Karjalan Vozduh (festival')

Рувики-späi
Necil sanal oma toižed-ki znamoičendad, kacu Vozduh (znamoičendad).
"Karjalan Vozduh"
Изображение логотипа
Päiv kezaku
Sija Petroskoi, Karjala, Venäma
Voz' 2005 — nügüdehesai
Žanrad rok, pop-rok, pank-rok, folk-rok
Sait vozduh.info

"Karjalan Vozduh" (ven.: «Во́здух Каре́лии», mugažo om tetab kut ven.: «Се́верное наше́ствие», ven.: «Во́здух», ven.: «Се́верный во́здух») — venälaine open air, mitte mäneb kaikuččen voden kezakus Petroskoiš. Sur' muzikaline azjtego Venäman öbokas[1].

Vodel 2025 se pidetihe 12.—15. kezakud "Peski"-aerodromal.

Festivališ

"Karjalan Vozduh" — muzikaline festival', mitte ühtenzoitab erazvuiččid muzikaližid stilid da žanroid. Festivalihe ühtneba kut muzikantad, kudambad vaiše zavodiba väta da pajatada, muga "tähthaižed-ki"[2].

Vodel 2025 festivalin scenal mäni eriline azjtego: "Venäma - nece mö" - patriotižen pajokonkursan final[3].

Festivalin tegijad nimitaba azjtegod "kanzaližeks", sikš ku sil voiba löuta midä-se melentartušt ičeze täht kut lapsed, muga vanhembad-ki: atrakcionad, ilosijad, lapsiden taho, kus radaba animatorad.

Vodel 2025 festivall radoi eskai tulnu ZAGS (ven.) (vep. kanzparoiden registracijan täht[4] da völ oli il'mšaruiden festival'[2].

"Karjalan Vozduh"-festivalil pidetas "Tehtud Karjalas"-ozuteluz. Käziradoiden allejal mastrid ozutaba mastar'-klassoid da möba ičeze käzil tehtud tehmusid[2].

"Karjalan Vozduh"-festivalin tulnu stel

Tegemižen sija

"Karjalan Vozduh" - muzikaline festival' tehtas "Peski"-aerodromal, mitte om Petroskoi-lidnas Änižjärven randal. Päliči dorogas aerodromaspäi om lidnalaine pläž[5].

Putta festivalile voib lidnalaižil avtobusoil. Matk Petroskoin keskusespäi libo lidnan raudtevokzalaspäi om 15—20 minutad, aeroportaspäi — läz 30 minutad[5].

Infrastruktur

Festivalin sijal oma[2]:

  • palatkoiden lidnaine (600 palatkahasai kacujiden täht);
  • avtomašinoiden seižutim — tuhaze sijahasai;
  • ilotaho;
  • lapsiden taho;
  • sömsija;
  • sporttahod.
"Karjalan Vozduh"-festivalin scen vodel 2023

Nimi

"Karjalan Vozduh" - muzikaližen festivalin nimes "vozduh"-sana znamoičeb venäks ven.: «ВОЗвышение ДУХа», vepsäks "Hengen libutand"[4].

Festivalin istorii

2005—2010

Venälaine "Karjalan Vozduh" - angl.: open air zavodihe vodel 2005, konz Petroskoin eläi, aktivine mez' Maksim Mazurovskii[6] meleti tehta Karjalas suren muzikaližen azjtegon[7]. Karjalan kul'turan da opendusen ministerstvoiden, mugažo "Meiden radio - Petroskoi" - radiostancijan da karjalaižen "Nika"-telekompanijan abul Mazurovskii tegi ezmäižen muzikaližen festivalin avaitud taivhan al "Peski"-aerodromal 17.—18. kezakud vodel 2005, sen nimi oli ven.: «Северное нашествие»[8]. Petroskoi tegihe ezmäižeks lidnaks (ei lugeda lidnoid, kus om million eläjid), kus mäni rok-festival' ven.: «Нашествие»-brendan mödhe[9]. Sil eziniba Naik Borzov (ven.) (vep., ven.: "Ночные снайперы", ven.: "Маша и Медведи", ven.: "Задвиги Поплавского", Aspirin, D`Airot da toižed. Hedlaineroikš tegihe Splin da Čaif (ven.) (vep. - gruppad. Mugažo eziniba muzikantad Petroskoišpäi, Murmanskaspäi, Severodvinskaspäi da Kostomukšaspäi: hö eziniba tetabiden muzikantoiden keskes[9]. Festivalile tuli 12 tuhad mest. Sen tegijad saiba "Lidn, mitte rigehtib tubebaha aigaha" (ven.: «Город, устремлённый в будущее») - kundaližen pauklahjan "Voden 2005 kundaline iniciativ" - nominacijas[8].

"Vozduh"-festival'. Foto arhivaspäi

Sid' festivalin nimi oli "Vozduh". Vozil 2005—2009 se mäni kaikuččen voden. Tobjimalaz mäni kezakun jäl'gmäižil pühäpäivil, kanman Petroskoin lidnan päiväd[10].

Vodel 2010 festival' oli planoiš tehta 18.—20. kezakud[11], no 10, kezakud orgkomitet sanui sen heitändan polhe: festivalin tegijad ei sanugoi laskendad kävutada tahod koncertan tegemižen täht[12]. "Vozduhan" orgkomitetan pämez' Jelena Šaglina sanui press-konferencijal, miše hö ei sanugoi ni-üht taritud tahod[13]. Pigai Karjalan Sijaližiden azjoiden ministerstv tarkištusen ohjanduz avaiži kriminališt azjad festivalin tegijoiden Šaglinan da Mazurovskijan mödhe. Tarkištelusen versijan mödhe hö vargastiba Karjalan b'udžetaspäi 1,5 mln rubl'ad, heid väritet'he služban valdoiktusiden ülituses. Tal'vkus vodel 2013 kaik väritused den'goiden vargastuses oli heittud[6]. Sulakus vodel 2013 Šaglina sai kaks' vot uslovno, Mazurovskii — koume vot uslovno[14].

2013—2016

Uden festivalin Maksim mazurovskii tegi sügüz'kus vodel 2013 Končezero-järven randal, 20 kilometras Petroskoišpäi. Sen nimi oli "Vozduh. Perezagruzka"[6], sil ezini läz 40 pajanikad, hedlaineroiden keskes oliba "Alisa", "Arija", ven.: КняZz, Läpis Trubeckoi (ven.) (vep.. Festivalile tuli läz 12 tuhad mest[15].

Vodel 2014 festival' oli tehtud kezakus "Peski"-aerodromal da sen nimi oli ven.: «Северный воздух»[16].

Palatkoiden lindaine "Vozduh. Perezagruzka"-festivalil vodel 2013

Vodel 2015 festivalile täudui kümne vot[17]. Jäl'ghe ridoid "Meiden radio"-radiostancijanke, miččel oliba avtoran oiktused "Vozduh"-brendale, tegijad pätiba vajehtada festivalin nimen da tehta sen "Karjalan Vozduh"[18].

Keväz'kus vodel 2016 festivalin tegii Maksim Mazurovskii sanui, miše festivalid ei linne, sikš ku ei ole den'goid[19]. Sid' Mazurovskii pakiči abud Karjalan valdmehištos festivalin edeližen tegemižen täht[20].

Vodel 2019 tahtoitihe pideta festivalid Murmanskas[21], no nece idei ei olend tugetud valdmehištol[22].

Vodelpäi 2023 

Vodel 2023 muzikaline festival' oli udessündutadud, no vajehti nimen da tegihe "Karjalan Vozduh". Sidä tegiškat'he Prezidentan Kul'turidejoiden fondan (ven.) (vep. rahatugel. Maksim mazurovskijan sanoiden mödhe oli planoiš tehta "penen azjtegon", no sündui sur' projekt. Festivalin tahoks-2023 tegihe karjalaižen pakaiž-ukon Talviukon (ven.) (vep. eländsija Čalna-küläs. 16.—18. kezakud "Karjalan Vozduh"-festivalin scenal ezini enamba 40 muzikantad. Festivalin vedäjaks tegihe ven.: «АукцЫон»-rok-gruppan frontmen Oleg Garkuša (ven.) (vep.[23].

"Karjalan Vozduh"

Vodel 2024 festival' mäni 14.—16. kezakud, möst karjalaižen pakaiž-ukon Talviukon eländsijal. Festivalihe ühtni enamba 50 pajogruppad (Rock Privet, GSPD, ven.: Юрий Лоза, ven.: «План Ломоносова», ven.: «Конец фильма», ven.: «Кирпичи», Jane Air, Sergei Bobunec (ven.) (vep., Vadim Samoilov (ven.) (vep., Kipelov (ven.) (vep., ven.: Кино da toižed[24]).Festivalile tuli 25 tuh. kacujad[2].

Vodel 2025 festivalile täudui 20 vot. Sen tegemižen täht ezmäižen kerdan oli keratud valdmehišton ogrkomitet, kudambad ohjanzi Karjalan Valdkundan pämez' Artur Parfenčikov. Festival' oli tugetud Venäman polestuzministerstvan kul'turan departamental. Festivalin tegemižen sijaks möst tegihe "Peski"-aerodrom. Festival' mäni ezmäižen kerdan nel'l' päiväd (12.—15. kezakud), ezmäižen kerdan festivalin aigan oli tehtud "Tehtud Karjalas" - tegijoiden ozuteluz, radoi oficialine ZAGS kanzparoiden registracijan täht[4]. Festivalin b'udžet oli enamba 100 mln rubl'ad[25]. Programmas oli enamb, mi muzikantoiden da gruppoiden ezitust[1] (RammProject, ven.: «Шекsпир», ven.: «Ундервуд», ven.: «Гудтаймс», ven.: «Биртман», ven.: «Горшенев», ven.: «Алиса» da toižed)[25]. Kaikuččen voden festivalihe ühtneb vepsläine muzikaline Noid-pajogrupp da pajatab pajoid vepsän kelel. 12. kezakud festivalin scenal mäni "Venäma - nece mö" - patriotižen pajokonkursan final[3].

Festivalin hedlainerad

  • 2005 — ven.: «Сплин», ven.: «ЧайФ»;
  • 2006 — ven.: «Алиса», ven.: «Король и Шут», Brainstorm;
  • 2007 — ven.: «Агата Кристи», ven.: «Браво», ven.: «Ленинград»;
  • 2008 — ven.: «Король и Шут», ven.: «Кипелов», ven.: «Чиж и Co», ven.: «Ночные снайперы», ven.: «Пилот»;
  • 2009 — ven.: «Алиса», Brainstorm, ven.: «ЧайФ»;
  • 2013 — ven.: «Алиса», ven.: «Ария», ven.: «КняZz», ven.: «Ляпис Трубецкой»;
  • 2014 — The Rasmus, ven.: «ДДТ»;
  • 2015 — ven.: «Пикник», Lumen, ven.: Лирой Торнхилл;
  • 2023 — ven.: «Алиса», «TODD», ven.: «Пилот», ven.: «Гарик Сукачёв», ven.: «СерьГа», ven.: «Мара»;
  • 2024 — ven.: «Кино», ven.: ', ven.: Кипелов.

Homaičendad

  1. ↑ 1 2 «Ария», «Пилот» и свадьбы у Вечного огня: чем удивит фестиваль «Воздух Карелии» в День России. www.intermedia.ru (10 kezakud 2025). Дата обращения: 10 kezakud 2025.
  2. ↑ 1 2 3 4 5 Партнёрам. vozduh.info. Дата обращения: 10 kezakud 2025.
  3. ↑ 1 2 Артур Парфенчиков пригласил всех меломанов на «Воздух Карелии» - Ника ТВ, Ника ТВ (10 kezakud 2025). Дата обращения: 10 kezakud 2025.
  4. ↑ 1 2 3 Юбилейный семейный фестиваль «Воздух Карелии». moybusiness2025.guu.ru. Дата обращения: 10 kezakud 2025.
  5. ↑ 1 2 Площадка. vozduh.info. Дата обращения: 10 kezakud 2025.
  6. ↑ 1 2 3 Самые заметные люди Карелии на Karelновости. Дата обращения: 10 uhokud 2015. Архивировано из оригинала 4 tal'vkud 2014 года.
  7. ↑ Фестиваль "Воздух Карелии" соберет рок-звезд и финалистов конкурса "Россия - это мы!", Российская газета (14 kezakud 2023). Дата обращения: 10 kezakud 2025.
  8. ↑ 1 2 Дом Рока | ВКонтакте. vk.com (17 sulakud 2016). Дата обращения: 10 kezakud 2025.
  9. ↑ 1 2 Дышите глубже! Это "Воздух"! (22 kezakud 2005). Дата обращения: 10 kezakud 2025.
  10. ↑ Васильев, Виктор. Воздух-2014, Арт-Журнал Около (10 sulakud 2014). Дата обращения: 10 kezakud 2025.
  11. ↑ «Воздух» запретили? Дата обращения: 13 kezakud 2010. Архивировано из оригинала 23 heinkud 2012 года.
  12. ↑ Отменен карельский музыкальный фестиваль «Воздух-2010» (10 kezakud 2010). Дата обращения: 10 kezakud 2025.
  13. ↑ «Воздух» отменили, но страсти не утихают, AiF (16 kezakud 2010). Дата обращения: 10 kezakud 2025.
  14. ↑ Максим Мазуровский: Буду бороться дальше. stolicaonego.ru (30 sulakud 2013). Дата обращения: 10 kezakud 2025.
  15. ↑ Фестиваль "Воздух Карелии" | ВКонтакте. vk.com (9 sügüz'kud 2013). Дата обращения: 10 kezakud 2025.
  16. ↑ После «перезагрузки». Дата обращения: 23 kezakud 2014. Архивировано из оригинала 14 heinkud 2014 года.
  17. ↑ Сможет ли «Воздух» проветрить Карелию? Петрозаводск Говорит | Газета "Петрозаводск" online | Новости Петрозаводска и Карелии (30 elokud 2019). Дата обращения: 17 tal'vkud 2021. Архивировано 8 redukud 2021 года.
  18. ↑ Карельский фестиваль «Воздух» спорит с «Нашим радио» из-за названия. www.intermedia.ru (26 keväz'kud 2015). Дата обращения: 17 tal'vkud 2021. Архивировано 8 redukud 2021 года.
  19. ↑ Рок-фестиваля «Воздух» в Карелии в этом году не будет. karel.aif.ru (14 keväz'kud 2016). Дата обращения: 17 tal'vkud 2021. Архивировано 8 redukud 2021 года.
  20. ↑ Трофимова, Любовь. «Алиса», Гарик Сукачёв и Игорь Растеряев. До фестиваля «Воздух» остается три недели | karelia.news, karelia.news | Новостной портал Республики Карелия (25 semendkud 2023). Дата обращения: 10 kezakud 2025.
  21. ↑ Возродить фестиваль «Воздух» хотят в Мурманске, murmansk.kp.ru - (30 semendkud 2019). Дата обращения: 10 kezakud 2025.
  22. ↑ В Карелии после многолетнего перерыва возродили популярный рок-фестиваль, РБК (5 sügüz'kud 2022). Дата обращения: 10 kezakud 2025.
  23. ↑ Его ждали восемь лет, и он вернулся: как прошел фестиваль «Воздух Карелии 2023», karelinform.ru (20 kezakud 2023). Дата обращения: 10 kezakud 2025.
  24. ↑ Фестиваль «Воздух Карелии 2024» отгремел под Петрозаводском. Дата обращения: 24 sügüz'kud 2024.
  25. ↑ 1 2 На XX музыкальном фестивале "Воздух Карелии" выступила рок-группа "Алиса", TACC (15 kezakud 2025). Дата обращения: 15 kezakud 2025.

Tarkendused

Om sadud "https://vep.ruwiki.ru/w/index.php?title=Karjalan_Vozduh_(festival%27)&oldid=528310"