Petuškova Klavdia Pavlovna

Klavdia Pavlovna Petuškova
Klavdia Pavlovna Petuškova
Sündundpäiv	2. vilukud 1929
Sündundsija	Medvežjegorskan rajon, Karjalan ASSR[d], RSFSR[d], Sovetskii Sojuz;
Kolendpäiv	9. tal'vkud 2005 (76 лет)
Kolendsija	Petroskoi, Venäma;
Rahvahuz'	SSSR→; Venäma
Rad	sauvond

Klavdia Pavlovna Petuškova (ven.: Клавдия Павловна Петушко́ва (Степанко́ва), 2. vilukud 1929, Medvežjegorskan rajon, Karjalan ASSR^[d] — 9. tal'vkud 2005, Petroskoi) — Socialistižen radon Geroi (1966), RSFSRan arvostadud sauvoi (1970), Petroskoin arvokaz eläi (1975).^[1]

Elostarin

K. P. Petuškova sündui 2. vilukud vodel 1929 Medvežjegorskan rajonan Truševo-küläs manradnikan kanzas, oli venälaine. Lopi nel'l' klassad.

Vodel 1944 läksi Medvežjegorskaha, sigä päzui fabrikan-zavodaopendusen školha. Konz kevädel vodel 1945 lopi opendusen, händast oigetihe radole Karjalan pälidnaha — Petroskoihe. Sigä radoi sauvondorganizacijoiš, ezmäi päčintegijan, möhemba openzihe sauvojaks — tegi kivenke sidotud radoid^[2].

Vozil 1954—1982 K. P. Petuškova ohjanzi radjoukud Petroskoin sauvondorganizacijas. Radjouk sauvoi enamba mi 60 sauvotust: pertid, školid, läžundkodid, ühthižkodid. Jouk ühtni Valdkundaližen läžundkodin korpusoiden, Petroskoin valdkundaližen universitetan teoretižen korpusan, Rahvahaližen teatran sauvondaha.

Nece sauvondjouk oli parahiman Petroskoiš. Se oli üks' ezmäižišpäi valdkundan joukuišpäi, mitte zavodi sauda vižžiruižid pertid suriš blokoišpäi.

Vodel 1966 korktoiš satusiš sauvondas K. P. Petuškovale anttihe Socialistižen radon Gerojan arvnimi, Leninan orden da kuldaine "Sirp da pal'l'"-medal'.

Vodehesai 1982 K. P. Petuškova ohjanzi radjoukud. Vozil 1982—1984 hän radoi opendajan Petroskoin kodisauvondan trestan openduzkombinatas.

Homaičendad

↑ А. Ф. Титов. Карелия: энциклопедия: в 3 т.. — Петрозаводск: ИД «ПетроПресс», 2009. — С. 381—464. — ISBN 978-5-8430-0125-4.
↑ Петушкова Клавдия Павловна (рус.). Дата обращения: 23 sügüz'kud 2025.

Literatur

Рассказы о Героях Социалистического Труда. — Петрозаводск, 1975.
А. И. Бутвило. Народные избранники Карелии: Депутаты высших представительных органов власти СССР, РСФСР, РФ от Карелии и высших представительных органов власти Карелии, 1923—2006. — Петрозаводск, 2006. — 320 с.

Lähtked

[1] А. Ф. Титов. Карелия: энциклопедия: в 3 т.. — Петрозаводск: ИД «ПетроПресс», 2009. — С. 381—464. — ISBN 978-5-8430-0125-4.

[2] Петушкова Клавдия Павловна (рус.). Дата обращения: 23 sügüz'kud 2025.

[1]

[2]