Pel'menid

Рувики-späi
Pel'menid
komi: 'da udm.: Пельнянь
Pelmeni Russian.jpg
Rahvahaline sömine
komin sömine
udmurtian sömine
venälaine sömine
Sündundan ma  Venäma
Sömtavarad
Päsömtavarad tahtaz, liha
Voiba olda kala, sened vai bbukod, česnok, maid, muna, ukrop, pühäsine voi, vezi
Heimolaine sömine
Toižiš sömižiš cz'aoczi, baoczi, vontonad, mandu, g'odza, daifuku, manti, pozi, börigi, momo, čučvara, kolduni, vareniki, kropkakor, kurze, boraki, modak, berek, g'urza, posikunčikad, jufah-aš, ban-bot-lok, kund'umad, damplingad da toižed.
Логотип РУВИКИ.Медиа Mediafailad RUWIKI-tedoiš

Pel'menid (ven.: Пельме́ни, ük. l. пельме́нь) om sömine, mitte kävutoitase Pohjoiž-Jevrazijan rahvahiden tradicionaližes keitändladus: venälaižen, udmurtijan, komin da toižiden suomalaiž-ugrilaižiden rahvahiden keskes. Pel'menid tehtas reskas tahthaspäi liha- vai kalasüdäimenke.

Sündund da etimologii

Venän kel'el pel'menid-sana om sündunu permin kelišpäi: komin, udmurtian "пельнянь"-sana om ven.: "хлебное ухо": pel' ven.: "ухо" + n'an' ven.: "хлеб"[1][2][3],[4][5].

Pil'meniden tegend. Bur'atii, Venäma

Pel'men'-form sündui Pohjoiž-Venälaižen paginaspäi, miččen kal't putui kirjkel'he. Uralan perm'ani, permeni-paginformad sünduiba rahvahan etimologižen lähestumižespäi Perm' -sananke[6].

Erased popul'arižed vai vanhtunuded etimologižed vajehnikad lähtkiš ozutadas "suomalaiž-ugrilaižed keled"[7], mansin[8] da suomen[9]keled.

V. V. Pohl'obkin lugeb, miše pel'menid tuliba venälaižehe sömižehe Uralаlpäi voz'sadan XIV lopus — voz'sadan XV augotišes[10]. Voz'sadoiden XVII—XVIII Uralan eländtahoiden venälaižiš kirjutuzazjbumagoiš (vodelpäi 1679) vastasoiš familijad, miččed sünduiba "pel'menid"-sanaspäi: Pel'menev, Pelnenev, Pel'mennikov[11]. Istorik P. A. Korčagin "pel'menižiden" familijoiden azjbumagjohtutesiden tarkištelendan mödhe homaiči, miše ülembaižen Каmа-jogen tahos vodel 1579 völ ei olend ristituid, kudambad saiba rahoid pel'meniden tehtes[11].

Völ om versii, miše nühüd'läižiden pel'meniden pravanhembad oma kitajan cz'aoczi (ven.) (vep., miččed, legendan mödhe, sünduiba Kitajas völ voz'sadal III meiden aigan lugendad. Lugese, miše Kitajaspäi sömine levenzoitihe Azijadme, a voz'sadal XIII, mongolijan voinvägestusiden aigan, putui Sibirihe da Ural[12].

Znamoičend

Tradicionaližes kul'turas pel'menid ei ole verosömine, niid tehtihe praznikoiden aigan — adivoiden vastandan aigan da pühän kanman[13].

Nügüd'aigaižel Venämal sömine om lujas popul'arine: oppindtedoiden mödhe, voden 2023 redukuspäi voden 2024 sügüz'kuhusai niiden mönd kazvoi 21 %, а rahamäras se kazvoi 34 %. Kacmata sihe, miše 81 % venälašt kanzad osttas pel'menid hot' kerdan vodes[14], ühthižrahvahaližiš küzelusiš praznikstolan päsömižiš (ozutesikš, Uden Voden) ned pästtas edehe mugomid tradicionaližid salatoid, kut "Olivje" (ven.) (vep. da "Sel'd' pövun al" (ven.) (vep.. Kut prazniksömine pel'meniden kävutand rippub regionaspäi da kanzan veroišpäi, ezmäi kaiked Uralal da Sibiriš[15]. 18. uhokud Venämal praznuitas oficialimatoi Mail'man pel'meniden päiv[16][17].

Sömižen popul'arnost' levenzoitase sömtavaroiden festivaliden abul. Kaikid suremb niišpäi om jogavoz'ne etnosömtavaroiden "Mail'man pel'men'an päiv"-festival', mitte mänetadas Udmurtias, mitte ezineb kut "pel'meniden kodima"[18][19][20].

Pel'meniden pojav sömine

Pojavad sömižed om äjiden rahvahiden keitändladus[21]:

  • Кitajas da Кorejas — cz'aoczi, baoczi, vontonad, mandu da šumai (sana dim sam, miččel Päivlaskmal paksus nimitadas kitajan pel'menid, todeks znamoičeb suvikitajalaižed sömižed kogonaz);
  • Japonijas — g'odza; daifuku
  • Kesk-Azijan, Mongolijan, Tibetаn, Bur'atijan da Кalmikijan rahvahaližiš keitändladuiš — manti, pozi (buuzi), b'origi, momo da čučvara.
  • Jevropan keitändladus — kreplah;
  • marin — podkogil'jo;
  • Kavkazаn rahvahiden keitändladuiš — hinkali;
  • Italijas — ravioli da tortellini;
  • Germanijan suvipolel švabskan keitändladus — maul'tašenad;
  • Belorussijas — koldunad;
  • Ukrainal — varenikad[22];
  • Švecijas — kropkakor;
  • Dagestanas — kurze;
  • Armenijas — boraki;
  • Indijas — modak;
  • Kalmikijas — berek;
  • Azerbaidžanas — g'urza;
  • Uralal — posikunčikad;
  • tataran keitändas — jufah-aš;
  • Vjetnamas — ban-bot-lok;
  • monastirin amuvenälaižes keitändladus — kund'umad;
  • Anglijas kaik pel'meniden vuiččed sömižed nimitadas damplingad-sanal.

Receptan tedod

Тahtaz

Tahthan pel'meniden täht tehtas kinktan, se ei rebine da hüvin pidäb südäimen. Oma erazvuiččed tahthan receptad[23]:

Žard'ud pel'menid
  • klassine — jauhaspäi, munišpäi da vedespäi (harvemba — maidospäi);
  • segoitadud — nižujauhaspäi, vedespäi, munišpäi, pühäsižes voišpäi (kaik segoitadud ühtes sömtavarad valadas kehujal vedel, da sidä jäl'ghe segoitadas 5-10 minut);
  • maidol — nižujauhaspäi, vedespäi, munišpäi, pühäsižes voišpäi, solaspäi da maidospäi;
  • mineraližel vedel — nižujauhaspäi, kanan munišpäi, pühäsižes voišpäi, solaspäi, saharaspäi da mineraližes vedespäi;
  • kefiral — nižujauhaspäi, sodaspäi, ukropaspäi, munaspäi da kefiraspäi;
  • mujukaz — nižujauhaspäi, jur'kazvmuseden sokuspäi (kurkumaspäi vai tomatpastaspäi), pühäsižes voišpäi, munaspäi, solaspäi;
  • pühäsine — nižujauhaspäi, vedespäi, pühäsižes voišpäi, solaspäi.

Kaikiš receptoiš, miše tahthaz oliži pehmed da vahv segoitusen jäl'ghe, sidä pidab kerata tukhu, kärdä pl'onkaha da jätta 1-1,5 časuks, sidä jäl'ghe pidab surda kaks' kerdad päliči 30-40 minutad joga kerdan[23].

Südäin'

Südäimen klassižiden pel'meniden täht tehtas lehmän-, sigan- vai lambaz- jauhtud lihaspäi erazvuiččiden specijoidenke, lukunke, erašti česnokanke. Voib kävutada hanhen lihad, kalad, sigan razvad, kartohkad, kapustad[24].

Sibiriš tehtas pened pel'menid kingitadud "korvaižidenke", miččen tahthan segoitadas jäižel vedel, а jauhtud lihaha reheduden täht ližatadas jämurud. Südäimes om lähmänliha (45 %), lambazliha (35 %) da sigaliha (20 %). Harvemba sihe ližatas kondjan da hirben lihad[24], lunsüdäimuz vai kalan file[25]. Venämal tehtas kalapel'menid, ozutesikš Kamčatkal (kamčatkan pel'menid)[24]. Vaumičendan täht kävutadas kaikiden roduiden kalad, paiči sel'd'-, osetr-, kal'mar- da midiilihad[26].

V. Gil'arovskii Moskva da moskvalaižed-kirjas johtutab i harvad plodpel'menid:

I vot kut-se vozil 1980 tuliba Sibirišpäi sured kuldtegeližuden mehed da longitihe Lopašoval ani neciš "pertiš" Sibirin vuiččeks, a menülistus oli: "Long' Jermak Timofejevičan stanas", da siš oli vaiše kaks' vajehtust:ezmäine — augpala da toine — "sibirin pel'menid". Enamba nimittušt sömišt ei olend, a pel'menid longen kaks'kümneks ühtnikaks oli tehtud 2500 štukad: i lihaspäi, i kalaspäi, i ploduišpäi ruza šampanjan vinas…

Vaumičend

Tahtaz hoikas ajadas (2 mm), kumaidud stokanal vai eriformal čaptas ümbrused. Jogahižen ümbrusen keskele pandas südäimen, kätas ümbrusen kahthe da röunaižed ühtenzoitas kingitades niid kaiken pidusen mötö surel da orasormel. Sidä jäl'ghe tehtas sidä korvaižen vuiččeks ühtenzoittes sen röunaižid ühtes, vai kärdäs röunaižed pal'mikoho[27].

Pel'menid kaičesoiš kül'mänzoittud da niid vaumitas ani edel söndad[24].

Pel'menid pandas kehujaha vedehe (lavrlehtesenke, mustan percan hernhudenke da lukunke) vai lemehe (lihan vai kalan) da hilläšti segoitadas, miše ei antta niile tartta kostr'ulin pohjaha. Konz pel'menid libudas veden päle niid völ kehuškoittas 5—7 minutad. Erašti pel'menid jäl'ghe keitändad vai sidäta žardäs voil rehtiläl. Kund'umad ezmäi pidab žarida, sidä jäl'ghe panda keramižehe astjaha, valada babuk- vai sen'lemel, ližata kandatest da haudutada päčiš. Völ voib keitta pel'menid purul (15-25 minutad, rippub pel'meniden surudespäi).

Andand

Pel'meniden andandan temperatur rippub niiden söndan mahtospäi da röunotase tervhuz'normil. Toižen bl'odan andandas (lemeta) nevodud temperatur om ülemba 65 °C. Nece standart kožub hulsömižen küzuihe (ende olijale SanPinale 2.3.6.1079-01) da om pandud, miše vahvištoitta mikrobiologišt varumatomut[28]. Erasiš lähtkiš vastasoiš nevondad pel'meniden andandan temperaturas läz 85—90 °C, no ned ei olgoi oficialine standart da lugesoiš varukahikš, sikš ku voidas poltta söndkurkun[29].

Pel'menid anttas erazvuiččiden painatosidenke. Tradicionižed oma kandatez, kerhutvoi, gorčica, uksus, ketčup, maionez, törkitud sir da adžika. Nügüd'aigažes kulinarijas oma popul'arižed Azijan sojan pohjal imbirinke da česnokanke, kerhut-sirižed, heinpr'anižed da teravad painatosed. Voib söda pel'menid ühtes lemenke, miččes ned keittihe, ezmäižen bl'odan sijas. Siloi sömižen andandan temperatur, keitosen tervhuz'normiden mödhe, om ülemba 75 °C.

Sömkal'huz'

Pel'meniden sömkal'huz' vajehtase sen südäimespäi, tahthan receptaspäi da vaumičendan mahtospäi. Keskmäine sömkal'huz', lihapel'meniden 100 grammas om läz 275 kkal. Vauktušan mär om 8—13,4 g[30], razvad — 5—15 g, а uglevodoid — 18—30 g[31].

Tegendan standartad

GОSТan 33394-2015 mödhe, mitte om Venämal voden 2017 vilukun 1. päiväspäi pel'menid, miččed om tehtud tegeližuden mahtol, voidas olda vaiše kaht kategorijad[32]:

  • "B" — lihamär om 60—80 % jauhtud lihad;
  • "V" — lihamär om 40—60 % jauhtud lihad.

А-kategorijad, miččihe mülüb enamba 80 % lihad, ei ole, sikš ku pel'menid siloi oma kuivad da magutomad, i siloi razvan heitändan sijas pidab ližata äi söndližatusid.

Voden 2021 sügüz'kun 1. päiväspäi elos om GOST R 702.1.021-2021 "Venälaine ladun sistem. Kül'mänzoittud pel'menid", mitte vahvištoitab üläküzud sömtavaroihe, miččed tahtoidas sada venälaižen Ladun znam (ven.) (vep.-nimen[33].

Galerei

  • Tahthan täutand jauhtud lihal

    Tahthan täutand jauhtud lihal

  • Pel'meniden tegend forman abul

    Pel'meniden tegend forman abul

  • Röuniden ühtenzoituz

    Röuniden ühtenzoituz

  • Torehed pel'menid

    Torehed pel'menid

  • Vaiše keittud pel'menid

    Vaiše keittud pel'menid

Homaičendad

  1. ↑ Kalima J. Syrjänisches Lehngut im Russischen // Finnisch-ugrische Forschungen. XVIII (1927).. — С. 35—36.
  2. ↑ Пельмень // Этимологический словарь русского языка = Russisches etymologisches Wörterbuch : в 4 т. / авт.-сост. М. Фасмер ; пер. с нем. и доп. чл.‑кор. АН СССР О. Н. Трубачёва. — Изд. 2-е, стер. — М. : Прогресс, 1987. — Т. III : Муза — Сят. — С. 230.
  3. ↑ Лыткин В. И., Гуляев Е. С. Краткий этимологический словарь коми языка. — М.: Наука, 1970. — 219 с.
  4. ↑ Кривощекова-Гантман А. С. Коми-пермяцкие заимствования в русских говорах Верхнего Прикамья// Этимологические исследования 1981. — С. 59.
  5. ↑ Похлёбкин В. В. Национальные кухни наших народов. — М.: Легкая и пищевая промышленность, 1983. — С. 276. — 304 с. — ISBN 5-9524-0718-8.
  6. ↑ Как приготовить тесто для пельменей. 7 рецептов. Классическое, на молоке, цветное, заварное и другие Обновлено. wciom.ru (11 kezakud 2024). Дата обращения: 25 uhokud 2026.
  7. ↑ Шанский Н. М., Боброва Т. А. Пельмени // Школьный этимологический словарь русского языка. Происхождение слов. — М.: Дрофа, 2004.
  8. ↑ Пельмени // Словарь иностранных слов русского языка / А. Н. Чудинов. — 3-е, исправ. и доп.. — СПб.: Издание В. И. Губинского, 1910.
  9. ↑ Крылов Г. А. Пельмени // Этимологический словарь русского языка. — СПб.: ООО «Виктория плюс», 2004.
  10. ↑ Корчагин П. А. Коми-пермяцкое мясо-тестяное блюдо эпохи складывания всероссийского рынка или антропология пельменя. — М. : Вестник Пермского научного центра УрО РАН № 4, 2015. — С. 85.
  11. ↑ 1 2 Корчагин П. А. Коми-пермяцкое мясо-тестяное блюдо эпохи складывания всероссийского рынка или антропология пельменя. — М. : Вестник Пермского научного центра УрО РАН № 4, 2015. — С. 91—93.
  12. ↑ История пельменей: кто и когда их придумал на самом деле. eda.show. Дата обращения: 25 uhokud 2026.
  13. ↑ Корчагин П. А. Коми-пермяцкое мясо-тестяное блюдо эпохи складывания всероссийского рынка или антропология пельменя // Вестник Пермского научного центра УрО РАН. 2015. № 4. С. 88.
  14. ↑ Пельмени (рынок России). TAdviser. Дата обращения: 25 uhokud 2026.
  15. ↑ Почему на Урале и в Сибири лепка пельменей была сродни медитации, и Зачем в начинку клали монетки. Kulturologia.Ru (24 vilukud 2024). Дата обращения: 25 uhokud 2026.
  16. ↑ Всемирный день пельменей 2025: история, факты и где отметить. nizhnekamsk-rt.ru. Дата обращения: 25 uhokud 2026.
  17. ↑ Какими были и почему стали исчезать московские пельменные. Мослента (17 uhokud 2023). Дата обращения: 25 uhokud 2026.
  18. ↑ Этногастрономический фестиваль «Всемирный день пельменя». visitudmurtia.org. Дата обращения: 25 uhokud 2026.
  19. ↑ «Всемирный день пельменя» пройдет в Удмуртии со 2 по 9 января. izhlife.ru (8 kül'mkud 2025). Дата обращения: 25 uhokud 2026.
  20. ↑ Всемирный день пельменя. pelmenfest.ru. Дата обращения: 25 uhokud 2026.
  21. ↑ Марина Шаклеина. Пельмени разных стран и народов. eda.ru (13 sulakud 2018). Дата обращения: 25 uhokud 2026.
  22. ↑ Похлебкин В. В. Национальные кухни наших народов (Основные кулинарные направления, их история и особенности. Рецептура). — 1980. — 304 с.
  23. ↑ 1 2 Яна Хватова. Как приготовить тесто для пельменей. 7 рецептов. Классическое, на молоке, цветное, заварное и другие. rbc.ru. РБК (11 kezakud 2024). Дата обращения: 25 uhokud 2026.
  24. ↑ 1 2 3 4 Пельмени. gastronom.ru. Дата обращения: 25 uhokud 2026.
  25. ↑ В. П. Быков. Замороженные кулинарные изделия // Технология рыбных продуктов / под ред. Г. М. Белоусова. — 2-е. — М.: Пищевая промышленность, 1980. — С. 219—221. — 320 с.
  26. ↑ Л. И. Борисочкина, А. В. Гудович. Рыбные пельмени // Производство рыбных кулинарных изделий / под ред. Л. В. Корбут. — М.: ВО «Агропромиздат», 1989. — С. 100—101. — 312 с. — 40 000 экз.
  27. ↑ Ольга Сюткина. Тесто для пельменей, все секреты приготовления идеального теста дома (10 kül'mkud 2023). Дата обращения: 25 uhokud 2026.
  28. ↑ Правила реализации готовых блюд в кафе и ресторанах. cgon.rospotrebnadzor.ru. Дата обращения: 25 uhokud 2026.
  29. ↑ Гастроэнтеролог предупредил об опасности очень горячих напитков зимой. Вслух.ru. Дата обращения: 25 uhokud 2026.
  30. ↑ Калорийность Пельмени. Химический состав и пищевая ценность. bonfit.ru. Дата обращения: 25 uhokud 2026.
  31. ↑ Домашние пельмени. food.ru. Дата обращения: 25 uhokud 2026.
  32. ↑ Елена Слободян. Каким должен быть фарш для пельменей по ГОСТу? aif.ru (28 uhokud 2019). Дата обращения: 25 uhokud 2026.
  33. ↑ Утвержден новый ГОСТ на пельмени. Холодильная индустрия (19 elokud 2021). Дата обращения: 25 uhokud 2026.

Literatur

  • Пельмени // Товарный словарь / И. А. Пугачёв (главный редактор). — М.: Государственное издательство торговой литературы, 1959. — Т. VI. — Стб. 
    . — 581 с.
  • Ратушный А. С. Пельмени // Всё о еде от А до Я: Энциклопедия. — М.: Издательско-торговая корпорация «Дашков и К°», 2016. — С. 258—259. — 440 с. — 300 экз. — ISBN 978-5-394-02484-9.
  • Л. И. Борисочкина, А. В. Гудович. Рыбные пельмени // Производство рыбных кулинарных изделий / под ред. Л. В. Корбут. — М.: ВО «Агропромиздат», 1989. — С. 100—101. — 312 с. — 40 000 экз.
  • В. П. Быков. Замороженные кулинарные изделия // Технология рыбных продуктов / под ред. Г. М. Белоусова. — 2-е. — М.: Пищевая промышленность, 1980. — С. 219—221. — 320 с.

Lähtked

Om sadud "https://vep.ruwiki.ru/w/index.php?title=Pel%27menid&oldid=518579"