Temrük

Temrük
Temrük
Флаг[d]	Герб
	45°16′00″ с. ш. 37°23′00″ в. д.GЯO
Valdkund	Venäma;
Istorii da geografii
Pind	20,1;
Высота	10
Eläjad
Eläjad	▼40 870 чел. (2024);
Lugud
Telefonan kod	86148
Počtan indeksad	353500–353508
	Mediafailad RUWIKI-tedoiš

Temrük (ven.: Темрю́к) om Venäman lidn da lidnankund Krasnodaran randan päivlaskmas. Se om ühtennimižen rajonan administrativine keskuz, kaikiš suremb eländpunkt da üks'jäine lidn, vinmarjan maižanduzrajonan keskuz.

Istorii

Nügüdläižen eländpunktan aluz om pandud 16. voz'sadan lopus kuti Uz' Temrük-lidnuz (ven.: крепость Новый Темрюк), sidä kesken Venäman sodavägil, nimitihe sauvondan ohjandajan kabardalaižen Temrük-ruhtinasen mödhe. Vll 1570−1774 lidnuz mülüi Ottomanan imperijha. Temrükskai-stanic (ven.: станица Темрюкская) sai lidnan statusad vl 1860.

Temrük šingotase kalan kazvatusel da ümbriradmižel, optiž-mehanižel tegimel, laivankohendusen tegimel, meriportaks Azovmerel i lebutahoks reduvulkanoil. Pästtas sauvondmaterialid.

Geografijan andmused

Lidn sijadase Tamanin pol'sarel, Kuban'-jogen suhišton i Kurčanskii-limanan randoil, jogenvagon oiktal randal tobjimalaz, 10 m valdmeren pindan päl korktusel. Matkad Krasnodarhasai om 130 km päivnouzmha avtotedme. Lähembaine lidn om Anap 40 km suvhe avtotedme vai raudtedme.

Kaks' žilo da futor mülüdas lidnankundha.

Eläjad

Vn 2010 rahvahanlugemižen mödhe lidnan eläjiden lugu oli 38 046 ristitud, lidnankundan — 38 836 ristitud. Vl 2017 kaik 40 108 ristitud elihe lidnas i 40 915 ristitud kaikes lidnankundas, rajonan koumandez. Lidnan kaikiš suremb ristitišt oli 41 413 eläjad vl 2020.

Rahvahad (lidnan eläjad, enamba 1,0% vl 2010): venälaižed — 93,8%, ukrainalaižed — 1,9%, toižed rahvahad — 3,3%, rahvahuden ozutandata — 1,0%.

Ortodoksižen hristanuskondan kaks' jumalanpertid^[3] oma avaitud lidnas: ph. Aleksandr Nevalaižen i Mikoi-arhangelan.

Kubanin kozakišton sömindustrijan da biznesan valdkundaline institut^[4] (Moskvan valdkundaližen ohjanduztehnologijoiden universitetan filial) om lidnan professionaližen opendusen aluzkundaks.

Transport

Avtobusad da maršruttaksid oma kundaližeks transportaks lidnas.

Temrük-merijüguport om saudud Azovmeren randal. Temrük-raudtestancii radab vaiše jüguiden täht, ühtenzoitab Anapanke. Lähembaine Vitäzevo-lendimport sijadase 30 km suvhe, läz Anap-lidnad.

Galerei

Suren sodan memorial (2009)
Mikoi-arhangelan jumalanpert', vn 2008 nägu
Keskuzline universaline lauk
Kul'turkeskuz pätorgul

Homaičendad

Irdkosketused

Lidnankundan tobmuden sait (admtemruk.ru). (ven.)

	Krasnodaran randan lidnad
	Abinsk \| Anap \| Apšeronsk \| Armavir \| Belorečensk \| Gelendžik \| Gul'keviči \| Hadižensk \| Hul Purde \| Jeisk \| Korenovsk \| Krasnodar \| Krimsk \| Kropotkin \| Kurganinsk \| Labinsk \| Novokubansk \| Novorossiisk \| Primorsko-Ahtarsk \| Slavänsk Kubanil \| Soči \| Temrük \| Tihoreck \| Timašovsk \| Tuapse \| Ust'-Labinsk

[_b3788f6da358ae20-1] ОКТМО. 185/2016. Southern FD

[_25df692052573b23-2] ttps://rosstat.gov.ru/storage/mediabank/Сhisl_MO_01-01-2024.xlsx

[3] Temrükan pühäpertid sobory.ru-saital. (ven.)

[4] Kubanin sömindustrijan da biznesan institutan sait (темрюк-мгуту.рф). (ven.)

[1]

[2]

[3]

[4]