
Eländpunkt mainitase ezmäižen kerdan vl 1447[3]. Oli lidnuseks 16.-17. voz'sadal, sen mapudotesed oma kaičenus lidnanno tähäsai. Žilo sai lidnan statusad vl 1925. Vozil 1941 (22. eloku) — 1943 (21. sügüz'ku) oli okkupiruidud nacistižen Germanijan sodavägil, tegihe sijaližiden evrejalaižiden rikondad — 1800 ristitud. Ei ole himižen azegišton varoid lidnan ümbrištos (oli Venäman kudendez), likvidiruihe niid täuzin.
Počepan ižandusen päsarakod oma sömtegimišt (pästtas leibäd, maidod, void, kanaproduktoid) i mecan ümbriradmine, mugažo omblendfabrik om olmas.
Geografijan andmused
Lidn sijadase Sudost'-jogen randoil (Desnan oiged ližajogi), 150 m ü.m.t. keskmäižel korktusel. Matkad Bränskhasai om 84 km pohjoižpäivnouzmha avtotedme vai raudtedme. Lähembaižed lidnad (avtotedme) oma Trubčevsk 51 km suvipäivnouzmha, Uneč 64 km päivlaskmha i Mglin 48 km lodeheze.
Počep om lidnankundan üks'jäine eländpunkt.
Eläjad
Vn 2010 Venäman rahvahanlugemižen mödhe eläjiden lugu oli 17 161 ristitud, rajonan nell' ühesandest. Kaikiš suremb lidnan ristitišt oli 18 200 eläjad vozil 1998−2001.
Počepan mehaniž-agrarine tehnikum[4] om professionaližen opendusen aluzkundaks.
Transport
Počep-raudtestancii om olmas lidnas vspäi 1887 «Bränsk — Gomel'»-jonol. Avtote «Bränsk — Gomel'» läbitab lidnan suvipalad.
Homaičendad
- ↑ OKTMO. 179/2016.
- ↑ https://rosstat.gov.ru/storage/mediabank/tab-5_VPN-2020.xlsx
- ↑ «Пану Захари Почапъ, а Сетолоска, а Бобынина земля, а Шумърома; у вотъчину. Инъдик[тъ] 10. Панъ Монивидъ». // Литовская метрика. Т. I. — Piter, 1910. — Lp. 48. (ven.)
- ↑ Počepan mehaniž-agrarižen tehnikuman sait (pocheptechn.ucoz.ru). (ven.)
Irdkosketused
- Počep-lidnan da sen rajonan tobmuden aluzkndoiden oficialine sait (admpochep.ru). (ven.)
- Istorižed andmused Počep-sijaižen kanzannimiš surnameindex.info-saital. (ven.)
| Bränskan agjan lidnad | ||
| Bränsk | Dät'kovo | Fokino | Karačev | Klincad | Mglin | Novozibkov | Počep | Sel'co | Sevsk | Starodub | Suraž | Zlink | Žukovk | Trubčevsk | Uneč | ||