Belebei

	Belebei
	bašk.: Бәләбәй
Флаг[d]	Герб
	54°06′00″ с. ш. 54°08′00″ в. д.GЯO
Valdkund	Venäma;
Глава	Nikolay Mikhaylovich Nikolaev[d]
Istorii da geografii
Tegemižen päiv	1757
Pind	34,26;
Высота	300
Aigvö	UTC+5:00[d]
Ekonomik
Eläjad
Eläjad	▼59 195 чел. (2021);
Lugud
Telefonan kod	34786
Počtan indeksad	452000
-
	Официальный сайт
	lugeda • diskussii • redaktiruida

Belebei (Baškortostanan Tazovaldkundan päivlaskmas. Se om Belebein rajonan administrativine keskuz.

Istorii

Eländpunktan aluz om pandud čuvašalaižil sirdmižen jäl'ghe, mainitase ezmäižen kerdan vl 1757 kuti Belebejevo-külä. Nimitihe 10-kilometrižen Belebeik-jogen mödhe (Ik-jogen da Kaman bassein). Vspäi 1781 om olmas lidnan statusanke.

Belebein ižandusen päsarakod oma paloiden tehmine avtoiden täht (kaks' tegint), sauvondmaterialiden sarak (savič), sömtegimišt (maidkombinat, etilspirtan pästand).

Geografijan andmused

Lidn seižub Suviuralan Bugul'man da Belebein ülüdel, 300 m ü.m.t. keskmäižel korktusel. Matkad Ufahasai om 138 km pohjoižpäivnouzmha orhal, 195 km avtotedme. Lahembaine järed lidn om Oktäbr'skii 78 km avtotedme lodeheze.

Klimat om ven kontinentaline. Heinkun lämuz +20,9 C°, vilukul i uhokul oleleb −11,4 da −11,2 C° keskmäral. Voden keskmäine lämuz om +4,1 C°.

Belebei om lidnankundan üks'jäine eländpunkt. Lidnankundan nevondkundan ezimez' om Rišat Nizajev vn 2016 tal'vkuspäi.

Eläjad

Vl 1959 lidnan eläjiden lugu oli 26 172 ristitud. Kaikiš suremb ristitišt oli 61 200 eläjad vl 2005. Vn 2010 kaiken Venäman rahvahanlugemižen mödhe eläjiden lugu oli 60 188 ristitud. Rajonan koume ristitud videspäi elädas lidnas.

Rahvahad (2010, enamba 1%): čuvašalaižed — 12,5%, baškiralaižed — 12,5%, mordvinalaižed — 1,0%, toižed rahvahad — 2,2%.

Religijan mödhe eläjad oma ortodoksižed hristanuskojad i islamanuskojad-sunnitad.

Islaman pämečet' i istorine mečet' oma avaitud lidnas. Ortodoksižen hristanuskondan nell' pühäpertid^[2] oma olmas lidnas: Mikulai-čudonsädajan päjumalanpert' (om letud vll 1890−1897), Mikoi-arhangelan jumalanpert' i kaks' časounäd.

Kaik kümne keskškolad ratas lidnas. Specialižen kesk- da alaopendusen aluzkundad: Belebein mehanizacijan da elektrifikacijan kolledž^[3], medicinine i gumanitariž-tehnine kolledžad, pedagogine škol. Samaran valdkundaližen tehnižen universitetan filial andab üläopendust.

Transport

Avtobusad (nell' maršrutad) da taksid oma kundaližeks transportaks lidnas.

«Samar — Uf»-raudtejono läbitab lidnad vspäi 1914, 1990-nziš vozišpäi Belebei-stancii om olmas vaiše jügustancijaks.

Galerei

Центральная поликленика - panoramio.jpg

Poliklinik nomer 1, se-žo Belebein rajonan keskuzline läžundkodi (2008)
Белебей, Свято-Никольский собор.jpg

Mikulai-čudonsädajan päjumalanpert', vn 2012 nägu
BelZAN - panoramio.jpg

Belebein «Avtonormal'»-tegim (BelZAN) vl 2007
Belebein gumanitariž-tehnine kolledž (2020)
House of Culture and Technical (Дом Культуры и Техники).jpg

Kul'turan i tehnikan keskuz vl 2007

Homaičendad

Irdkosketused

Lidnankundan tobmuden aluzkundoiden oficialine sait (belebey-gp.ru). (ven.)

Belebei Vikiaitas

	Baškortostanan Tazovaldkundan lidnad
	Agidel' \| Baimak \| Belebei \| Beloreck \| Birsk \| Blagoveščensk \| Davlekanovo \| Dürtüli \| Išimbai \| Janaul \| Kumertau \| Meleuz \| Mežgor'je \| Neftekamsk \| Oktäbr'skii \| Salavat \| Sibai \| Sterlitamak \| Tuimazi \| Učali \| Uf

[_15bd2465f028e4c3-1] 1,0 ^1,1 https://rosstat.gov.ru/storage/mediabank/tab-5_VPN-2020.xlsx

[2] Belebein pühäpertid sobory.ru-saital. (ven.)

[3] Belebein mehanizacijan da elektrifikacijan kolledžan sait (belkome.ru). (ven.)

[1]

[2]

[3]