Vinokurova Irina Jurjevna

Рувики-späi
Irina Jurjevna Vinokurova
Ирина Юрьевна Винокурова
Irina Vinokurova foto.jpg
Sündundpäiv 15. keväz'kud 1955(1955-03-15) (71 vot)
Sündundtaho Petroskoi
Ma Sovetskii SojuzSovetskii Sojuz SSSR, VenämaVenäma Venäma
Tedoerišt vepsläine etnolog, tradicionaližen kul'turan rekonstrukcii, mifologii, etnokul'turižed kontaktad Venäman londuses, etnograf
Radsija Venäman Tedoakademijan Karjalan tedokeskusen Kelen, literaturan da istorijan institut
Tedostepen' istorijan tedodoktor
Tedonimi vanhemb tedoradnik

Irina Jurjevna Vinokurova (ven.: Ирина Юрьевна Винокурова, 15. keväz'kud vodel 1955) on Sovetskijan Sojuzan da Venäman tedomez', istorijan tedodoktor (2009), Venäman Tedoakademijan Karjalan tedokeskusen Kelen, literaturan da istorijan institutan tedomez' (2013), Karjalan tedokeskusen Kelen, literaturan da istorijan institutan etnologijan erišon pämez' (vodel 2008)[1].

Elostarin

Om sündunu Petroskoi-lidnas Karjalan Valdkundas 15. keväz'kud vodel 1955.

Vodel 1977 lopi Leningradan valdkundaližen universitetan istorijan tedokundan etnografijan da antropologijan erišton.

Vozil 1979—1980 radoi Astrahanin valdkundaližes istorii-arhitekturan muzejan etnografižen erišton pämehen[2].

Vodel 1981 da tämbeižehe päivhasai radab Karjalan tedokeskusen Kelen, literaturan da istorijan institutas. Augotišes radoi vanhemban laborantan[1].

Vozil 1983—1987 openzihe zaočno Sovetskijan Sojuzan tedoakademijan Etnografižen institutan aspiranturas.

Vodel 1988 polesti kandidatan tedoradon "Vepsläižed kalendar'verod, tradicijad da praznikad" (ven.: «Календарные обычаи, обряды и праздники вепсов (конец XIX - нач. XX в.»), tedo-ohjandai: Т.А. Bernštam) teman mödhe.

Vodel 1987 oli Kelen, literaturan da istorijan institutan noremb tedoradnik, vodel 1991 tegihe tedorandikaks, vodel 1994 — vanhembaks tedorandikaks, vodel 2013 — pätedomeheks[1].

Vodel 1999 Irina Vinokurova sai vanhemban tedoradnikan arvnimen etnografijan, etnologijan da antropologijan professijan mödhe[1].

Vodel 2008 Irina Vinokurova om Karjalan tedokeskusen Kelen, literaturan da istorijan institutan etnologijan erišton pämez'.

Vodel 2009 polesti doktoran dissertacijad "Živatad vepsläižiden elos (rekonstrukcijan radmaht)" (ven.: «Животные в традиционном мировоззрении вепсов (опыт реконструкции)») teman mödhe.

Om äjiden tedomatkoiden, rahvahankeskeižiden da Venäman kongressoiden da tedokonferencijoiden ühtnik, enamb mi 170 tedoradon kirjutai. Oli äjiden kandidatan tedoradoiden tedo-ohjandajan. Lugi aspirantoile äjil voz'kursoil: "Tulend etnologijaha", "Venäman da rahvahiden etnografii", "Etnologižiden oppindoiden metodik". Lugi lekcijoid Petroskoin universitetas "Vepsläižiden etnografijas", "Vepsläižiden da karjalaižiden etnografijas", "Etnografijas" (vozil 1993-2013), oli üläopenijoiden kurs- da diplomradoiden ohjandajan[1].

Bibliografii

Monografijad

  • Календарные обычаи, обряды и праздники вепсов (конец XIX - начало XX в.) — СПб., 1994. — 124 с.
  • Традиционные праздники вепсов Прионежья. — Петрозаводск, 1996. — 139 с.
  • Животные в традиционном мировоззрении вепсов (опыт реконструкции). — Петрозаводск, 2006. — 448 с.
  • Мифология вепсов: энциклопедия. — Петрозаводск, 2015. — 524 с.[1]

Kirjutadud palad kollektivmonografijoiš

  • Прибалтийско-финские народы России. М., 2003. Коллективная монография / Отв. редакторы: Е.И. Клементьев, Н.В. Шлыгина. — M, 2003.
  • Vepsä. Maa, kansa, kulttuuri Коллективная монография (Toimittanut Lassi Saressalo). — Tampere, 2005.
  • Народы Карелии: историко-этнографические очерки / И. Ю. Винокурова (ответственный редактор), А.П. Конкка, Ю.В. Литвин [и др.]. — Петрозаводск : Периодика, 2019. — 752 с.:

Kirj läksi eloho vodel 2019 Karjalas, tegihe parahimaks nominacijoiš ven.: «Свет науки», ven.: «Искусство книги», ven.: «Мой край и его люди»[3].

  • Советская этнография в истории государственного строительства и национальной политики: кол. монография / М. Ю. Мартынова, В. А. Тишков [и др.]; отв. ред. М. Ю. Мартынова. — Москва: ИЭА РАН, 2022[1].

Openduzkirjad

  • Обычаи, ритуалы и праздники в традиционной культуре вепсов. — Петрозаводск, 2011. — 204 с.

Fil'mad

Vodel 2008 Irina Vinokurovan "Živatad vepsläižiden tradicionaližes kaceges"-kirjan mödhe vodel 2008 oli tehtud Živatad vepsläižiden elos-fil'm[4]. Fil'man tegijad oma Larisa Smolina i Vladimir Slavov. Fil'm starinoičeb vepsläižiden kaceges živatoihe, primetoihe da veroihe, miččed om sidotud linduidenke, kodi- da mecživatoidenke[5]. Fil'man pägeroi om Vehkojan külän eläi Ivan Rastvorov.

Обложка книги Ирины Винокуровой. Животные в мировоззрении вепсов.jpg

Om tetpas, miše tämbeižehe päivhasai vepsän rahvahan živatoiden mir ei ole oppidud lophussai. Völ ajak-se vot tagaze vepsläižil ei olend ni üht kirjad, kudambad starinoičižiba meile vepsläižen faunan polhe. Ičeze kirjas Irina Vinokurova starinoičeb erazvuiččiš mec- da kodiživatoiš, linduiš, kaloiš, gavediš. Hän starinoičeb, midä ned znamoičiba vepsän rahvahan elos. Miččed živatad oliba hüvad da tarbhaižed. Miččid živatoid vepslaižed pidiba kodiš, miččid hö navediba, miččid varaižiba[6].

Tedomehiden keskes ei ole ühthišt kaceged vepsän rahvahan istirijan sündundaha. No om tetpas, miše nece rahvahal oli tärged rol' Pihjoiž-Jevropan istorijas da kul'turas. Vepsläižiden etnografijan oppimine zavodihe, ku rindatada toižiden suomalaiž-ugrilaižiden rahvahidenke, lujas möhä, Šögrenan tedištuzmatkaspäi, mitte jatksi vodelpäi 1824 vodhesai 1829, sen aigan oli vahvištadud, miše vepsläižed ei olgoi kadonuded kut rahvaz, hö oma eläbad da heil om ičeze originaline kel'.

Fainan mail'm vepsän rahvahan mifologo-uskondan kaceges oli pit'khä üks' vauktoiš reiguišpäi vepsläižen kul'turan oppimižes. Irina Vinokurovan kirj tegihe üks' ezmäižišpäi rekonstrukcijan paloišpäi. Avtor tegi vepsän rahvahan tradicionaližiden kacegiden rekonstrukcijad kaikuččen živatan polhe,miččed anttihe polvespäi polvehe voz'sadoil, ozuti, kut vepsläižed kacuba živatoiden mirhu.

Lähtkiden päpohj – fol'klor-etnografižed da lingvistižed tekstad, verod, uskondad, primetad, tradicijad, kel'dändad, puheged, voikud, sanutesed da muštatišed, miččid avtor kerazi 20 vot oppindradon aigan.

Pauklahjad da arvnimed

  • Karjalan Kul'turuministerstvan, Openduzministestvan, Rahvahaližen politikan ministerstvan arvkirjeižil.
  • Karjalan arvostadud tedoradnik (2015)
  • Suomalaiž-ugrilaižen sebran arvostadud ühtnik (Suomi) (2016)
  • Karjalan pämehen rindznam äivoččes satusekas tedorados da panendas Karjalan kul'turveroiden kaičemižehe, kehitoitusehe da popul'arizacijaha (2020)[1].
  • Heimrahvahiden programman pauklahj ugrilaižiden rahvahiden literaturan, kel'tedon, istorijan, arheologijan, etnologijan da folkloristikan oppindalovehel (2016) Vepsäižiden mifologii. Tedokirj -monografijas (ven.: «Мифология вепсов. Энциклопедия»)[7].

Homaičendad

  1. ↑ 1 2 3 4 5 6 7 8 Irina Jurjevna Vinokurova
  2. ↑ Персональный сайт И. Ю. Винокуровой. Биография
  3. ↑ Книга года Республики Карелия 2019
  4. ↑ Представления вепсов о мире фауны | Коренные народы Карелии, Национальная библиотека РК. Дата обращения: 30 redukud 2012. Архивировано 30 redukud 2012 года.
  5. ↑ Карельская молодёжь выпустила вепсский фильм. Дата обращения: 10 sulakud 2009.
  6. ↑ Živatad vepslaižiden elos. Дата обращения: 8 kezakud 2017. Архивировано 8 kezakud 2017 года.
  7. ↑ Программа родственных народов выразила признание ученым

Literatur

  • Ученые Карельского научного центра Российской академии наук : биографический словарь / [гл. ред. А. Ф. Титов; отв. ред. Ю. В. Савельев; редкол.: Е. В. Жирнель и др.]. — 3-е изд., доп. и перераб. — Петрозаводск : Карельский научный центр РАН, 2012. — 419, [1] с. ; 21 см. — Библиогр. в конце ст. — Алф. указ.: с. 409—419. — ISBN 978-5-9274-0490-2

Tarkendused

Om sadud "https://vep.ruwiki.ru/w/index.php?title=Vinokurova_Irina_Jurjevna&oldid=517854"