Izobil'nii

Izobil'nii
Izobil'nii
Флаг[d]	Герб[d]
	45°22′00″ с. ш. 41°43′00″ в. д.GЯO
Valdkund	Venäma;
Istorii da geografii
Tegemižen päiv	1895
Pind	28;
Высота	200
Aigvö	UTC+3[d]
Eläjad
Eläjad	▲38 614 чел. (2021);
Lugud
Počtan indeksad	356140
	Mediafailad RUWIKI-tedoiš

Izobil'nii (ven.: Изоби́льный) om Venäman lidn Stavropolin randan lodehes. Se om Izobil'nijan lidnümbrikon administrativine keskuz (edel 2017. vot — rajonan, mülüi sihe).

Istorii

Eländpunktan aluz om pandud vl 1895 kuti Izobil'no-Tiščenskii-žilo (ven.: посёлок Изобильно-Тищенский). Kätihe rajonkeskuseks vl 1929. Udesnimitihe Izobil'noje:ks vl 1935. Žilo sai lidnan statusad vl 1965.

Izobil'nii šingotase kaikenvuiččel sömtegimištol, mugažo «Atlant»-tegim^[5] (avtoveimed, elektroühtenzoituzladimed, štampad) i Stavropolin mehanine tegim (mašiništ kazvatamha kalad) ratas. «Sinivauvaz valu»-gazanveim zavodiše lidnas.

Geografijan andmused

Lidn sijadase lidnümbrikon keskuzpalas, 200 m ü.m.t. keskmäižel korktusel. Matkad Stavropolihesai om 40 km suvipäivnouzmha orhal, avtotedme vai raudtedme. Lähembaižed lidnad oma Stavropol' i Mihailovsk suvipäivnouzmha, Novoaleksandrovsk päivlaskmha. Raudtestancii nimitase Izobil'nai (ven.: Изобильная), radaškanzi vl 1895.

Eläjad

Vn 2010 Venäman rahvahanlugemižen mödhe lidnan eläjiden lugu oli 40 555 ristitud (kaikiš suremb ristitišt), rajonan kaks' videndest. Vl 2018 lidnan ristitišt oli 38 100 eläjad.

Rahvahad (enamba 1 % vl 2010): venälaižed — 91,1 %, armenijalaižed — 2,9 %, čiganalaižed — 1,6 %, ukrainalaižed — 1,2 %, toižed rahvahad — 2,8 %, rahvahuden ozutandata — 0,4 %.

Ortodoksižen hristanuskondan kaks' pühäpertid^[6] oma letud lidnas: Spasan Toižetamižen päjumalanpert' (om saudud vll 1993−2008) hengeližopenduzkeskusenke i Mikulai-čudonsädajan jumalanpert'. Baptizman jumalanpert' radab.

Nügüd'aigaižiden tehnologijoiden tehnikuman filial^[7] (Stavropol') om lidnan professionaližen opendusen aluzkundaks.

Galerei

Lidnümbrikon Administracijan sauvuz (2001)
Izobilny, Stavropol Krai, Russia - panoramio (2).jpg

Bankan sauvuz, vn 2013 nägu
Izobilny, Stavropol Krai, Russia - panoramio (3).jpg

Torgundkeskuz vl 2013
Izobilny, Stavropol Krai, Russia - panoramio (5).jpg

Kulunarii (2013)
Izobilny, Stavropol Krai, Russia - panoramio (6).jpg

«Palermo»-restoran vl 2013

Homaičendad

Irdkosketused

	Stavropolin randan lidnad
	Blagodarnii \| Budönnovsk \| Georgijevsk \| Ipatovo \| Izobil'nii \| Jessentukad \| Kislovodsk \| Lermontov \| Mihailovsk \| Mineraližed Veded \| Neftekumsk \| Nevinnomissk \| Novoaleksandrovsk \| Novopavlovsk \| Pätigorsk \| Stavropol' \| Svetlograd \| Zelenokumsk \| Železnovodsk

[_b4f5cc15cbb4cd2a-1] ttp://docs.cntd.ru/document/461506269

[_d518245106254cfa-2] ttp://www.gks.ru/free_doc/2016/oktmo/tom4_oktmo.rar

[_a6e3d34b22fb69bf-3] ttp://www.stavstat.ru/region_v_cifrah/demografiya/2007/ATP_SK_01_01_2012_predW.htm

[_15bd2465f028e4c3-4] ttps://rosstat.gov.ru/storage/mediabank/tab-5_VPN-2020.xlsx

[5] «Atlant»-tegimen sait (zavodatlant.ru). (ven.)

[6] Izobil'nijan pühäpertid sobory.ru-saital. (ven.)

[7] Izobil'nijan filialan lehtpol' Nügüd'aigaižiden tehnologijoiden tehnikuman tstsk.ru-saital. (ven.)

[1]

[2]

[3]

[4]

[5]

[6]

[7]