Hul Purde
| Hul Purde | |||||
| Fail:Горячий Ключ на закате.jpg | |||||
| |||||
| Valdkund | |||||
|---|---|---|---|---|---|
| Istorii da geografii | |||||
| Tegemižen päiv |
1868 | ||||
| Pind |
| ||||
| Высота |
70 | ||||
| Ekonomik | |||||
| Eläjad | |||||
| Eläjad |
| ||||
| Lugud | |||||
| Telefonan kod |
86159 | ||||
| Počtan indeksad |
353290 | ||||
| - | |||||
|
| |||||
| lugeda • diskussii • redaktiruida | |||||
![Флаг[d]](/wiki/Fail:Flag_of_Goryachy_Klyuch_(Krasnodar_krai).png)
.png)
Hul Purde (Krasnodaran randan keskuzpalan suvipäivlaskmas. Se om municipaližen «Hul Purde-lidn»-ühtnikan da lidnümbrikon administrativine keskuz.
Istorii
Edel 19. voz'sadan kahtent pol't adiglaižiden Psifab-aul (adig.: Псыфабэ «hul vezi») oli necil sijal. Nügüdläižen eländpunktan aluz om pandud vl 1864 kuti lebutaho-kurort, saudihe sodaläžundkodid, kül'bendsijad da puištod. Vl 1965 kurortine žilo sai lidnan statusad.
Mineralveden butiliruindan tegimed, turistad, lebuntahtnikad, meblin tehmine, kivivoin samižen sarak šingotadas Hul Purde-lidnad.
Geografijan andmused
Lidn sijadase Kavkazan ezimägištonno, Psekups-jogen randoil (adig.: Псэкъупс, Kubanin hura ližajogi), 70 m ü.m.t. keskmäižel korktusel. Matkad Krasnodarhasai om 50 km pohjoižhe avtotedme vai raudtedme. Lähembaine lidn om Adigeisk (Adigejan Tazovaldkundan pälidn) 35 km pohjoižhe niil-žo teil.
Klimat om ven subtropižen nepsan vönen pirdoidenke. Heinkun lämuz om +23,1 C°, vilukun — +1,7 C°, voden keskmäine lämuz +12,2 C°. Ekstremumad oma −29 C° i +38 C°. Paneb sadegid 895 mm vodes, enamba kül'mkus-vilukus (89..101 mm kus).
Kaik 30 eländpunktad mülüdas lidnümbrikho Hulan Purtken ližaks: kahesa stanicad, 13 žilod da ühesa futorad, ühtenzoittas niid seičemeks küläümbrikoks. Lidnümbrikon pind — 1766,5 km².
Eläjad
Vn 2010 Venäman rahvahanlugemižen mödhe lidnan eläjiden lugu oli 30 126 ristitud, lidnümbrikon — 57 289 ristitud. Vl 2018 kaik 37 475 ristitud elihe lidnas i 66 008 ristitud kaikes lidnümbrikos. Kaikiš suremb lidnan i lidnümbrikon ristitišt om nügüd'. Vl 2022 lidnümbrikon ristitišt oli 72 726 eläjad.
Rahvahad (lidnan eläjad, enamba 0,4% vl 2010): adiglaižed — 0,6%, saksalaižed — 0,4%, toižed rahvahad — 2,0%, rahvahuden ozutandata — 4,3%.
Ortodoksižen hristanuskondan kaks' pühäpertid[4] oma avaitud lidnas: Pühän Stroican jumalanpert' (letihe vll 1995−2009) i Jumalanmaman Iveronan jumalaižen časoun'.
Hulan Purden medicinine kolledž[5] i tehnologine tehnikum[6] oma lidnan professionaližen opendusen aluzkundoikš.
Municipaližen «Hul Purde-lidn»-ühtnikan edeližed pämehed (lidnümbrikon Administracijan pämehed) oma Aleksandr Kil'gankin (kül'mku 2018 — sulaku 2021) i Ivan Fedorovskii (kezaku 2015 — reduku 2018).
Transport
Hul Purde-raudtestancii om olmas vspäi 1978, sijadase jogen hural randpolel, «Krasnodar — Tuapse»-keskustal. «Don»-avtote (M4-trass) läbitab lidnan hurarandališt palad.
Avtobusad da ezilidnelektrojonused ühtenzoittas lidnad ümbrištonke.
Galerei
Lidnan keskuzline Leninan ird vn 2006 elokus
- Иверский источник, Иверская часовня - panoramio (1).jpg
Iveronan časoun' i Iveronan purde, vn 2012 nägu
- Санаторий Предгорье Кавказа http-www.predgore-kavkaza.ru - panoramio (1).jpg
«Predgorje Kavkaza»-sanatorii vl 2012 (Kavkazan ezimägišt)
- Горячий Ключ - panoramio.jpg
Jäpert'kulu (2014)
Hul Purde-päraudtestancii vl 2006
Homaičendad
- ↑ 1,0 1,1 ОКТМО. 185/2016. Southern FD
- ↑ 2,0 2,1 Geographic Names Server — 2018.
- ↑ 3,0 3,1 https://rosstat.gov.ru/storage/mediabank/Сhisl_MO_01-01-2024.xlsx
- ↑ Hulan Purden pühäpertid sobory.ru-saital. (ven.)
- ↑ Hulan Purden medicinižen kolledžan sait (gkmk.ru). (ven.)
- ↑ Hulan Purden tehnologižen tehnikuman sait (pu82.ru). (ven.)
Irdkosketused
 |
Hul Purde Vikiaitas |
| Krasnodaran randan lidnad | ||
| Abinsk | Anap | Apšeronsk | Armavir | Belorečensk | Gelendžik | Gul'keviči | Hadižensk | Hul Purde | Jeisk | Korenovsk | Krasnodar | Krimsk | Kropotkin | Kurganinsk | Labinsk | Novokubansk | Novorossiisk | Primorsko-Ahtarsk | Slavänsk Kubanil | Soči | Temrük | Tihoreck | Timašovsk | Tuapse | Ust'-Labinsk | ||