O. V. Kuusižen muštpacaz
| Muštpacaz | ||
| O. V. Kuusižen muštpacaz | ||
|---|---|---|
 | ||
| 61°47′40″ с. ш. 34°22′31″ в. д.GЯO | ||
| Valdkund |
 Venäma |
|
| Sija |
 Karjala, Petroskoi, Sovetskaja-avoird |
|
| Vestai | Boris D'užev | |
| Arhitektor |
Aleksandr Zavarzin, J.L. Kaluga |
|
| Sündundpäiv | 1973 | |
| Sauvomine | 1973 | |
| Status |
 Löutuй Venäman rahvahiden kul'turjäl'gestusen objekt (Нормативный акт). Objekt № 1000000709 (БД Викигида) |
|
| Material | granit | |
|
|
||
 Mediafailad RUWIKI-tedoiš | ||
Otto Vil'gel'movič Kuusižen muštpacaz (ven.: Памятник Отто Вильгельмовичу Куусинену) — muštpacaz om tehtud venälaižen da sovetskijan valdmehen, politikan, partijan ühtnikan muštoks. Se om pandud Karjalan Petroskoin Sovetskija-avoirdal. Muštpacaz om kul'turjäl'gestusen objekt[1].
Istorii
17. semendkud vodel 1964 läksi elospäi valdmez', politik, KPSSan keskuzkomitetan prezidiuman ühtnik, Iljič Leninan openik da üks'heng, marksizman teoretik, Sovetskijan Sojuzan tedoakademijan akademik Otto Kuusinen. Miše igästoitta mušt hänen polhe, Moskvas Rusttal avoirdal Kremlin seinänno pandihe maha urn prahanke. 16. kezakud vodel 1964 KPSSan keskuzkomitetan da Sovetskijan Sojuzan ministroiden nevondišton käskön mödhe "Otto Kuusižen mušton igästoitandas" pättihe Petroskoiš panda muštpacaz i nimitada hänen nimel Petroskoin valdkundaline universitet i ird Moskvas, a mugažo painda hänen valitud kirjutesiden kogomuz[2].
Sovetskijan Sojuzan kul'turministerstv tedoti konkursan polhe Kuusižen muštpachan projektan tegemižen mödhe. Sihe ühtni koume kollektivad: Petroskoišpäi, Moskvaspäi, Estoniaspäi. Rad pidestui i moskvalaižed da petroskoilaižed pučihe ühtnendaspäi, a estilaižiden avtoroiden projekt ei kožund. Kezakus vodel 1968 oli toine konkursan turnir, miččele ezitadihe kaks' ut muštpachan projektad. Oli hüväksitud avtoroiden kollektiv, miččehe mülüiba vestai Boris D'užev, arhitektorad Aleksandr Zavarzin i Jevgenia Kulagi[3].
Sija muštpachan täht valitihe pigai: nece om uz' avoird Änižen randirdan da Leninan prospektan risttenno. Erasiden jügedusiden taguiči muštpachan panend kaiken aigan sirttihe. Vodel 1969 sen avaiduz tahtoitihe tehta Karjalan ASSRan tegemižen 50-voččeks jubilejaks, vodel 1972 — Okt'abr'skijan revol'ucijan 55-voččeks jubilejaks i Sovetskijan Sojuzan 50-voččeks jubilejaks. No muštpachan praznikavaiduz oli 22, kezakud vodel 1973, Petroskoin 270-voččen jubilejan päiväl[4].
Tedod
Otto Kuusižen muštpacaz om tehtud hahk-ruzaspäi granitaspäi, se sijadase Petroskoin Sovetskijan avoirdan keskel. Kuusinen om kuvatud seižujan, pä ei ole kattud. Muštpachan üläpalal om tehtud kirjutez "Otto Kuusinen"[5]. Figur kacub Änižen polhe, necen polhe lidnan eläjad andoiba muštpachale "Kalakodvii"-nimi[6].
Homaičendad
- ↑ Приказ Министерства культуры Республики Карелия от 18 февраля 2000 года №38 «Об учете вновь выявленных памятников истории и культуры». Дата обращения: 11 kül'mkud 2025.
- ↑ Символ советской эпохи: история памятника О. В. Куусинену в Петрозаводске. carelica.petrsu.ru. Дата обращения: 11 kül'mkud 2025.
- ↑ Памятник О.В. Куусинену. wiki-karelia.ru. Дата обращения: 11 kül'mkud 2025.
- ↑ В 1973 года состоялось открытие памятника Отто Вильгельмовичу Куусинену. nikaplus.ru. Дата обращения: 11 kül'mkud 2025.
- ↑ Памятник О. В. Куусинену. Республиканский центр по государственной охране объектов культурного наследия. Дата обращения: 11 kül'mkud 2025.
- ↑ Памятник Куусинену: и на камнях растут деревья. Петрозаводск говорит. Дата обращения: 11 kül'mkud 2025.
Literatur
- Волохова В. В. Символ советской эпохи: история памятника О.В. Куусинену в Петрозаводске // CARELiCA. — 2015. — № 2 (14). — С. 23—31.