Stroican časoun' (Kem')

Рувики-späi
Časoun'
Stroican
Kemiš
Часовня Пресвятой Троицы в Кеми.jpg
Ma  Venäma
Sijaduz Kem'
Konfessii ortodoksine uskond
Jurisdikcii Karjalan mitropolii
Jeparhii Kostomukšan jeparhii
Blagočinii Kemin blagočinii
Augon panend 1710
Status Venäman rahvahiden kul'turjäl'gestusen objekt federaližel znamoičendal Venäman rahvahiden kul'turjäl'gestusen objekt federaližel znamoičendal. Рег. № 101410116760006 (ЕГРОКН). Objekt № 1010012002 (БД Викигида)
Логотип РУВИКИ.Медиа Mediafailad RUWIKI-tedoiš

Stroican časoun' (ven.: Часо́вня Тро́ицы Живоначáльной) om ortodoksine puine sauvosine časoun' Kemin istoriližel sijal, Karjalas, mitte om letud oletusiden mödhe vodel 1710 Uspenijan jumalanpertin sauvondan aigan, miččen tahol se i sijadase. Puižen arhitekturan muštpacaz, om federaližen znamoičendan kul'turjäl'gestusen objekt, mitte om valdkundaližen kaičendas.

Istorii

Vodel 1710 Kemiš oli sur' lämoipalo, miččen aigan paloi Uspenijan jumalanpert'. Voib olda, sidä vodel jumalanpertin territorijal oli letud Stroican časoun'[1]. Vozil 1711—1714 vanhal sijal oli letud uz' Uspenijan jumalanpert'[2]. Vozil 1950 Vladimir Krohinan (ven.) (vep. ohjandusel oli tehtud časoun'an pol'endištamine[1].

4. tal'vkud vodel 1974 RSFSRan ministroiden nevondišton käskon mödhe časoun' tegihe arhitekturan muštpachaks da om mülütadud valdkundaližehe kaičendaha kulturjäl'gestusen objektan statusas[3]. Vodel 1980 časoun'an ei kävutadihe[4], а vodel 1988 kävutadihe turist- da tundištoituzmatkoiden täht[5].

Kezal vodel 2022 lopihe časoun'an endištamine, mitte om tehtud valdkundaližen Kul'turan kehitoituz-programman mödhe. Konkursan pohjal oli valitud endištamižen ohjandai Ivanovon ven.: ООО «Лидер-Строй»-organizacii, ende se tegi Veškelica-külän časoun'an endištuzradoid. Endištamižen aigan om vajehtadud katused, udes keratud sauvoz da kohetud časoun'an čuhu; völ istoriližiden tedoiden mödhe om udištadud naličnik-laud iknan päl pohjoižel pertinocal[6].

Arhitektur

Časoun' om prost, ani kuban vuitte nel'l'čoganik, miččen suruz' om 3,7×3,73 m šatrčuhunke[7]. Časoun'an sauvoz om čaptud pedaiparzišpäi "obloho" da seižub sur'kivižel alandusel. Sauvosen päivlaskman polespäi om tehtud verai, miččen peled om čaptud künduzpardehe sidä ülemba. Verajan päl om ikun, toine ikun om pohjoižes seinäs. Saivosen päs om nel'l'poline kaks'jarusine šatr, miččen policad[к. 1]venudas brusalandusel da sen agjad oma lühüdad keihan vuiččed. Časoun'an čuhu om kattud lemehal (ven.) (vep. da seižub mugažo kattud lemehal kaglal, niid jagob drankaspäi tehtud kagluz. Čuhun päl om pandud rotodoksine rist[8].

Südäinkalutamine

Lavad časoun'as om tehtud levedoiš puižiš plitoišpäi, lagi om tehtud kuti piramid čaptud ladvanke. Časoun'an südäimes om kaks' pušt ristad: üks' om čaptud lavaha päivnouzmseinänno, toine — suviseinänno. Päivnouzmanseinän ristan korktuz' om 3 m da se om čomitadud čaptud kirjutesil, miččed sijadasoiš ei vaiše tradicijan mödhe ristan ocpolel, no i ülähänpäi alahaks sen bokpolidme. Ristan keskes om čaptud[8] goreljefine[7] rasp'atii, mitte om mujutadud ohral, palläz sija sen ümbri om čomitadud korzuiden, lehtesiden, änikoiden da ploduiden kazvmuzkuvil da om ramkitud perimetran mödhe mustal da muzarusttal mujuil. Suviseinän rist om hoikemb, sen sanktuz' om 0,2 m, da völ sil ei ole mujutandkuvil, kut päivnoiuzman ristal; se om čomitadud vaiše kirjutesil[8].

Nügüd'aigaižed olod

Stroican časoun' sijadase Vicupa-irdal Kemiš, päivlaskman poles Lep'sarel — lidnan istoriližel keskusel[9][10]. Se sijadase Uspenijan jumalanpertin tahhan päivlaskman čogas[11], tegeb jumalanpertinke ühthižen kogodusen[7] da mülüb sen kaičendaha[4].

Časoun' mülüb Uspenijan jumalanpertin prihodaha da Venäman ortodoksižen jumalanpertin Karjalan mitropolijan Kostomukšan jeparhijan Kemin blagočinijaha joukuhu[9].

Kem' om 1200 km Moskvaspäi, läz 850 km Piterišpäi da 430 km Petroskoišpäi, ku ajada mašinal vai avtobusal M18 Kola-avtotedme, mitte ühtenzoitab Piterin Murmanskanke. Voib ajada pojezdal Moskva-Murmansk vai Piter-Murmansk. Raudtevokzalaspäi Uspenijan jumalanpertinnoks voib tulda jaugoil, matkan piduz' om 20 minutad vai ajada taksil. Uspenijan jumalanpertinno seižub Stroican časoun'[12].

Homaičendad

  1. ↑ Полица — пологая нижняя часть шатровой или двускатной кровли, предназначенная для отвода дождевой воды.
  1. ↑ 1 2 Вахрамеев, 1988, VI. Исторические сведения, с. 2.
  2. ↑ Хёглунд, 1980, VI. Исторические сведения, с. 2.
  3. ↑ Постановление о дополнении и частичном изменении постановления Совета Министров РСФСР от 30 августа 1960 года № 1327 «О дальнейшем улучшении дела охраны памятников культуры в РСФСР» № 624 / Совет Министров РСФСР. — 1974. — 4 tal'vkud.
  4. ↑ 1 2 Хёглунд, 1980, X. Система охраны, с. 4.
  5. ↑ Вахрамеев, 1988, X. Система охраны, с. 4.
  6. ↑ В Кеми отреставрировали часовню Успенского собора, Республика (29 kezakud 2022). Дата обращения: 24 uhokud 2026.
  7. ↑ 1 2 3 Вахрамеев, 1988, VII. Описание памятника, с. 3.
  8. ↑ 1 2 3 Хёглунд, 1980, VII. Описание памятника, с. 3.
  9. ↑ 1 2 Кемь. Часовня Троицы Живоначальной. Соборы.ру. Дата обращения: 24 uhokud 2026.
  10. ↑ Часовня Троицы Живоначальной. Яндекс.Карты. Дата обращения: 24 uhokud 2026.
  11. ↑ Бокарёв А. Часовня у собора Успения Пресвятой Богородицы в Кеми. Храмы России (15 vilukud 2015). Дата обращения: 24 uhokud 2026.
  12. ↑ Успенская церковь: когда лучше приезжать на экскурсию, сколько это будет стоить, что находится внутри достопримечательности. Дата обращения: 24 uhokud 2026.

Literatur

  • Хёглунд В. Ф. Паспорт объекта / Главное управление охраны, реставрации и использования памятников Министерства культуры РСФСР. — 1980. — 12 декабря.
  • Вахрамеев Е. В. Паспорт объекта / Главное управление охраны, реставрации и использования памятников Министерства культуры РСФСР. — 1988. — 20 мая.

Lähtked

Om sadud "https://vep.ruwiki.ru/w/index.php?title=Stroican_časoun%27_(Kem%27)&oldid=504864"