Noid (grupp)
Sil sanal voib olda toižid znamoičendoid; miše nähta niid, tulgat tänna.
| Noid | |
|---|---|
 | |
| Üleižed tedod | |
| Žanr | folk[d] da etno-elektronik[d] |
| Voded | 2007 — nügüdehesai |
| Mad | |
| Tegemižen sija | Petroskoi |
| Muzikjouk |
Vladimir Solovjov Aleksandr Šašin Irina Lipkova Jegor Papsujev |
| Enččed ühtnikad |
Zoja Malikova Alina Kartinen Jelena Pavlova |
| Официальная группа Вконтакте | |
 Mediafailad RUWIKI-tedoiš | |
«Noid» (ven.: Нойд) — vepsläine folkgrupp Petroskoišpäi (Karjala, Venäma). Kollektiv om tehtud vodel 2007. Gruppan pämez' - Vladimir Solovjov. Stil' - etno-elektronine muzik. Grupp pajatab tradicionaližid vepsläižid pajoid nügüd'aigaližes čomenzoituses vepsän da venän kelil. Heiden muzik - nece etnižiden motivoiden, elektronikan da kodikahan embijentan segoituz[1].
Istorii
Kollektiv oli tehtud vodel 2007. Noid-nimi oli anttud kollektivale ei muite. Vepsläižiden melen mödhe kesknikad hengiden da ristituiden keskes kaiken aigan oliba noidad. Noidoil oli ičeze vägi. Hö mahtoiba tehta hüvid da pahid azjoid, voiba painastada londusehe da rahvahaze. Vepsläižed nügüd'-ki uskoba, miše heiden keskes eläba noidad[2].
Ezineb kut Venämal, mugažo verhiš maiš, siš lugus ühtneb erazvuiččihe muzikaližihe festivalihe: Riddu-Riddu (Norvegii), Sommelo (Suomi), Tallinn Music Week (Estonii)[3], Liet international (Italii), Liet lavlut (Švecii), Karjalan Folk (Suomi), Saami weeks (Norvegii) da m.e[4].
Vodel 2013 Noid sai M. A. Kastrenin sebran premijad tradicionaližen vepsläižen "Voik"-pajon parahimas nügüd'aigaližes čomenzoituses. Vodel 2014 neche pajoho oli tehtud videoklip[5]. Vodel 2024 Noid pästi eloho uden klipan "Minä tämbei"-pajoho. Nece om tradicionaline vepsläine lühüdpajo armastusen polhe. Pajos neižne starinoičeb, kut kerdan läksi susedküläha da armasti phihašt[4][6].
Noid-pajogrupp Petroskoišpäi om "Karjalan Vozduh"-festivalin ühtnik[2].
Muzikjoukun nügüdläižed ühtnikad
- Vladimir Solovjov - gruppan pämez' (sintezatorad, akkordeon),
- Irina Lipkova - gruppan päpajanik,
- Aleksandr Šašin - Gruppan kaikenaigaine muzikant (bas-gitar, stribunik, jouhikko, kal'uka, sintezatorad),
- Jegor Papsujev[1].
Al'bomad
Videoklipad
Galerei
Noid-grupp Karjalan radion efiras, 2025
Noid ezineb Karjalan rahvahiden keliden da kul'turnedalil, Petroskoi 2025
Vepsläine Noid-grupp, 2021
Videoklipan sjomkad "Minä tämbei"-pajoho, 2020
Noidan ezituz Tallinas, 2019
Noid Ojat'-jogen randal Vidlas, 2017
Noid, 2016
Noid festivalil Trömsö-lidnas, Norvegii 2015
Homaičendad
- ↑ 1 2 NOID. Официальная группа Вконтакте. Дата обращения: 13 redukud 2025.
- ↑ 1 2 Вепсский этно-электронный проект Noid из Петрозаводска - участник юбилейного фестиваля "Воздух Карелии". Дата обращения: 13 redukud 2025.
- ↑ Tallinn Music Week 2019. vk.com. Дата обращения: 13 redukud 2025.
- ↑ 1 2 Карелия официальная. Нойд. kareliamusic.ru. Дата обращения: 13 redukud 2025.
- ↑ Клип группы "НОЙД" на вепсскую песню "Voik" (Official Music Video). vk.com. Дата обращения: 13 redukud 2025.
- ↑ И дальше о музыке. Дата обращения: 13 redukud 2025.
- ↑ Альбом "Nored päiväd" (2025). vk.com (14 heinkud 2025). Дата обращения: 13 redukud 2025.
- ↑ “Noidal” lähteb eloho uz’ al’bom. vk.com (1 heinkud 2025). Дата обращения: 13 redukud 2025.
- ↑ Клип группы "НОЙД" на вепсскую песню "Voik" (Official Music Video). vk.com. Дата обращения: 13 redukud 2025.
- ↑ Клип группы "НОЙД" на вепсскую песню "Minä tämbei" (Official Music Video). vk.com. Дата обращения: 13 redukud 2025.
- ↑ Клип группы "НОЙД" на вепсскую песню "Kalina da babarm". vk.com. Дата обращения: 13 redukud 2025.