Komsomol'sk Amural

Komsomol'sk Amural
Komsomol'sk Amural
Флаг[d]	Герб
	50°33′ с. ш. 137°00′ в. д.GЯO
Valdkund	Venäma;
Глава	Alexander Viktorovich Zhornik[d]
Istorii da geografii
Tegemižen päiv	12. kezakud 1932
Pind	325,1;
Высота	47
Aigvö	UTC+10:00[d]
Eläjad
Eläjad	▼236 158 чел. (2023);
Lugud
Telefonan kod	4217
Počtan indeksad	681000–681999
	Официальный сайт(ven.)
	Mediafailad RUWIKI-tedoiš

Komsomol'skan Amural lidnümbrikod: Keskuzümbrik Leninan ümbrik (Dzömgi)

Komsomol'sk Amural (ven.: Комсомольск-на-Амуре) om Venäman lidn da lidnümbrik Habarovskan randan suves. Se om Komsomol'skan rajonan administrativižeks keskuseks mugažo, randan kahtenz' surtte i Venäman Edahaižen Päivnouzmpolen nellänz' surtte lidn (Vladivostokan, Habarovskan da Jakutskan jäl'ghe).

Istorii

Eländpunktan aluz om pandud vl 1932 lidnan statusanke, Permskoje-külän (sen aluz oli pandud vl 1860) da nanalaižiden Dzömgi-seižutesen sijas.

Geografijan andmused

Lidn sijadase Amur-jogen hural randal, 47 m ü.m.t. keskmäižel korktusel. Taigmec da sod ümbärtas lidnad. Matkad Habarovskhasai om 404 km suvipäivlaskmha avtotedme, Amuran jogensuhusai — 569 km jogiportaspäi. Lähembaine lidn om Amursk 50 km suvhe.

Komsomol'sk Amural om lidnümbrikon üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 263 906 ristitud. Kaikiš suremb ristitišt oli 319 tuhad eläjid vll 1990−1992.

Rahvahad (enamba 0,3% vl 2010): venälaižed — 87,2%, ukrainalaižed — 1,7%, totarlaižed — 0,7%, vaugedvenälaižed — 0,4%, nanalaižed — 0,4%, azerbaidžanlaižed — 0,3%, korejalaižed — 0,3%, toižed rahvahad — 1,7%, rahvahuden ozutandata — 7,3%.

Ižanduz da transport

Ižandusen päsarakod oma lendimiden sauvomine, laivansauvomine, metallurgii, kivivoin ümbriradmine (kivivoin- da gazanveimed Sahalinaspäi).

Avtobusad, tramvaid da taksid oma kundaližeks transportaks. Vspäi 1975 raudte- da avtotesild ühtenzoitab Amuran randoid. Ühtennimine raudtestancii om järed raudtesol'm Baikalan-Amuran magistralil. Sodavägiden da civiline «Hurb»-lendimport (KXK / КСЛ) sijadase 22 km avtotedme suvipäivlaskmha lidnan keskusespäi. Toižed lendimportad oma «Dzömgi» jüguzlendimiden da VIP-personiden täht i «Pobed» (Vägestuz) kebnan aviacijan täht.

Galerei

Фасадный вид.jpg

Lidnan administracijan sauvuz (2013)
Illä-endustajan kafedraline päjumalanpert', vn 2014 nägu
Amuran laivansauvomižen tegim, nägu Amur-jogespäi vl 2015
Komsomol'skan Amural valdkundaline universitet, ühtenz' korpus (2011)
Komsomol'skan Amural dramteatr (2014)
Lidnan kodirandantedištandmuzei (2016)
Общ. вид.jpg

Norišton pert' (2013)
Jogistancii vl 2009
Вокзальная площадь в Комсомольске-на-Амуре.jpg

Komsomol'sk Amural-päraudtestancijan sauvuz da torg senno vl 2014
Hurb-lendimportan sauvuz vl 2016