Baranova L'udmila Vasiljevna

L'udmila Vasiljevna Baranova
Sündundpäiv	24. keväz'kud 1935(1935-03-24) (91 год)
Sündundsija	Petroskoi, Karjalan ASSR[d], RSFSR[d], Sovetskii Sojuz
Rahvahuz'	SSSR →  Venäma
Rad	tervhuz'kaičend
Tat	Baranov Vasilii Aleksandrovič
Mam	Isserson Zinaida Mihailovna
Pauklahjad da premijad

L'udmila Vasiljevna Baranova (ven.: Людми́ла Васи́льевна Бара́нова,om sündunu 24. keväz'kud 1935, Petroskoi, Karjalan ASSR^[d]) om venälaine lekar'-transfuziolog, tervhuz'kaičendan radnik, RSFSRan arvostadud lekar'(1981), Karjalan arvokaz eläi (2015).

Elostarin

L'udmila Vasiljevna Baranova om sündunu 24. keväz'kud vodel 1935 hirurg-lekariden kanzas Petroskoiš Avtonomižes Karjalan SSRas, nügüd' lidn om Karjalan pälidn.

Suren Kodiman voinan ühtes mamanke oli evakuacijas Kurganan agjan Ol'hovskan rajonan Ol'hovka-küläs (1941—1943), sidä jäl'ghe Belomorskas, mitte oli Karjalaiž-Suomalaižen SSRan keskaigaine pälidn (1943—1944).

Vodel 1953 lopi ezmäižen akoiden školan Petroskoiš.

Vodel 1959 lopi Ezmäižen Piterin tervhuz'institutan akademikan I. P. Pavlova nimel. Radoi Veren sirdändan valdkundaližen stancijan veren konservacijan erišton ohjandajan Petroskoiš, vodelpäi 1963 vodehesai 2009 oli Veren sirdändan valdkundaližen stancijan ohjandajan.

Hänen ohjandusel vodel 1968 om sauvodud stancijan uz' pert', a vodel 1995 om jurdutadud eloho plazman avtomatižen varhapanendan metod.

Piterin gematologijan da transfuziologijan rahvahaližen tervhuz'oppind keskusen arvsanan mödhe, L. V. Baranovan ohjandusel Veren sirdändan valdkundaline stancii tegihe veren parahimaks azjmehištoks Venämal.

Oli Karjalan tervhuz'kaičendan ministerstvan kundaližen nevondišton ohjandajan. Venäman gematologoiden da transfuziologoiden sebran ohjanduzkundan ühtnik, Venäman Rusked Rist-sebran Karjalan erišton prezidiuman ühtnik.

24. keväz'kud vodel 2025 L'udmila Vasiljevna oigenzi 90-voččen jubilejan.

Pauklahjad

• Sebruden orden (10. elokud 2006);
• "Arvtegoiš Kodiman edes" II stepenin' ordenan medal' (13. kezakud 1996);
• RSFSRan arvostadud lekar' (12. kül'mkud 1981);
• Karjalan ASSRan arvostadud lekar' (1976);
• Karjalan arvokaz eläi (2. kezakud 2015);
• Karjalan Valdkundan voden 2002 laureat (24. tal'vkud 2002).

Kanz

• Praded om Isserson David Markovič (1844—?), lopi Tervhuz'leikatuzakademijan Piteriš, oli Pöud-lidnas külälekarin, Pühä Stanislavan II stepenin ordenan kavaler.

• Ded om Isserson Mihail Davidovič (15. keväz'kud vodel 1874 — 6. redukud vodel 1955), Karjalaiž-Suomalaižen SSRan arvostadud lekar'.

• Tat om Baranov Vasilii Aleksandrovič (10. uhokud vodel 1896 — 28. elokud vodel 1978), RSFSRan arvostadud lekar'.

• Mam om Isserson Zinaida Mihailovna (3. redukud vodel 1909 — 24. semendkud vodel 1996), RSFSRan arvostadud lekar'.

• Däd' om Baranov Vasilii Aleksandrovič, hirurg.

Kirjutesed

• Л. В. Баранова. И дольше века... : хроника трёх веков медицинской династии Карелии. — Петрозаводск: Острова, 2014. — 339 с. — ISBN 978-5-98686-060-2.

Literatur

• Карелия: энциклопедия: в 3 т. / гл. ред. А. Ф. Титов. Т. 1: А — Й.. — Петрозаводск: ИД «ПетроПресс», 2007. — 148—400 с. — ISBN 978-5-8430-0123-0.

Lähtked

• Имена в Истории Карелии. Баранова Людмила Васильевна
• Почётным гражданином Республики Карелия стала заслуженный врач России Людмила Баранова
• Так было

Homaičendad