Oktäbr'skii

Oktäbr'skii
bašk.: Октябрьский
Флаг[d] Герб
54°29′00″ с. ш. 53°29′00″ в. д.
Valdkund	Venäma
Глава	Q28500945?
Istorii da geografii
Tegemižen päiv	1937
Pind	98,83
Высота	140
Aigvö	UTC+5:00[d]
Eläjad
Eläjad	▲115 557 чел. (2021)
Lugud
Telefonan kod	34767
Počtan indeksad	452600–452616
Официальный сайт(ven.)
Mediafailad RUWIKI-tedoiš

Oktäbr'skii (ven. i bašk.: Октябрьский, tot.: Октябрьски) om Venäman lidn da lidnümbrik Baškortostanan Tazovaldkundas, sen videnz' surtte lidn. Sijadase tazovaldkundan päivlaskmaiženno röunanno.

Istorii

Lidnan territorii da sen ümbrišt oma elänzoittud amussai, tetas Mullino II-seižutest kodikoittud hebon jändusidenke (7.−6. voz'tuhad e.m.e.).

Nügüdläižen eländpunktan aluz om pandud Soclidn-žiloks (ven.: Соцгород) vl 1937 šingotamha kivivoin löudmižsijad. Kävutihe türmatud da ottud plenha mehiden töid. Oktäbr'skii-radnikžilo sai lidnan statusad tazovaldkundan alištusenke vn 1946 5. päiväl sulakud.

Kivivoin samine, mašiništon tehmine samha kivivoid, metalližkonstrukcijoiden da sauvondmaterialiden pästand (raudbetontegesed, keramine apakut) i kebn tegimišt oma olmas Oktäbr'skii-lidnas, mugažo avtoladimiden tegim, porcellanastjoiden tegim i plastiktegesiden edheotand.

Geografijan andmused

Lidn sijadase Ik-jogen oiktal randal, Bugul'man i Belebein ülüden kukhil, 140 m ü.m.t. keskmäižel korktusel. Tatarstan om jogen vastrandal, matkad Ufahasai om 160 km päivnouzmha orhal vai 180 km avtotedme. Lähembaižed lidnad oma Tuimazi 10 km pohjoižpäivnouzmha i Bavli (Tatarstan) 10 km suvipäivlaskmha.

Oktäbr'skii om lidnümbrikon üks'jäine eländpunkt. Jagase nomeruidud mikrorajonikš (7, 21, 23..26, 28, 29, 32, 34..38, 40) i läz 13 nimitadud lidnanlaptaks.

Eläjad

Vn 2010 kaiken Venäman rahvahanlugemižen mödhe eläjiden lugu oli 109 474 ristitud. Kaikiš suremb ristitišt oli 114 194 eläjad vl 2019.

Rahvahad (enamba 1% vl 2010, ozutadud rahvahudenke): venälaižed — 40,9%, totarlaižed — 38,1%, baškiralaižed — 13,3%, čuvašalaižed — 1,8%, ukrainalaižed — 1,3%, marilaižed — 1,2%, toižed rahvahad — 3,4%.

Islaman koume pühäpertid (sidä kesken Zajitovon päpühäpert', 2007) da «Nurul' islam»-medrese oma olmas lidnas. Ortodoksižen hristanuskondan kaks' pühäpertid oma avaitud: Sretenjan kafedraline päjumalanpert' (om letud vll 1995−2008) i ph. Sergii Radonežalaižen jumalanpert'.

Edeližed lidnan Administracijan pämehed oma Sergei Molčanov (2003−2013), Jurii Korol'kov (1992−2003).

Transport

Avtobusad da taksid oma kundaližeks transportaks lidnas. «Ural»-avtote (M5) ümbärdab lidnad suvespäi. Nariševo-raudtestancii om sarakon čup i vaiše jüguiden täht, passažirstancii sijadase Tuimazi-lidnas.

Sportlendimpöud levigandeb ühesa kilometrad suvipäivlaskmha lidnaspäi.

Galerei

• Вид на площадь Ленина - panoramio.jpg

  Lidnan tobmuden sauvuz (2013)

• Площадь им. Ленина.jpg

  Leninan nimed torg (2014)

• Октябрьский мечеть.JPG

  Zajitovon pämečet', vn 2007 nägu

• 

  Sretenjan kafedraline päjumalanpert', vn 2007 nägu

• Уфимский государственный нефтяной технический университет, Октябрьский филиал. - panoramio.jpg

  Ufan valdkundaline kivivoin tehnine universitet, Oktäbr'skii-lidnan filial (2014)

• Дом техники1.JPG

  Tehnikan pert'kulu (2011)

• Sports Palace. 60th.jpg

  Sportkeskuz 1960-nzil vozil

• 

  Avtostancii vl 2005

• Фонтаны в сквере около парка Победы - panoramio (2).jpg

  Fontanad skveras Vägestusen puištonno vl 2006

Homaičendad

Irdkosketused

• Oktäbr'skii-lidnümbrikon tobmuden aluzkundoiden oficialine sait (oktadm.ru). (ven.)