Novokubansk

	Novokubansk
Флаг[d]	Герб
	45°06′ с. ш. 41°03′ в. д.GЯO
Valdkund	Venäma;
Istorii da geografii
Tegemižen päiv	1867
Pind	27,97;
Высота	145
Ekonomik
Eläjad
Eläjad	▼33 177 чел. (2024);
Lugud
Telefonan kod	86195
Počtan indeksad	352240–352244
-
	lugeda • diskussii • redaktiruida

Novokubansk (Krasnodaran randan päivnouzmas, Novokubanskan rajonan administrativine keskuz.

Istorii

Nevondkundaline lidnanznam

Eländpunktan aluz om pandud vl 1867 kuti Kubanskoje-žilo Kavkazan polkiden saldatoil erindas. Edel 1922 vot nimitaškanzihe sidä Novokubanskoje:ks. Vl 1961 kätihe sidä Novokubanskii-radnikžiloks. Vn 1966 11. päiväl kezakud se sai lidnan statusad nügüdläiženke nimenke. Lidn eli läbi sur'vedes vn 2002 kezakul, urzi dambad i veden korktuz lidnas ületi kaht metrad.

Novokubansk šingotase sömtegimišton keskuseks sijaližel torhudel (leibtegim, saharan tegim), mugažo sauvondmaterialiden tegimed oma olmas lidnas (savič krepindan täht^[3], profiline torv). Eläjiden znamasine pala radab Armaviras. Kon'jakan järed tegim om rajonan territorijal. KubNIITiM^[4] om federaližen «Rosinformagroteh»-tedoaluzkundan filial, om otnus maižandusen sferha.

Geografijan andmused

Lidn sijadase Kuban'-jogen hural randpolel, ühtes kilometras jogespäi, 145 m ü.m.t. keskmäižel korktusel. Matkad Krasnodarhasai om 162 km päivlaskmha orhal vai 205 km avtotedme. Lähembaine lidn om Armavir, om nell' kilometrad matkad lidnoiden röunoiden keskes avtotedme. Kubanskai-raudtestancii (ven.: Кубанская) om olmas «Armavir — Kropotkin»-keskustal. Koumekilometrine sarak ühtenzoitab lidnad «Kavkaz»-avtotenke suvipäivlaskmas.

Novokubansk om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 34 880 ristitud, rajonan kaks' videndest. Vspäi 2002 lidnan ristitišt vajehtab 34..35 tuhad eläjid röunoiš (35 440 rist. vl 2016). Vl 2018 lidnan ristitišt oli 35 287 eläjad.

Rahvahad (enamba 1% vl 2010): venälaižed — 88,2%, armenijalaižed — 6,3%, ukrainalaižed — 1,6%, toižed rahvahad — 2,7%, rahvahuden ozutandata — 1,2%.

Ortodoksižen hristanuskondan kaks' jumalanpertid oma avaitud lidnas: Ioann-jumalantedomehen i Jumalanmaman Katken.

Novokubanskan agrariž-politehnine tehnikum^[5] radab rajonan lähižes Pročnookopskai-stanicas, kudes kilometras lidnaspäi Kubanin vastrandal. Toižed lähembaižed professionaližen opendusen aluzkundad sijadasoiš Armaviras.

Edeližed lidnankundan pämehed (Administracijan pämehed) oma Ruslan Kadirov (eloku 2018 — reduku 2020) i Aleksandr Jelisejev (sulaku 2016 — semendku 2018).

Galerei

Jumalanmaman Katken jumalanpert', vn 2013 nägu (ende Ščerbak-pomeššikan erižpert')
Здание конторы главноуправляющего бар.Штейнегеля. Сейчас контора ЗАО КСП "Хуторок" 2.jpg

«Hutorok»-maižanduzedheotandan kontor vl 2022
Бывшая школа барона Штейнгеля. Сейчас мед.центр "Платон".jpg

«Platon»-medkeskuz (2022)
Здание главной конторы барона Штейнгеля. Сейчас ресторан "Легенда".jpg

«Legenda»-restoran vl 2022

Homaičendad

Irdkosketused

Novokubanskan lidnankundan tobmuden sait (ngpnr.ru). (ven.)

Novokubansk Vikiaitas

	Krasnodaran randan lidnad
	Abinsk \| Anap \| Apšeronsk \| Armavir \| Belorečensk \| Gelendžik \| Gul'keviči \| Hadižensk \| Hul Purde \| Jeisk \| Korenovsk \| Krasnodar \| Krimsk \| Kropotkin \| Kurganinsk \| Labinsk \| Novokubansk \| Novorossiisk \| Primorsko-Ahtarsk \| Slavänsk Kubanil \| Soči \| Temrük \| Tihoreck \| Timašovsk \| Tuapse \| Ust'-Labinsk

[_b3788f6da358ae20-1] 1,0 ^1,1 ОКТМО. 185/2016. Southern FD

[_25df692052573b23-2] 2,0 ^2,1 https://rosstat.gov.ru/storage/mediabank/Сhisl_MO_01-01-2024.xlsx

[3] Novokubanskan keramižiden seinmaterialiden tegimen sait (nzksm.ru). (ven.)

[4] Federaližen «Rosinformagroteh»-tedoaluzkundan Novokubanskan filialan (KubNIITiM) sait (kubniitim.ru). (ven.)

[5] Novokubanskan agrariž-politehnižen tehnikuman sait (pu52kk.ru). (ven.)

[1]

[2]

[3]

[4]

[5]