Logmojärv

Рувики-späi
Järv
Logmojärv
Логмозеро.JPG
Morfometrii
Meren pindan päl33[1] m
Suruz'8,2[1] × 3,2 km
Pind16,1 km²
Mär0,053[1] km³
Randišt25[1] km
Kesksüvüz'3,3[1] m
Gidrologii
Mieralizacijan tipresk 
Vezikeradusen basseinan pind
Basseinan pind10 236[1] km²
Järvehe lanktebaŠuja-jogi, Tomica, Sv'atlica, Padas, N'učkina
Sijaduz
Identifikatorad
Код в ГВР: 01040100611102000017520[2]
Республика Карелия
Точка
Logmojärv
Änižröun
Точка
Logmojärv
Логотип РУВИКИ.Медиа Mediafailad RUWIKI-tedoiš

Logmojärv (ven.: Ло́гмозеро) om järv Karjalas, mitte sijadase Petroskoin lidnankundan (Solomennoje-rajon) da Änižröunan märöuniden keskes. Veziuit ühtenzoitase Äniženke ližajogel, mitte lankteb Petroskoin lahtehe, da otab Šuja-joden veden. Logmojärven randoil sijadasoiš karjalaižed da venälaižed küläd, a nügüd'aigal aktivisti kävutoitas kezapertiden sauvomišt.

Üleižed tedod

Järven vezipind om 16,1[3] km². Veden mülündmär om 0,053 km³[1]. Korktuz' meren pindan päl om 33,0 m[1].

Vedändpurulaiv Logmojärves, Genrih Fogeler
Logmojärv päivnouzman randalpäi ehtzor'an aigan, heinku 2018 voz'

Logmojärv sijadase pohjoižel polel Petroskoin lahtespäi Änižes.

Järven päivlaskmaižehe polhe lankteb Šuja-jogi. Sen su jagase koumehe jogenhijamaha kahten madalan sarenke, miččed penzastuiba da kazvahtuiba harvoil, enamba lehtezpuil. Suvisaren nimi om Svetič. Jogen leveduz' om 20-60 metrad, jogensun süvüded oma läz 4-6 metrad.

Toižed joged, miččed lankteba järvehe oma Tomica-jogi, N'učkina-jogi (Holodnaja-ližajogenke), Logmooja, Sv'atlica-jogi, Padas-jogi. Logmojärv lankteb Änižen Petroskoin lähtehe Logmojärven protokan päliči järven suvipoles.

Järves enamba oma pened süvüded. Sen tagut vägevan tullein aigan järvel libuba aldod, miččed om lujas varukahad penen laivišton laivoiden täht.

Järven pohjan keskel da päivlaskman randal om muda, mitte sanktas katab uponuzid puižid jändusid; pohjoižes poles, päivnouzman da suven randoidenno om hen lete, erasiš sijoiš kivi da čurukivi; järven suvipoles om muda. Järven suvipoles om svajiden rivi, mitte kävutoitas lautoiden valdmoičendan täht. Järves oma maugud — uponuded parded, miččiden üks' agj nägub vedenpindan päl: ned mugažo oma varukahad penen laivišton täht.

Järven longibokan poles (pohjoižen polhe Solomennoje-küläspäi) sijadase Kopilok-sar', ehtbokan poles — Grifsar', päivlaskman poles Šujan kohtas da jogensus — Svetič da Monastirskii sared.

Kaiken aigan järves eläb haug, sär'g, ahven, lahn[1].

Päivnouzmanpolen ümbrišt om čoma, sigä sijadasoiš Zaozerje-, Sudostroi- da Lehnavolok-küläd. Randoidme om umbezjurišt da rogožom, miččes pezaduba sorzad.

Avtoühtenzoitusen külidenke, miččed oma järven päivnouzman randal, protokan päliči tehtas 30-metrižen pullosildan möto reversivižen sirdändan abul, mittušt reguliruib telämoi.

Protokan korktal kal'l'oikahal randal seižub Jumalan Sretenijan muštoks jumalanpert'[4].

Nimen sündund

Om kuverz'-se versijoid järven nimen sündundas. Ühten versijan mödhe sen pohjas om karjalaine lodma-sana (ven.: низина). Necidä sanad venäkeles zavodiba kävutada kut ven.: "логма". Sikš om-ki, Logmojärv — järv, mitte sijadase tazangištos. Toižen versijan mödhe sanan pohjas om saamalaine sana ven.: "ложма" vai ven.: "лужма", sidä voib käta kut leved järvenvuitte taho jogen augotišes vai alangištos. Logmojärv-ki om mugomal tahol da sijadase Šuja-jogensus. Aigan mändes "ž"-kirjam voi vajehtadas "g"-kirjamaks[5].

Järven kävutamine

Logmojärvedme ujudas laivad, nügüd'aigal kuverz'-se kerdan laivkävundan aigan om avaitud jugulaivoiden ujund Solomenskan meczavodan pričaloidennoks, miččen aigan pullosildan sirttas erazvuiččihe polihe. Ende laivad ujuba Šuja-jogensuhusai (vozihesai 1960, konz jogel heitiba ujuda laivad), völ voziden 1930 augotišespäi vodehesai 1962 oli matklaivoiden ujund Petroskoi-da Solomennoje-pristanilpäi Sudostroi-, Šlikin Navolok- da Lehnavolok-pristanihesai. Sidä tehtihe vozil 1930—1950 "Rabočii vožd'" ("Onežec"), "Džambul" purulaivad, motokater-14, vozil 1950—1962 — "Okun'", "Lermontov" da "Moskvič-172" matklaivad[6].

Järv om Zaozerje-külän veziotandan sija, da völ sihe lankteba Šuja-külän kodiholišton jänduzveded[1].

Järv kul'turas

Logmojärves om kirjutadud tetaban kirjutajan-londusenoppijan Anatolii Ognevan ühtennimižes sanuteses[7].

Homaičendad

  1. ↑ 1 2 3 4 5 6 7 8 9 10 Озера Карелии : Справочник / под ред. Н. Н. Филатова, В. И. Кухарева. — Petroskoi: КарНЦ РАН, 2013. — С. 319—320. — 500 экз. — ISBN 987-5-9274-0450-6.
  2. ↑ Ресурсы поверхностных вод СССР: Гидрологическая изученность. Т. 2. Карелия и Северо-Запад / под ред. Е. Н. Таракановой. — Л.: Гидрометеоиздат, 1965. — 700 с.
  3. ↑ Логмозеро : [рус.] / verum.wiki // Государственный водный реестр : [арх. 15 октября 2013] / Министерство природных ресурсов и экологии Российской Федерации. — 2009. — 29 марта.
  4. ↑ Топ-50 достопримечательностей Петрозаводска и окрестностей: фото, описания, карта. extraguide.ru. Дата обращения: 15 semendkud 2026.
  5. ↑ Низина или устье? Энциклопедия «Карелия». Дата обращения: 15 semendkud 2026.
  6. ↑ Красная Карелия. 1932. 12 августа, Водник Карелии. 1955. 8 мая
  7. ↑ «Логмозеро» читать онлайн книгу автора Анатолия Сергеевича Онегова на MyBook.ru. mybook.ru. Дата обращения: 19 semendkud 2026.

Literatur

  • Григорьев С. В., Грицевская Г. Л. Каталог озёр Карелии. — Москва: АН СССР [Ленингр. отделение], 1959. — 239 с.
Om sadud "https://vep.ruwiki.ru/w/index.php?title=Logmojärv&oldid=527788"