Väzemskii (Habarovskan rand)

Väzemskii
Väzemskii
	47°32′00″ с. ш. 134°45′00″ в. д.GЯO
Valdkund	Venäma;
Istorii da geografii
Tegemižen päiv	1894
Pind	44;
Высота	60
Aigvö	UTC+10:00[d]
Eläjad
Eläjad	▲12 791 чел. (2023);
Lugud
Telefonan kod	42153
Počtan indeksad	682950
	Официальный сайт
	Mediafailad RUWIKI-tedoiš

Sil sanal voib olda toižid znamoičendoid; miše nähta niid, tulgat tänna.

Väzemskii (ven.: Вяземский) om Venäman röunanverine lidn da lidnankund Habarovskan randan suves. Se om Väzemskijan rajonan administrativine keskuz (vspäi 1934).

Istorii

Eländpunktan aluz om pandud vl 1894 kuti Väzemskai-raudtestancii (ven.: Вяземская) Transsiban «Habarovsk — Vladivostok»-keskustal. Se om nimitadud Ussurin raudten sauvomižen Orest Väzemskii-pämehen oiktastuseks. Eländpunkt sai lidnanvuiččen žilon statusad vl 1938, šingotihe mecan varhapanendal. Žilo sai lidnan statusad vl 1951.

Väzemskii šingotase mecan ümbriradmižen, sömtegimišton, kaivuztehmižen i sauvondmaterialiden sarakon edheotandoil.

Geografijan andmused

Lidn sijadase Ussuri-jogen randpolel, vides kilometras suvipäivnouzmha jogespäi (Kitain valdkundröun), 70 m ü.m.t. keskmäižel korktusel. Matkad Habarovskhasai om 125 km pohjoižhe avtol. Lähembaine Venäman lidn om Bikin 88 km suvipäivlaskmha orhal, 100 km raudtedme vai «Ussuri»-avtotedme, avtote läbitab lidnan suvipäivnouzmad.

Väzemskii om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 14 555 ristitud, rajonan koume videndest. Kaikiš suremb ristitišt oli 17..19 tuhad eläjid vll 1939−2001 (19 000 rist. vl 1967).

Ortodoksižen hristanuskondan puine ph. Mikulai-čudonsädajan jumalanpert'^[3] (1898−1901) om udessündutadud lidnas vozil 1993−2001.

Mechoz-tehnikum^[4] om Väzemskijan professionaližen opendusen aluzkundaks vspäi 1934.

Galerei

Lidnan administracijan sauvuz (2012)
Väzemskai-päraudtestancijan sauvuz vl 2016

Homaičendad

Irdkosketused

Lidnan tobmuden aluzkundoiden oficialine sait (vyazemskii.khabkrai.ru). (ven.)

	Habarovskan randan lidnad
	Amursk \| Bikin \| Habarovsk \| Komsomol'sk Amural \| Nevondkundaline Port \| Nikolajevsk Amural \| Väzemskii

[_680c7f2894f8399a-1] ttp://www.gks.ru/free_doc/2016/oktmo/tom8_oktmo.rar

[_502b33155c5a920b-2] ttps://habstat.gks.ru/storage/mediabank/Численность%20населения%20Хабаровского%20края%20по%20МР%20и%20ГО%20на%2001%20января%202023%20года%20и%20в%20среднем%20за%202022%20год.pdf

[3] Väzemskijan pühäpertid sobory.ru-saital. (ven.)

[4] Väzemskijan mechoz-tehnikuman sait (vlt-dv.ru). (ven.)

[1]

[2]

[3]

[4]