Mežgor'je

Mežgor'je
bašk.: Межгорье
Флаг[d] Герб
54°03′00″ с. ш. 57°49′00″ в. д.
Valdkund	Venäma
Istorii da geografii
Tegemižen päiv	1979
Высота	560
Aigvö	UTC+5:00[d]
Eläjad
Eläjad	▼15 603 чел. (1 vilukud 2019)
Lugud
Telefonan kod	34781
Počtan indeksad	453570–453571
Официальный сайт
Mediafailad RUWIKI-tedoiš

Mežgor'je (ven., bašk. i tot.: Межгорье) om Venäman lidn da sauptud administrativiž-territorialine ühtnik Baškortostanan Tazovaldkundan päivnouzmas. Se om tazovaldkundan lidnümbrik.

Istorii

Il'mäš-külä oli olmas nügüdläižen lidnan sijas 18. voz'sadaspäi, möhemba udesnimitihe küläd Tatli-žiloks, sid' Beloreck-15, nügüd' Mežgor'jen suvipäivlaskmaine mikrorajon.

Kuzjelg-žilo (ven.: д. Кузъелга) zavodihe GULAG:an objektaks vl 1930. Nügüdläižen eländpunktan aluz om pandud Suviuralan londuseližhe kel'dtahoze vl 1979 kuti Uf-105-sodaobjekt sauvomha peitolišt tegint. Žilon nimitused oliba Beloreck-16, Solnečnii, nügüd' Mežgor'jen keskuzline mikrorajon. Žilo sai lidnan da SATÜ:n statusad vl 1995. Läz 2007. vot peitol'žen tegimen sauvomine tuli lophu, sirtas sauvojiden kanzoid toižihe eländpunktoihe.

Mežgor'je šingotase sauvondan ohjandusel, geotedištelendan edheotandal, Beloreckan metallurgižen kombinatan kervačuiden cehal. Kaks' sodapalakundad baziruišoiš lidnas.

Geografijan andmused

Lidn sijadase 500 m ü.m.t. keskmäižel korktusel. Kogoneb kahtes palaspäi: Kuzjelg (Keskuzline mikrorajon, varjoitas) Jamantau-mägen pautkenno i Tatli (Suvipäivlaskmaine mikrorajon) Dunan-Sungan-mägen pohjanno, ned oma erigoittud toine toižespäi 20-kilometrižel keskustal. Matkad Ufahasai om 140 km lodeheze orhal vai 205 km avtotedme. Lähembaine lidn om Beloreck 35 km päivnouzmha orhal.

Mežgor'je om SATÜ:n üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 17 352 ristitud. Vspäi 2000 kaikiš suremb ristitišt oli 19 900 eläjad vl 2000. Lidnas om koume keskškolad i viž päivkodid.

Rahvahad (enamba 1% vl 2010, ozutadud rahvahudenke): venälaižed — 59,1%, baškiralaižed — 27,5%, totarlaižed — 7,9%, ukrainalaižed — 2,5%, toižed rahvahad — 3,0%.

Islaman pühäpert' om avaitud lidnas. Ortodoksižen hristanuskondan kaks' jumalanpertid oma olmas Mežgor'jes.

Edeližed SATÜ:n Administracijan pämehed oma Viktor Pančenko (heinku 2012 — sulaku 2019), Il'ja Terehov (sulaku 2019 — sulaku 2021).

Galerei

• 

  Znam lidnan tenno

• Outskirts of Mezhgorye in Beloretsky District, Bashkortostan, Russia.jpg

  Nägu lidnas vl 2013

• Hinweisschild Meschgorje.jpg

  Kel'dai tablut SATÜ:n röunal (2011)

• Beloretsky District, Republic of Bashkortostan, Russia - panoramio (4).jpg

  Eländfartal (2013)

• 

  Piht-vararaudtestancii Mežgor'jen territorijal vl 2016

Homaičendad

Irdkosketused

• «Mežgor'je»-SATÜ:n tobmuden aluzkundoiden sait (mezhgorie.bashkortostan.ru). (ven.)