Neftekumsk
| Neftekumsk | |||||
|---|---|---|---|---|---|
.jpg) | |||||
|
|||||
| 44°45′02″ с. ш. 44°58′47″ в. д.GЯO | |||||
| Valdkund | |||||
| Istorii da geografii | |||||
| Tegemižen päiv | 1958 | ||||
| Pind |
|
||||
| Высота | 40 | ||||
| Aigvö | UTC+3[d] | ||||
| Eläjad | |||||
| Eläjad |
|
||||
| Lugud | |||||
| Počtan indeksad | 356880 | ||||
|
|
|||||
| Официальный сайт | |||||
 Mediafailad RUWIKI-tedoiš | |||||
![Флаг[d]](/wiki/Fail:Flag_of_Neftekumsk.jpg)
![Герб[d]](/wiki/Fail:Coat_of_Arms_of_Neftekumsk.png)
Neftekumsk (ven.: Нефтеку́мск) om Venäman lidn Stavropolin randan päivnouzmas. Se om Neftekumskan lidnümbrikon (edel vn 2017 semendkud — rajonan) administrativine keskuz, mülüi sihe ende-ki.
Istorii
Eländpunktan aluz om pandud vl 1958 samha kivivoid. Vl 1965 kätihe uden rajonan keskuseks. Radnikžilo sai lidnan statusad vl 1968.
Neftekumsk šingotase kivivoin samižel tähäsai (läz 1 mln tonnoid vodes), mugažo leibtegim i maidtegim ratas lidnas.
Geografijan andmused
Lidn sijadase Nogain stepiš, Kumanjogen oiktal randpolel, vides kilometras jogespäi, 40 m keskmäižel korktusel valdmeren pindan päl. Matkad Stavropolihesai om 276 km päivlaskmha. Lähembaižed lidnad oma Suvisuhokumsk (Dagestan) 60 km päivnouzmha avtotedme i Budönnovsk 70 km päivlaskmha avtol.
Eläjad
Vn 2010 Venäman rahvahanlugemižen mödhe lidnan eläjiden lugu oli 27 687 ristitud, rajonan kaks' videndest. Vl 2018 lidnan ristitišt oli 24 763 eläjad. Kaikiš suremb ristitišt oli 27 703 eläjad vl 2011.
Rahvahad (enamba 1% vl 2010): venälaižed — 75,5%, darginalaižed — 7,0%, nogailaižed — 3,4%, totarlaižed — 3,2%, armenijalaižed — 1,9%, turkmenalaižed — 1,7%, avarad — 1,0%, toižed rahvahad — 6,0%, rahvahuden oztandata — 0,3%.
Ortodoksižen hristanuskondan nell' pühäpertid[5] oma saudud lidnas: ph. Sergii Radonežalaižen jumalanpert' (om letud vll 1992−2003) i koume časounäd. Islaman džuma-mečet' i loičendpert' oma avaitud.
Neftekumskan regionaline politehnine kolledž[6] om lidnan profopendusen aluzkundaks.
Galerei
- Neftekumsk, Stavropol Krai, Russia - panoramio (3).jpg
Nevondkundaližiden sodamehiden hoštusen muštnik (2012)
- Neftekumsk, Stavropol Krai, Russia - panoramio (6).jpg
Ph. Sergii Radonežalaižen jumalanpert', vn 2012 nägu
- Neftekumsk, Stavropol Krai, Russia - panoramio (1).jpg
Tegimištzon vl 2012
- Neftekumsk, Stavropol Krai, Russia - panoramio (9).jpg
«Neftänik»-kul'turkeskuz (2012, Kivivoinradnik)
Homaičendad
- ↑ http://docs.cntd.ru/document/461506269
- ↑ http://www.gks.ru/free_doc/2016/oktmo/tom4_oktmo.rar
- ↑ http://www.stavstat.ru/region_v_cifrah/demografiya/2007/ATP_SK_01_01_2012_predW.htm
- ↑ https://rosstat.gov.ru/storage/mediabank/tab-5_VPN-2020.xlsx
- ↑ Neftekumskan pühäpertid sobory.ru-saital. (ven.)
- ↑ Neftekumskan regionaližen politehnižen kolledžan sait (nrpk.info). (ven.)
Irdkosketused
- Neftekumskan lidnümbrikon tobmuden aluzkundoiden oficialine sait (angosk.ru). (ven.) (angl.) (fr.) (saks.)