Adigeisk

Adigeisk
Адыгэкъал
Флаг Герб
44°53′ с. ш. 39°11′ в. д.
Valdkund	Venäma
Istorii da geografii
Tegemižen päiv	1969
Pind	31,5
Высота	45
Aigvö	UTC+3:00[d]
Ekonomik
Eläjad
Eläjad	▲13 175 чел. (2021)
Lugud
Počtan indeksad	385200
-
Официальный сайт
lugeda • diskussii • redaktiruida

Adigeisk (adig.: Адыгэкъалэ) om Adigejan Tazovaldkundan lodehes. Se om tazovaldkundan videnz' eländpunkt ristitišton mödhe.

Istorii

Eländpunktan aluz om pandud vl 1969 kuti Adigeiskii-radnikžilo sirdamha upotajiden auloiden da žiloiden eläjid Krasnodaran vezivaradimen täutandan tagut. Mugomiden kanzoiden läz pol't eläškanzihe udes radnikžilos. Vn 1976 27. päiväl heinkud Adigeiskii sai lidnan statusad, nimitihe lidnad Teučežsk:aks Cug Teučež-runokirjutajan kanzannimen mödhe. Vl 1990 udesnimitihe nügüdläižikš.

Adigeisk šingotase sömtegimištol (korundan pästand, Vologdan sauvondkonstrukcijoiden da temašinoiden tegimen ceh (sirdandpertid, sauvondmetallprofil') ratas lidnas.

Geografijan andmused

Lidn sijadase adig.: Псыж, Krasnodaran vezivaradim) hural randpolel, 45 m ü.m.t. keskmäižel korktusel. Matkad Maikophasai om 80 km suvipäivlaskmha orhal vai 100 km avtotedme. Lähembaine lidn om Krasnodar (rahvahidenkeskeine lendimport) 15 km lodeheze orhal vai 20 km «Don»-avtotedme (M4).

Klimat om ven Mustmeren valatoitandanke. Voden keskmäine lämuz +11,7 C°, kezakun-elokun +21..+23 C°, tal'vkun-uhokun 0..+3 C°. Paneb sadegid 762 mm vodes, enamba kezakus i tal'vkus-uhokus (73..84 mm kus).

Gatlukai-aul (1 555 rist. vl 2018) i Psekups-futor (907 rist. vl 2018) mülüdas lidnümbrikho Adigeiskan ližaks. Lidnümbrikon pind — 32,4 km².

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 12 237 ristitud, lidnümbrikon — 14 659 ristitud. Vspäi 1989 lidnan ristitišt vajehtab 12,2..12,9 tuh. eläjid röunoiš, kaikiš suremb ristitišt om nügüd'. Vl 2018 kaik 12 745 ristitud elihe lidnas i 15 207 ristitud kaikes lidnümbrikos.

Rahvahad (lidnan eläjad, enamba 1% vl 2010): adigejalaižed — 78,6%, venälaižed — 17,3%, toižed rahvahad — 2,5%, rahvahuden ozutandata — 1,6%.

Islaman kaks' pühäpertid oma avaitud lidnas. Ortodoksižen hristanuskondan kaks' jumalanpertid oma lidnümbrikos: ph. Jurgii-vägestusenkandajan (Adigeisk) i Jumalanmaman Ahtirskan jumalaižen (Psekups-futor).

Professionaližen opendusen aluzkundad ratas lähembaižiš lidnoiš.

Lidnan Deputatoiden Nevondkundan ezimez' om Asker Tašu vn 2017 redukuspäi.

Galerei

• Адыгейск телевышка.jpg

  TV-čuhunduz (2016)

• Адыгейск мечеть.jpg

  Lidnan üks' mečetišpäi, vn 2017 nägu

• Придорожный комплекс 1360 км М4 г. Адыгейск, х. Псекупс.jpg

  Holituzkompleks «Don»-avtotrassanno (M4) lidnümbrikon Psekups-futoras vl 2021

• Адыгейскчэ.jpg

  Pertišt (2017)

• Адыгейск въезд.jpg

  Znam lidnan röunal vl 2017

Irdkosketused

• Municipaližen «Adigeisk-lidn»-ühtnikan tobmuden sait (adigeisk.ru). (ven.)
• Lidnan muzejan sait (музей-адыгейск.рф). (ven.)

	Adigejan Tazovaldkundan lidnad
	Adigeisk | Maikop