Nikolajevsk Amural

Nikolajevsk Amural
Nikolajevsk Amural
Флаг	Герб[d]
	53°09′00″ с. ш. 140°44′00″ в. д.GЯO
Valdkund	Venäma;
Istorii da geografii
Tegemižen päiv	1850
Pind	17;
Высота	30
Aigvö	UTC+10:00[d]
Eläjad
Eläjad	▲18 631 чел. (2021);
Lugud
Telefonan kod	42135
Počtan indeksad	682460
	Официальный сайт(ven.)
	Mediafailad RUWIKI-tedoiš

Nikolajevsk Amural (ven.: Никола́евск-на-Аму́ре) om Venäman lidn da lidnankund Habarovskan randan päivnouzmas. Se om Nikolajevskan rajonan administrativine keskuz.

Istorii

Eländpunktan aluz om pandud vl 1850 Nevel'skii-admiralal Venäman-Amerikan kompanijan laukaks, vspäi 1854 Nikolajevskii-sodapost. Se sai lidnan statusad da Nikolajevsk-nint vl 1856. Paloi lophu vn 1920 japonižen intervencijan aigan. Udessaudihe lidnad da udesnimitihe sidä vl 1926. Vozil 1934−1956 oli Venäman NFST:n Alaamuran agjan keskuseks, sid' mülüb Habarovskan randha rajonan keskuseks.

Nikolajevsk Amural šingotase mecan, kuldan i kalan samižen keskuseks, meritorguindportaks, mugažo leibänkombinat radab. Elektruz andase Nikolajevskan LEK:aspäi vspäi 1973, radab londuseližel gazal vspäi 2008.

Geografijan andmused

Lidn sijadase penel ülüdel Amur-jogen hural randal läz sen jogensud (limanad), 30 m ü.m.t. keskmäižel korktusel. Matkad Habarovskhasai om 977 km suvipäivnouzmha. Lähembaine lidn om Oh (Sahalinan agj) 150 km päivnouzmha orhal. Ühtenzoitase lendimportal, kezal — vetme-ki, šebin'avtote mäneb Komsomol'skhasai Amural.

Klimat om Edahaižen Pohjoižen klimatha tazostadud. Voden keskmäine lämuz om −1,8 C°, heinkun-elokun +16..+17 C°, tal'vkun-uhokun −19..−22 C°. Ekstremumad oma −47,2 C° i +35,3 C°. Paneb sadegid 660 mm vodes, enamba elokus-redukus (82..89 mm kus), vähemba uhokus-sulakus (29..33 mm kus).

Nikolajevsk Amural om lidnankundan üks'jäine eländpunkt. Lidnankundan pind — 50,46 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 22 752 ristitud, rajonan seičeme kümnendest. Kaikiš suremb ristitišt oli 36 500 eläjad vl 1992.

Ortodoksižen hristanuskondan Mikulai-čudonsädajan jumalanpert'^[3] om udessaudud vodele 2001.

Nikolajevskan Amural tegimištoliž-gumanitarine tehnikum^[4] i Habarovskan valdkundaližen medkolledžan Nikolajevskan Amural filial^[5] oma lidnan professionaližen opendusen aluzkundoikš.

Galerei

Meriportan administracii (2015)
Ph. Mikulai-čudonsädajan jumalanpert', vn 2012 nägu
Ul. Mys Koshka, Nikolaevsk-na-Amure, Khabarovskiy kray, Russia, 682460 - panoramio.jpg

Nikolajevskan LEK vl 2012
Rajonan kul'turkeskuz (2015)
Nikolajevskan Amural vaiše saudud lendimport vl 2015

Homaičendad

Irdkosketused

Nikolajevskan Amural lidnankundan lehtpoled Nikolajevskan rajonan tobmuden aluzkundoiden nikoladm.khabkrai.ru-saital. (ven.)

	Habarovskan randan lidnad
	Amursk \| Bikin \| Habarovsk \| Komsomol'sk Amural \| Nevondkundaline Port \| Nikolajevsk Amural \| Väzemskii

[_680c7f2894f8399a-1] ttp://www.gks.ru/free_doc/2016/oktmo/tom8_oktmo.rar

[_d55d6cfe2ede7a13-2] ttps://habstat.gks.ru/storage/mediabank/НА%20печать%20ТОМ%201%20Хабаровский%20край.pdf

[3] Nikolajevskan Amural pühäpertid sobory.ru-saital. (ven.)

[4] Nikolajevskan Amural tegimištoliž-gumanitarižen tehnikuman sait (npgt.ru). (ven.)

[5] Habarovskan valdkundaline medkolledž, Nikolajevskan Amural filialan sait (nfhgmk.ru). (ven.)

[1]

[2]

[3]

[4]

[5]