Karjala (teleradiokompanii)

Рувики-späi
"Karjala"-teleradiokompanii
GTRK "Karjala"
Venäman teleradioverkon Karjalan radiotelekeskusen erišton telečuhu Petroskoiš
Venäman teleradioverkon Karjalan radiotelekeskusen erišton telečuhu Petroskoiš
Изображение логотипа
Ühtnend ei ole
Organizacijan tip erišt
Pämehed
Pämez' Ždanova Larisa V'ačeslavovna[1]
Augonpanend
Om tehtud enččen üks'nimižen Federaližen valdkundaližen unitarižen radišton pohjal 2006
Listing biržal ei ole
Raderištuz teleozutand da radiovedänd
Tavarad teleozutand, tedoteleprogrammad da reportažid, radiopaginad, internet-sait
Maman organizacii FGUP "Ühthižvenälaine valdkundaline teleradiokompanii"
Sait tv-karelia.ru
Логотип РУВИКИ.Медиа Mediafailad RUWIKI-tedoiš

"Karjala"-teleradiokompanii (ven.: Государственная телевизионная и радиовещательная компания «Каре́лия», suom.: Karjalan valtiollinen televisio- ja radioyhtiö) om Ühthižvenälaižen valdkundaližen teleradiokompanijan erišt Karjalas. Sijadase Petroskoiš, Pirogovan irdal, pert' №2.

Karjalan vägevan teleozutandan alovehe mülüdas Karjala, Piterin da Murmanskan agjan rajonad, Suomen maröunan lähembaižed rajonad. Kacujoiden da kundlijoiden jouk om läz 1 mln mest[2].

Istorii

Radiopaginoiden vedänd Karjalas zavodihe vodel 1926, konz Petroskoiš oli tehtud radiostancii (pämez' А. Vasten), vodel 1929 oli vahvištoitud radiooigendusen komitet. Ezmäižed radiopaginan lehtmehed da vedäjad oma S. Kolos'onok, I. Monosov, А. Timonen, U. Vikstrem.

Vodel 1932 valdkundas radoi 30 radiosol'med, miččihe oli sidotud enamba 7000 radiočokint.

Vodel 1940, konz oli tehtud Karjalaiž-Suomalaine SSR da ühthine valdkundaline radiofikacii, oli tehtud Karjalaiž-Suomalaižen SSRan Rahvahaližiden komissaroiden nevondišton radiofikacijan da radiovedändan komitet. Vodelpäi 1951 sen nimi oli Radiotedoiden komitet, а vodel 1953 sidä vajehtihe Karjalaiž-Suomalaižen SSRan kul'turministerstvan radiotedoiden päradištoho.

15. sulakud vodel 1959 oli tehtud Petroskoin telestudii. 23. tal'vkud vodel 1959 telestudijan da radion ühtenzoittihe Ministroiden nevondišton teleradiokomitetaha.

7. tal'vkud vodel 1970 se oli vajehtadud KASSRan Ministroiden nevondišton teleradiokomitetaks, a 22. kezakud vodel 1979 se tegihe KASSRan valdkundaližeks teleradiokomitetaks.

Vilukun 1. päiväspäi vodelpäi 1992 komitet om udištadud valdkundaližeks "Karjala"-teleradiokompanijaks.

Vilukun 1. päiväspäi vodelpäi 1999 — om Federaline valdkundaline unitarine radišt "Karjala"-teleradiokompanii (Moskvan Ühthižvenälaižen valdkundaližen teleradiokompanijan (ven.) (vep. erišt).

Vozil 1960, 1970 da 1980 Komitetan joukuhu mülüiba: telestudii, radio, telekeskuz da simfonine orkestr.

Erazvuuiččil vozil teleradiokompanijan ohjandajad oliba I. Kan, N. Magnickii, P. Martinov, P. Seps'akov, N. Prokofjev, A. Prokujev, V. Tol'skii, M. Hapcova.

Vodelpäi 2015 pämehen sijal radab Larisa V'ačeslavovna Ždanova. Vodel 2025 Venäman prezidentan käskon mödhe om pauklahjoitadud II stepenin ordenan medalil "Arvtegoiš Kodiman edes"[1].

Tedod rados

"Karjala"-kompanijal ei ole personališt paksut da se radab "Rossia-1" (ven.) (vep. da "Rossia-24" (ven.) (vep.-teleradiokompanijoiden da "Radio Rossii", "Majak" da "Vesti FM" radiostancijoiden pohjal, miččiden efiroihe mülüdas sijaližed palad[3]. "Karjala"-telekanal vodelpäi 2009 levenzoitase "Jamal-202"-sputnikan abul.

"Rossia-1 — Karjala"-telekanalan programmad

  • ven.: «Вести — Карелия» (ende — "Ekran dn'a")
  • "Viestit — Karjala" (ende — "Vesti — Karjala")
  • ven.: «Местное время. Воскресенье»
  • ven.: «Доброе утро, Карелия!»
  • ven.: «Национальный интерес»
  • "Omin silmin" (ven.: «Свой взгляд»)
    • "Lähtin minä Läkköiläh" (ven.: «Родные сердцу имена»)
    • "Kirjakamari" (ven.: «Книжная комната»)
    • "Suomalaiž-ugrilaine mir"
  • ven.: «Сорока» (ende — "Školuzištod")
  • "99-209"
  • ven.: «Усатый-полосатый»
  • ven.: «Где эта улица, где этот дом?»
  • ven.: «Зеркальный канал»
  • ven.: «Чемоданное настроение»
  • ven.: «Криминальная среда»
  • ven.: «Территория 209»
  • ven.: «Делу — время»
  • ven.: «Наша военная молодость»
  • ven.: «Чем богаты…»
  • ven.: «Карелия спортивная»
GTRK "Karjala"-kanalan radnikad tehtas reportažin Venäman tedoakademijan Karjalan tedokeskuses, 2021.
Pagištoituz Venäman tedoakademijan Karjalan tedokeskusen arhivas, 2021.

"Rossia-Kul'tura — Karjala"-telekanal

Rad zavodihe 30. sügüz'kud vodel 2003 sikš, ku vajehtihe "Rossia"-telekompanijan verk. Nece oli GTRKan koumanz' voimuz' tehta teleozutandad kuverz'-se kanalan abul (sidä aigahasai oli kaks' sijaližen televidenijan programmad voziden 1960 lopus da voziden 1970 augotišes da GTRK "Karelia"-kompanijan vrezkad "TV-XXI. Öbokan teleozutand" vozil 1990). Nügüd'aigal GTRKan teleprogrammoiden vrezkoid "Kul'tura"-kanalal ei ole.

Radio

Venäman radio — Karjala (Karjalaine radio, Karjalan radio) om valdkundaline radiostancii, mitte om tehtud 21. kül'mkud vodel 1926. GTRK "Karjala" vaumičeb radiopaginad nelläl kelel: venän, karjalan, suomen da vepsän[3].

Radiovedänd valdkundas om radinpäivil Venäman Radio-raderišton abul 07:10, 08:45, 13:10, 18:10 da 20:10 časul.

Vodelpäi 2015 Petroskoiš 107,9 FM-lainhel radab "Majak-Karelia"-radio[3].

Venäman radio — Karjala-radion programmad

  • ven.: «Будний вечер»;
  • ven.: «Доброе утро, Карелия»;
  • ven.: «Карельское время»;
  • ven.: «Вести-Карелия»;
  • ven.: «Kodirandaine».

Homaičendad

  1. ↑ 1 2 Директор ГТРК «Карелия» награждена медалью ордена «За заслуги перед Отечеством» II степени. ГТРК «Карелия». Дата обращения: 9 heinkud 2026.
  2. ↑ Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: "ПетроПресс", 2009. — 464 с. : ил., карт. ISBN 978-5-8430-0125-4 (т. 2)
  3. ↑ 1 2 3 О компании. ГТРК «Карелия». Дата обращения: 9 heinkud 2026.

Lähtked

Om sadud "https://vep.ruwiki.ru/w/index.php?title=Karjala_(teleradiokompanii)&oldid=531961"