Sändeman Uspenijan monastir'

Рувики-späi
Monastir'
Sändeman Uspenijan monastir'
Sändeman Uspenijan monastirin Stroican jumalanper'
Sändeman Uspenijan monastirin Stroican jumalanper'
61°09′23″ с. ш. 32°46′55″ в. д.GЯO
Valdkund
Külä Sändeba[d]
Uskond ortodoksine uskond
Jeparhii Petroskoin da Karjalan
Tip akoiden
Tegii Afanasii Sändeman
Ezmäine johtutez 1577
Kacui igumenija Varvara (Ivanova)
Status Venäman rahvahiden kul'turjäl'gestusen objekt federaližel znamoičendal Venäman rahvahiden kul'turjäl'gestusen objekt federaližel znamoičendal. Рег. № 101740879260006 (ЕГРОКН). Objekt № 1002007000 (БД Викигида)
Rad radab
Sait syandema.cerkov.ru
Логотип РУВИКИ.Медиа Mediafailad RUWIKI-tedoiš

Sändeman Uspenijan monastir' (ven.: Ся́ндемская Успе́нская пу́стынь, völ Pühä Uspenijan monastir', azjbumagoiš vodehesai 1917 vastase Afanasii Sändeman monastir' nimel) om akoiden (vodelpäi 1909) Venäman ortodoksižen jumalanpertin monastir', mitte sijadase läz Sändeba-küläd Oloncan rajonas Karjalas, Külüjärven da Sändema-järven keskes.

Istorii

Monastirin pani voz'sadan XVI toižes poles prepodobnijan Aleksandr Süvärilaižen openik prepodobni Afanasii Sändeman Novgorodan arhijepiskopan Pimenan blaslovindal da oli mužikoiden monastir'. Ezmäi Sänze-järven randal (Sände, vai Sändeban) hän sauvoi jumalanpertin Pühä Stroican nimel da kahesa kel'jad, miččiš eli künmen monahad[1]. Sijaližile eläjile ezmäi ei olend mel'he monastirin sauvond, sikš hö žalihe arhijepiskopale, miše Afanasii Sändeman sauvoi monastirin Novgorodan arhijereiskan pertin mal, i Afanasii läksi monastirišpäi miččele se aigale Aleksandr Süvärilaižen monastirihe[2].

Vodel 1577 monastir' sai Novgorodan mitropolitan Aleksandran lahjoituzkitändkirjaižen (ven.) (vep., miččen mödhe ma oli anttud monastirile da Afanasii Sändeman pörzihe tagaze monastirihe, kus eli surmahasai da om pandud maha Roščinskan järven žhtel nemel[1].

Livonan voinan aigan vodel 1582 monastirihe loihe ruotsilaižed — Stroican jumalanpert' oli polttud da uz' igumen riktud. Piscovijan kirjan mödhe voziden 1628—1629 monastiriš oli udes sauvotud Stroican jumalanpert', koume kel'jad, miččiš eliba monastirin Iosif-sauvoi da seičeme vanhačud, da völ oli živatoiden tanaz[3].

Sändeman Uspenijan monastir'

Vodel 1720 monastir' paloi da oli udes sauvodud[1]. Vodel 1723 monastirihe mülütadihe Andrusovan da Taga-Nikiforan monastirid, no vodel 1764 Jekaterinan II sekul'arizacionižen reforman mödhe monastir' oli saubatud. Vodel 1802 saubatud monastirin jumalanpertid oliba mülütadud Tuksan jumalanpertihe, vodel 1821 Andrusovan monastirihe, nece abuti udessündutada monahoiden elod.

Udištadas da kehitoitas monastirile abuti Valaaman monastirin igumen Innokentii, kudamb andoi rahad monastirin udištusen täht. Innokentii vodel 1827 sai Ministroiden komitetaspäi mad Sändeman udištadud monastirin täht[4]. Vanh Innokentii osti jumalanpertin täht Vladimiran Bogorodican jumalaižen hobedaižes rizas. Sidä paiči, grafin'a Anna Orlova-Česmenskaja čomiti ičeze rahoile jumalanpertin riznican. Vodel 1852 Valaaman igumenan Damaskin abul monastir' sai Solovetskijoiden čudontegijoiden Sergijan da Germanan jumalaižen. Vodel 1879 vellid oli ühesa mest, mad oli 75 kümenikad.

Vodel 1902 sai ičenaižuden, no sen rahatulo oli pen', i vodel 1909 monastir' toižettihe akoiden monastirikš. Jumalanpertin pätego oli tedotelda karjalaižid eläjid[5]. Vodel 1911 monastiriš eliba 18 mest.

Voden 1917 valdankumandusen jäl'ghe monastir' oli saubatud, sen mad da kalundišt anttihe tehtud živatankazvatandan sovhozale. Sizariden pala ühtni Sändeba-külän ortodoksižehe sebraha.

Sovetsko-suomalaižen voinan (1941—1944) aigan läz monastirid mäni front da kaik jumalanpertin sauvotused oliba muretud[6].

Nügüd'aigal Sändeman Uspenijan monastir' om udes sündutadud kut akoiden monastir'. Om saudud Stroican jumalakodi, eländ- da radsauvotused[7].

Vodel 2014 Minastirin mal löuttihe koumen sovetskijoiden saldatoiden jändused, kudambad koliba Sovetsko-suomalaižen voinan aigan. Heiden jändused oma pandud maha monastirin mal[8].

Monastirin jumalanpertid da časoun'ad

  • Puine Pühä Stroican jumalanpert'. Jumalanpert' om saudud Afanasii Sändeman voz'sadal XVI. Om polttud vodel 1582 ruotsilaižil, om udištadud voz'sadan XVII augotišes. Sovetskijan aigan om kadotadud. Voziden 2000 keskes om udes saudud toižel sijal[9].
  • Puine Uspenijan Bogorodican jumalanpert' papertinke da kelončuhunke. Vodel 1827 sidä udes sauvottihe rahoile, miččed lahjoiči imperator Nikolai I. Ei ole kaičenus. 2. elokud vodel 2013 Petroskoin da Karjalan mitropolit Manuil pühätoiti sauvajan Uspenijan jumalanpertin alandused[10].
  • Kivisine jumalanpert' Afanasijan da Kirillan, Aleksandrijan patriarhoid, miččes spudan al venuiba Sändeman čudontegijan Afanasijan pühäjändused. Ezmäi oli puine, vodel 1720 paloi. Uden jumalanpertin sauvondan aigan oma löutud Afanasii Sändeman pühäjändused, miččed om pandud jumalanpertiš spudan alle.

Udes tehtud vodel 1865 Aleksandrijan pühiden Afanasijan da Kirillan jumalanpertiš prepodobnijan Afanasijan jändused oliba pandud seinänno oiktan klirosonno. Vodel 1939 jumalanpert' om saubatud da anttud Nurmolan külänevondištole klubaks. Om muretud Suren Kodiman voinan aigan.

  • Voz'sadan XX augotišes om saudud ühtennimine jumalanpertinke Uspenijan Bogorodican časoun'.

Monastirin ižandad

  • Afanasii Sändemskii;
  • Il'l'a Shimnik[11]
  • Nikandr, sauvoi, "must pap'" (johtutase vodel 1592)
  • Iosif (1694)
  • Lavrentii, igumen (1697)[12]
  • Iosif (1827—1835)
  • Azalii (1871—1877)
  • Antonii (1877—1878)
  • Savvatii (1878 v.)
  • Gennadii, ieromonah, Andrusan monastirin ohjandai (vodelpäi 1878)
  • Arkadiii, eromonah, Andrusan monastirin ohjandai (vodehesai 1884)
  • Azarii, ieromonah, Andrusan monastirin ohjandai (1884—1890)
  • Zosima, ieromonah, monastir'man ohjandai[13]
  • Sil'vestr, ieromonah, Andrusan monastirin ohjandai (vozil 1890—1897)
  • Iosif, ieromonah, Andrusan monastirin ohjandai (vodelpäi 1897)
  • P'otr, Sändeman monastir'man sauvoi (oli Andrusan monastirin ohjandai Sergijan valdas) (vodelpäi 1899)
  • Sergii, ieromonah (1902—1903)
  • P'otr, ohjandai, ieromonah (1904—1908)
  • Porfirii, ieromonah (1908—1909)
  • Jevtihija, oli nastojatel'nica sijal (1910)
  • Jefrosinija (1911—1917)[14]
  • Jelisaveta (1918—1923)[15].
  • igumenja Varvara (Ivanova) (vodelpäi 2011)[16].

Monastir' voz'sadal XXI

Ühthižed tedod

25. elokud vodel 2009 Petroskoin da Karjalan arhijepiskop Manuil mäneti loičendan Kumarduzristanno (sen tegii om Oloncan-lidnan eläi Andrei Mihailovič Petrov), mitte oli sijatud enččel Sändeman Uspenijan akoiden monastirin tahol, а 31. vilukud vodel 2010, läz ühesa vot päliči monastiriš om mänetadud Božestvennaja liturgija penes puižes Pühä Stroican jumalanpertiš, mitte sauvoi karjalan mastar' Anatolii Ivanovič Antonov[17][18].

27. heinkud vodel 2011 Venäman ordodoksižen jumalanpertin Pühä Sinod blaslovi Sändeman Uspenijan akoiden monastirin avaidusen da pani monahin'an Varvaran (Ivanovan) monastirin igumenijaks.

Elokus vodel 2013 zavodihe kivisižen Uspenijan jumalanpertin sauvond, a 28. elokud vodel 2017 oli istoriline azjtego — Sur' pühätand udes saudud Pühä Uspenijan Bogorodican jumalanpert'. Jumalanpert' om saudud Pühä Uspenijan Bogorodican jumalanpertin fotokuviden mödhe, mitte oli letud vodel 1865 pühämehiden Afanasijan da Kirillan muštoks[18].

Sauvotused

Nügüdläižes monastiriš om saudud:

  • puine Pühän Stroican jumalanpert' da kivisine Uspenijan jumalanpert';
  • prorokan Pühä Ioannan nimel časoun';
  • časoun'-kül'bendsija;
  • monahiniden kel'j- da radkorpusad;
  • puižed kelončuhud;
  • sömsija;
  • adivpert' palomnikoiden täht.

Rad

Monastirin pätego om levenzoita sijaližiden eläjiden keskes hengelišt opendust, uziden jumalanpertiden sauvod da hengeližiden školiden avaiduz.

Sändeman Uspenijan monastiriš jatktasoiš sauvondradod, radab omlendan, miilantegendan, ikonoiden pirdandan töpajad. Om liinma, pidetas kozid da kanoid[19].

Sijaduz

Tulda monastirihe voib pojezdal Pöud-raudtestancijahasai, a sidä jäl'ghe taksil monastirihesai. Voib tulda avtobusal Piterišpäi vai Petroskoišpäi Olonec-lidnahasai, a sidä jäl'ghe taksil monastirihesai. Personaližel trnsportal pidan ajada federaližen М18/Е105 avtotedme Nurmolica-teznamahasai, a sid' pidab kätas hurapolhe, ku ajad Piterin agjaspäi (294 km) da oigedpolhe, ku ajad Petroskoišpäi (1111 km)[20].

Homaičendad

  1. ↑ 1 2 3 Русские святые. Афанасий Сяндемский, преподобный. Дата обращения: 12 uhokud 2026. Архивировано 12 redukud 2011 года.
  2. ↑ Игумен Андроник (Трубачёв), Романенко Е. В., Платонов В. Г. Афанасий Сяндемский // Православная энциклопедия. — М., 2002. — Т. IV : «Афанасий — Бессмертие». — С. 69-70. — 752 с. — 39 000 экз. — ISBN 5-89572-009-9.
  3. ↑ Старицын А. Н. Монастыри Карелии по материалам писцовых и переписных книг XVII века. — Петрозаводск: Национальная библиотека Республики Карелия, 2011. — С. 8—13.
  4. ↑ Спиридонов А. М., Яровой О. Я. Валаам: от апостола Андрея до игумена Иннокентия. — Москва: Прометей, 1991.
  5. ↑ 2 мая — память прп Андриана Сяндебского // Олонецкие епархиальные ведомости. 11 мая. — № 14.. — 1910. — С. 305—307.
  6. ↑ Сидловская O. В чистом поле возрождается монастырь. Дата обращения: 12 uhokud 2026.
  7. ↑ Первая литургия в Сяндебе. Дата обращения: 12 uhokud 2026.
  8. ↑ Лапшов С. Останки советских бойцов обнаружили на территории женского монастыря в Карелии. Дата обращения: 12 uhokud 2026.
  9. ↑ Ольга Сидловская. «Много бо может молитва праведного вспоспешествуема». Дата обращения: 12 uhokud 2026. Архивировано 8 semendkud 2012 года.
  10. ↑ Освящён фундамент Успенского храма Сяндемского монастыря. Дата обращения: 12 uhokud 2026.
  11. ↑ Барсов Е. В. Алфавитный указатель монастырей и пустынь, упразднённых и существующих в Олонецкой губернии, с их настоятелями // Памятная книжка Олонецкой губернии на 1867 год. Издание Олонецкого губернского статкомитета: Петрозаводск, Олонецкая губернская типография, 1867. — с.26
  12. ↑ Строев П. М. Списки иерархов и настоятелей монастырей российской церкви — Спб., 1877, с.1009
  13. ↑ Пожертвования // Олонецкие губернские ведомости. 1891. 13 июля. Дата обращения: 12 uhokud 2026. Архивировано 10 elokud 2017 года.
  14. ↑ Памятные книжки Олонецкой губернии за 1902—1917 гг.
  15. ↑ В 1925 г. в газете "Красная Карелия" опубликовано объявление о снятии сана монахини от имени бывшей настоятельницы обители Елизаветы (Белоусовой) // Красная Карелия. 1925. 31 января
  16. ↑ В 2021 году исполняется 10 лет с начала возрождения Сяндемского Успенского женского монастыря. Дата обращения: 12 uhokud 2026.
  17. ↑ Много бо может молитва праведного вспоспешествуема. Дата обращения: 12 uhokud 2026.
  18. ↑ 1 2 Сяндемский Успенский женский монастырь Епархиальные монастыри Русской Православной Церкви. Дата обращения: 12 uhokud 2026.
  19. ↑ "Святая Земля" в Карелии:как выглядит единственный в республике женский монастырь. Дата обращения: 12 uhokud 2026.
  20. ↑ Сяндемский Успенский женский монастырь. Дата обращения: 12 uhokud 2026.

Literatur

  • Олонецкая епархия: Страницы истории/ Сост. Н. А. Басова и др.. — Петрозаводск, 2001.
  • Сяндебская Успенская пустынь // Олонецкая епархия. — Петрозаводск, 2001. — С. 82—85.
  • Афанасиево-Сяндебская женская пустынь и её задачи / Сост. архимандрит Никодим. — Петрозаводск, 1910.
  • Сяндемская-Успенская пустынь: историко-статистические заметки: изданы в пользу пустыни. — М.: тип. С. Попова, 1860. — 24 с.
  • Краткий очерк жизни преподобного Афанасия Сяндемского и описание основанной им Сяндемской Успенской пустыни. — Гатчина: тип. Х. Неймана, 1889. — С. 20.

Lähtked

Om sadud "https://vep.ruwiki.ru/w/index.php?title=Sändeman_Uspenijan_monastir%27&oldid=529645"