Pätigorsk

	Pätigorsk
Флаг[d]	Герб[d]
	44°02′00″ с. ш. 43°03′00″ в. д.GЯO
Valdkund	Venäma;
Глава	Q4461689?
Istorii da geografii
Tegemižen päiv	1780
Pind	97;
Высота	500
Aigvö	UTC+3[d]
Ekonomik
Eläjad
Eläjad	▼144 955 чел. (2023);
Lugud
Počtan indeksad	357500
-
	Официальный сайт(ven.) (angl.)
	lugeda • diskussii • redaktiruida

Pätigorsk (kab. da čerk.: Псыхуабэ, Stavropolin randan suves. Se om randan kahtenz' surtte lidn, Pätigorskan lidnümbrikon administrativine keskuz. Om Kavkazižed Mineraližed Veded-regionan palaks.

Vs 2010 vilukun 19. päiväspäi Pätigorsk om Pohjoižkavkazan federaližen ümbrikon pälidn.

Istorii

Eländpunktan aluz om pandud vl 1780 kuti Konstantinogorskan lidnuz. Goräčevodsk-žilo (Hulad Veded) sai lidnan statusad vl 1830 udenke nügüdläiženke nimenke, läheseižujan (ei mülü lidnha) izoliruidud Beštau-mägen mödhe (kab. da čerk.: Beštau — «viž-mägi», 1401 m ü.m.t.).

Pätigorskan ižandusen päsarakod oma turizm, sömtegimišt (leibänkombinat, maidkombinat, lihategim, kül'menzoittud produktoiden kombinat, mineraližiden veziden butiliruind), omblendtegimišt (nahkan i karvan ümbriradmine, sobiden omblendan pened edheotandad), mašinoidensauvomine (mašiništ sömtegimišton i lindfabrikoiden täht, maižanduzmašinad, kommunaline mašiništ), elektrotehnine (ladimed radiacijan kontrolin täht tegimištos, pened elektromašinad), torguind.

Geografijan andmused

Lidn sijadase Podkumk-jogen randal (Kuman oiged ližajogi), Mašuk-mägen (993 m) pautkil da pohjanno, 500..600 m korktusil valdmeren pindan päl. Pätigorsk sab reskveden Kubanišpäi vezivedon kal't. Matkad Stavropolihesai om läz 150 km lodeheze. Lähembaine lidn om Lermontov 10 km lodeheze avtotedme.

Pätigorsk-päraudtestancii sijadase «Mineraližed Veded — Kislovodsk»-keskustal. Kaik om nell' raudtestancijad da üks' platform lidnan röunoiš.

Lidn jagase kudeks lidnanlaptaks Energetik-žilonke.

Eläjad

Vn 2010 Venäman rahvahanlugemižen mödhe lidnan eläjiden lugu oli 142 511 ristitud. Vl 2018 lidnan ristitišt oli 145 885 eläjad. Kaikiš suremb ristitišt oli 147 861 eläjad vl 2020.

Rahvahad (enamba 1% vl 2010): azerbaidžanlaižed — 3,1%, kabardalaižed — 1,2%, toižed rahvahad — 8,4%, rahvahuden ozutandata — 0,7%.

Armenižen jumalankodikundan «Surb Sarkis»-jumalanpert' radab. Protestantizman kaks' loičendpertid (seičemenden päivän adventistad) oma avaitud. Islaman pämečet' om olmas.

Professionaližen opendusen aluzkundad oma Pätigorskan medicinine kolledž^[6], torguindan, tehnologijoiden i servisan tehnikum^[7] (ende agrarine tehnikum), ekonomikan i innovacižtehnologijoiden tehnikum^[8], mugažo üläopendusen Pätigorskan valdkundaline universitet^[9] i severz'-se toižid aluzkundoid da filialad läz 40 tuhanke üläopenikoid.

Edeline lidnan pämez' om Andrei Skripnik (tal'vku 2017 — sulaku 2020).

Galerei

Pätigorskan lidnümbrikon ohjastusen pert' (2011)
Bristol Hotel building in Pyatigorsk.jpg

Venäman prezidentan ezitajan Pohjoižkavkazan federaližes ümbrikos rezidencii (2020, istorine «Bristol'»-adivpert')
Spravitajan Hristan Päzutajan kafedraline päjumalanpert', vn 2013 nägu
Пироговские ванны. Пятигорск, бульвар Гагарина.JPG

«Pirogovan vannad»-lebukodi vl 2015
Пятигорск, гостиница "Интурист" - panoramio.jpg

«Inturist»-adivpert' vl 2011
Санаторий ЦВС - panoramio.jpg

Keskuzline sodasanatorii vl 2009
Pätigorskan valdkundaline universitet (2013, vll 1995−2016 Pätigorskan valdkundaline lingvistine universitet)
Трибуны Пятигорского ипподрома (Pyatigorsk Racecourse Grandstand).jpg

Radai ippodrom (2012)
Keskuzline avtostancii vl 2010
Железнодорожный вокзал Пятигорска и ЭП1П с поездом Кисловодск - Тында. Вид с горы Машук.jpg

Pätigorsk-päraudtestancii, vn 2013 nägu Mašuk-mägelpäi

Homaičendad

Irdkosketused

Lidnan tobmuden aluzkundoiden oficialine sait (pyatigorsk.org). (ven.)

Pätigorsk Vikiaitas

	Stavropolin randan lidnad
	Blagodarnii \| Budönnovsk \| Georgijevsk \| Ipatovo \| Izobil'nii \| Jessentukad \| Kislovodsk \| Lermontov \| Mihailovsk \| Mineraližed Veded \| Neftekumsk \| Nevinnomissk \| Novoaleksandrovsk \| Novopavlovsk \| Pätigorsk \| Stavropol' \| Svetlograd \| Zelenokumsk \| Železnovodsk

[_d9f68103fd371db7-1] ttp://www.stavropol.vybory.izbirkom.ru/region/region/stavropol?action=show&root=1&tvd=4264027102628&vrn=4264027102624&region=26&global=&sub_region=26&prver=0&pronetvd=null&vibid=4264027102628&type=234

[_b4f5cc15cbb4cd2a-2] ¹ ² http://docs.cntd.ru/document/461506269

[_d518245106254cfa-3] ¹ ² http://www.gks.ru/free_doc/2016/oktmo/tom4_oktmo.rar

[_57d679b261a3cba3-4] ¹ ² https://rosstat.gov.ru/storage/mediabank/BUL_MO_2023.xlsx

[5] Pätigorskan pühäpertid sobory.ru-saital. (ven.)

[6] Pätigorskan medicinižen kolledžan sait (med-college.ru). (ven.)

[7] Pätigorskan torguindan, tehnologijoiden i servisan tehnikum (ptet.ru). (ven.)

[8] Pätigorskan ekonomikan i innovacižtehnologijoiden tehnikuman sait (pteit.ru). (ven.)

[9] Pätigorskan valdkundaližen universitetan sait (pgu.ru). (ven.) (angl.)

[2]

[3]

[1]

[4]

[6]

[7]

[8]

[9]