Nevinnomissk
| Nevinnomissk | |||||
|---|---|---|---|---|---|
 | |||||
|
|||||
| 44°38′00″ с. ш. 41°56′00″ в. д.GЯO | |||||
| Valdkund | |||||
| Глава | Minenkov Mikhail Anatolievich[d] | ||||
| Istorii da geografii | |||||
| Tegemižen päiv | 1825 | ||||
| Pind |
|
||||
| Высота | 320 | ||||
| Aigvö | UTC+3[d] | ||||
| Eläjad | |||||
| Eläjad |
|
||||
| Lugud | |||||
| Počtan indeksad | 357100–357129 | ||||
|
|
|||||
| Официальный сайт(ven.) | |||||
 Mediafailad RUWIKI-tedoiš | |||||
![Флаг[d]](/wiki/Fail:Flag_of_Nevinnomyssk_(Stavropol_krai).svg)
![Герб[d]](/wiki/Fail:%D0%93%D0%B5%D1%80%D0%B1_%D0%9D%D0%B5%D0%B2%D0%B8%D0%BD%D0%BD%D0%BE%D0%BC%D1%8B%D1%81%D1%81%D0%BA.jpg)
Nevinnomissk (ven.: Невинномысск) om Venäman lidn da lidnümbrik Stavropolin randan suvipäivlaskmas. Se om randan nellänz' lidn eläjiden lugun mödhe.
Istorii
Eländpunktan aluz om pandud vl 1825 kuti Nevinnomisskai-stanic (ven.: станица Невинномысская) läz ühtennimišt lidnust. Vozil 1872−1875 saudihe raudted lidnannoks. Stanic sai lidnan statusad vl 1939, nimitihe nügüdläižikš. Vspäi 1936 vhesai 1948 saudihe Nevinnomisskan kanalad. Vozil 1942 (eloku) — 1943 (21. viluku) lidn oli okkupiruidud nacistižen Germanijan sodavägil. Vn 2002 kezakus lidn eli läbi järedas sur’vedes.
Nevinnomisskan ižandusen päsarak om himine tegimišt: azotühtnendoiden pästand da kodihimijan tegim.
Geografijan andmused
Lidn sijadase Kavkazan ezimägištol, seižub Kuban-jogen molembil randoil Suren Zelenčukan (kar. da balk.: Уллу Инджик) lanktendan sijas (hura ližajogi), 320 m ü.m.t. keskmäižel korktusel. Matkad Stavropolihesai om 55 km pohjoižhe. Toine lähine lidn om Čerkessk 57 km suvipäivnouzmha avtotedme.
Nevinnomissk om lidnümbrikon üks’jäine eländpunkt. Sen territorii jagase 11 lidnanlaptaks. Om ümbärtud Kočubejevskojen rajonan territorijal.
Eläjad
Vn 2010 Venäman rahvahanlugemižen mödhe eläjiden lugu oli 118 360 ristitud. Vl 2018 lidnan ristitišt oli 117 446 eläjad. Kaikiš suremb ristitišt oli 133 802 eläjad vl 1998.
Rahvahad (enamba 1 % vl 2010): venälaižed — 89,9 %, ukrainalaižed — 2,0 %, armenijalaižed — 1,8 %, toižed rahvahad — 4,8 %, rahvahuden ozutandata — 1,5 %.
Ortodoksižen hristanuskondan ühesa pühäpertid[4] oma saudud lidnas: Jumalanmaman Katken kafedraline päjumalanpert' (letihe vll 1988−1998) i kahesa jumalanpertid. Protestantizman koumen jumalankodikundan pühäpertid oma avaitud.
Professionaližen keskopendusen aluzkundad: Nevinnomisskan industrialine i himiž-tehnologine[5] kolledžad, ekonomiž-oiktuzline i energetine[6] tehnikumad, Pohjoižkavkazan medkolledžan filial. Anttas üläopendust: Nevinnomisskan valdkundaline gumanitariž-tehnine institut, Nevinnomisskan ekonomikan, ohjandusen da oiktusen institut, Nevinnomisskan tehnologine institut (Pohjoižkavkazan fedraližen universitetan filial, Stavropol').
Lidnan Duman ezimez' om Aleksandr Medänik vn 2016 sügüz’kuspäi. Lidnan pämez' om lidnan Administracijan pämez'.
Galerei
- Обелиск "Вечная слава" установленный в честь 50-летия советской власти.jpg
«Igähine hoštuz»-muštpacaz (2017)
Nevinnomisskan kanalan päsauvuz lidnan lodehes (2014)
Jumalanmaman Katken kafedraline päjumalanpert', vn 2013 nägu
- Церковь Серафима Саровского в Невинномысске.jpg
Ph. Serafim Sarovalaižen jumalanpert', vn 2021 nägu
Nevinnomisskan GRES vl 2015
Kul'turkeskuz Gor'kijan nimed (2021)
«Olimp»-sportkompleks (2014)
«Olimpiiskii»-jäpert'kulu (2019)
Nevinnomisskai-päraudtestancijan sauvuz da torg senno vl 2019
Homaičendad
- ↑ http://docs.cntd.ru/document/461506269
- ↑ http://www.gks.ru/free_doc/2016/oktmo/tom4_oktmo.rar
- ↑ https://rosstat.gov.ru/storage/mediabank/tab-5_VPN-2020.xlsx
- ↑ Nevinnomisskan pühäpertid sobory.ru-saital.(ven.)
- ↑ Nevinnomisskan himiž-tehnologižen kolledžan sait (himkol.ru).(ven.)
- ↑ Nevinnomisskan energetižen tehnikuman sait (nevenergotehnikum.ru).(ven.)
Irdkosketused
- Lidnan Duman oficialine sait (dumanev.ru).(ven.)
- Lidnan administracijan oficialine sait (nevadm.ru).(ven.)