Amursk

Amursk
Amursk
Флаг[d]	Герб
	50°13′00″ с. ш. 136°54′00″ в. д.GЯO
Valdkund	Venäma;
Istorii da geografii
Tegemižen päiv	1958
Pind	145;
Высота	46
Aigvö	UTC+10:00[d]
Eläjad
Eläjad	▼38 606 чел. (2021);
Lugud
Telefonan kod	42142
Počtan indeksad	682640
	Официальный сайт(ven.)
	Mediafailad RUWIKI-tedoiš

Lidnan kodirandantedištandmuzei (2016)

Amursk (ven.: Аму́рск) om Venäman lidn da lidnankund Habarovskan randan suvipalas. Se om Amurskan rajonan administrativine keskuz.

Istorii

Eländpunktan aluz om pandud Padali-Päivnouzmaine-žilho (ven.: село Падали-Восточное) kangazpertikš vn 1958 kezakul sauvomha Komsomol'skan cellüloz-kartonašt kombinatad (likvidiruihe vl 2012). Amursk-radnikžilo sai lidnan statusad vl 1973.

Amursk šingotase gidrometallurgijan (suladamha kuldad) i mecan ümbriradmižen (špon) edheotandoil, mugažo patroniden tegim radab. Amurskan LES varatoitab lidnad elektrusel da lämudel, kalankazvatusen ceh om sätud siš.

Geografijan andmused

Lidn sijadase Amur-jogen hijaman hural randal, 50 m ü.m.t. keskmäižel korktusel. Matkad Habarovskhasai om 230 km suvipäivlaskmha orhal, 300 km raudtedme vai 430 km avtotedme. Lähembaine lidn om Komsomol'sk Amural 50 km pohjoižhe.

Klimat om ven mussonižpirdoidenke. Heinkun lämuz +21,1 C°, vilukun — −25,8 C°, voden keskmäine lämuz −0,2 C°. Ekstremumad oma −45,8 C° i +35,7 C°. Paneb sadegid 575 mm vodes, vähemba redukus-sulakus (113 mm pordol). Botanine sad radab vspäi 1988.

Amursk om lidnankundan üks'jäine eländpunkt. Lidnankundan pind — 318 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 42 970 ristitud, rajonan kaks' koumandest. Kaikiš suremb ristitišt oli 59 600 eläjad vl 1992.

Ortodoksižen hristanuskondan ph. Serafim Sarovalaižen jumalanpert'^[3] om letud vll 2001−2010 nevondkundaližes sauvusespäi.

Amurskan politehnine tehnikum^[4] om lidnan professionaližen opendusen aluzkundaks.

Edeline lidnan pämez' oli Boris Red'kin (2005−2018).

Galerei

Amurskan rajonan administracijan sauvuz (2015)
Амурск, июль 2015 года (33).JPG

ZAGS:an sauvuz, vn 2015 nägu
Amursk Amursk combined heat and power plant P7290079 2200.jpg

Amurskan LEK-1 vl 2015
Kul'turkeskuz i policijan sauvuz (2015)
Амурск, июль 2015 года (38).JPG

Lidnan sündutamižkodi (2015)

Lidnan nägu Vanh Amur-hijamaspäi vn 2016 kezakus

Homaičendad

Irdkosketused

Lidnan tobmuden aluzkundoiden oficialine sait (amursk.ru). (ven.)

	Habarovskan randan lidnad
	Amursk \| Bikin \| Habarovsk \| Komsomol'sk Amural \| Nevondkundaline Port \| Nikolajevsk Amural \| Väzemskii

[_680c7f2894f8399a-1] ttp://www.gks.ru/free_doc/2016/oktmo/tom8_oktmo.rar

[_d55d6cfe2ede7a13-2] ttps://habstat.gks.ru/storage/mediabank/НА%20печать%20ТОМ%201%20Хабаровский%20край.pdf

[3] Amurskan pühäpertid sobory.ru-saital. (ven.)

[4] Amurskan politehnižen tehnikuman sait (ap47.ru). (ven.)

[1]

[2]

[3]

[4]