Novoaleksandrovsk

Novoaleksandrovsk
Флаг[d] Герб[d]
45°29′36″ с. ш. 41°13′06″ в. д.
Valdkund	Venäma
Istorii da geografii
Tegemižen päiv	1804
Pind	21
Высота	110
Aigvö	UTC+3[d]
Eläjad
Eläjad	▲26 767 чел. (2021)
Lugud
Počtan indeksad	356000
Mediafailad RUWIKI-tedoiš

Novoaleksandrovsk (ven.: Новоалекса́ндровск) om Venäman lidn Stavropolin randan lodehes. Se om Novoaleksandrovskan lidnümbrikon (edel vn 2017 semendkud — rajonan) administrativine keskuz.

Istorii

Eländpunktan aluz om pandud vl 1804 kuti Novoaleksandrovskai-stanic (ven.: станица Новоалександровская) kozakištol i sirdnikoil Venäman keskuzgubernijoišpäi elänzoitmaha tahondad, miše varmitada valdkundan suviröunad i teid Mustmerennoks. Stanic sai lidnan statusad vl 1971 nügüdläiženke nimenke.

Novoaleksandrovskan ižandusen päsarakod oma sauvondmaterialiden pästand (savič, betontegesed) i sömtegimišt (lihakombinat, elevator, jauhon tehmine), mugažo kombisötken tegim i stökolmülütimiden tegim ratas lidnas.

Geografijan andmused

Lidn sijadase Rasševatk-jogen randoil (ven.: Расшеватка 74 km pitte, Jegorlikan i Manič-jogen hurapol'ne bassein), 131 metrad ü.m.t. keskmäižel korktusel. Novoaleksandrovsk seižub kesked maižanduzrajonad, toižetujan nepstoindan zonas, paneb 450..550 mm sadegid vodes keskmäras. Matkad Stavropolihesai om 77 km suvipäivnouzmha orhal.

Rasševatk-raudtestancii radab vspäi 1897, sijadase «Kropotkin — Stavropol'»-jonol.

Eläjad

Vn 2010 Venäman rahvahanlugemižen mödhe eläjiden lugu oli 26 757 ristitud, ümbrikon ristitišton kaks' videndest. Vl 2018 lidnan ristitišt oli 26 997 eläjad. Kaikiš suremb lidnan ristitišt oli 29 tuhad eläjid vozil 1996−2000.

Rahvahad (enamba 1 % vl 2010): venälaižed — 89,5 %, armenijalaižed — 3,6 %, čiganalaižed — 3,3 %, toižed rahvahad — 3,2 %, rahvahuden ozutandata — 0,4 %.

Ortodoksižen hristanuskondan kaks' pühäpertid oma avaitud lidnas: Mikoi-arhangelan jumalanpert' i ph. Ioann Vostorgov-moknikan časoun'.

Stavropolin kooperativižen tehnikuman filial om lidnan professionaližen opendusen aluzkundaks.

Galerei

• 

  Lidnan Administracijan sauvuz (2012)

• Филиал СберБанка России - panoramio.jpg

  Bankan filial, vn 2012 nägu

• Детско-развлекательный коплекс - panoramio.jpg

  Bobuštuzkompleks lapsiden täht vl 2012

• Колесо обозрения - panoramio (7).jpg

  Ümbrikacundan kezr (2012)

• 

  Znam lidnan röunal vl 2011

Homaičendad

Irdkosketused

• Novoaleksandrovskan lidnümbrikon tobmuden aluzkundoiden oficialine sait (newalexandrovsk.ru). (ven.)
• Novoaleksandrovsk-lidnan administracijan enzne sait (novoalex.ru). (ven.)