Bartaševič Lidia Viljevna

Рувики-späi
Bartaševič Lidia Viljevna
Барташевич Лидия Вильевна.png
Sündundsija
Valdkund
Rad perenaine
Uk Bartaševič Oleg Antonovič
Lapsed 10
Pauklahjad da premijad

Lidia Viljevna Bartaševič (ven.: Ли́дия Ви́льевна Барташе́вич, om sündunu Sovetskii Sojuz) om äilapsine mam, kudamb vodel 2024 Venäman prezidentan käskon mödhe om pauklahjoitud "Mam-geroin'a"-arvnimel[1].

Elostarin

Lidia Bartaševič eläb Kostomukša-lidnas Karjalas. Emägoičese kodin elomištos. Om lähtnu mehele Oleg Antonovič Bartaševičan taga. Voden 2024 tedoiden mödhe hö oma ičeze kümned last vanhembad: kahesad tütärt da kaht poigad[2][3].

Lapsed

Vodeks 2024 Bartaševič-kanzas om vaiše üks' alaigäine Georgia-tütär. Hän opendase Kostomukša-lidnan keskškolas. Kaik toižed lapsed oma üläopenikad vai üläopenduzorganizacijoiden pästnikad. Ozutesikš, Gloria-tütär sab korktad opendust ühtes Astrahan'-lidnan vuzas. Aleksandra-tütär sab toižen korktan opendusen Kazaniš. Lidijan da Olegan vanhembad lapsed ratas erazvuiččis raderištoiš[2][3].

Lidia Bartaševič da hänen lapsed. Reduku, 2024 voz'.

Faterpind

Om tetab, miše Bartaševič-kanz vodelpäi 1999 seižub eländoloiden parembzoitusen jäl'genduses. Voden 2024 tedoiden mödhe om tetab, miše kanz eläb pertiš Kostomukša-lidnas, miččen kulutuz om 85 %: pertiš vaigatab katuz, uhkudas lavad, kül'mäb lämbituzsistem, kaiken aigan muretas turud. Azjtarkištelusen satusiden mödhe, miše pert' oliži kožui elon täht, pidab tehta ei vaiše katusen da lavan kohendusen, no i turusisteman palan da kaiken pertin alandusen kohendusen[4][5].

Pauklahjad

18. sügüz'kud vodel 2024 Venäman prezident V. V. Putin pauklahjoiči Lidia Bartaševič "Mam-geroin'a" (ven.) (vep.-arvnimel sanoidenke "Sures panendas kanzan institutan tugeduses da lapsiden kazvatuses". Pauklahjal om ozutadud kuldaine tähtaz briliiiantoidenke da man emalirovižen erozamanke (gerbanke); senke ühtes anttas rahapremijan 1 mln rubl'ad.

2. kül'mkud vodel 2024 Karjalan pämez' Artur Parfenčikov lahjoiči valdkundaližen pauklahjan praznikpauklahjoičendal Karjalan rahvahaližen muzejan Ülevan Suiman zalas[6].

Lidia Bartaševič sab ordenan Karjalan pämehen käzišpäi. Kül'mku, 2024 voz'.

Homaičendad

  1. ↑ Указ Президента Российской Федерации от 18.09.2024 № 800 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Дата обращения: 7 vilukud 2026.
  2. ↑ 1 2 В Карелии появилась мать-героиня: она воспитывает десять детей (англ.). www.gubdaily.ru. Дата обращения: 7 vilukud 2026.
  3. ↑ 1 2 Почетное звание «Мать-героиня» присвоено жительнице Карелии (англ.). www.tv-karelia.ru. Дата обращения: 7 vilukud 2026.
  4. ↑ В Карелии мать-героиня, воспитавшая 10 детей, 25 лет живет в разваливающимся доме и не может добиться расселения (англ.). www.gubdaily.ru. Дата обращения: 7 vilukud 2026.
  5. ↑ Зато с орденом. Семья матери-героини из Карелии более 20 лет не может переехать из аварийного жилья (англ.). www.karelia.news. Дата обращения: 7 vilukud 2026.
  6. ↑ Мать-героиня живёт в Костомукше (англ.). www.64parallel.ru. Дата обращения: 7 vilukud 2026.

Lähtked

Om sadud "https://vep.ruwiki.ru/w/index.php?title=Bartaševič_Lidia_Viljevna&oldid=528691"