Isserson Zinaida Mihailovna

Zinaida Mihailovna Isserson
Sündundpäiv	3. redukud 1909(1909-10-03)
Sündundsija	Petroskoi, Petroskoin ujezd[d], Oloncan gubernii[d], Venäman imperii[d]
Kolendpäiv	24. semendkud 1996(1996-05-24) (86 лет)
Kolendsija	Petroskoi, Karjalan Valdkund, Venäma
Rahvahuz'	SSSR →  Venäma
Rad	hirurg
Tat	Isserson Mihail Davidovič
Uk	Baranov Vasilii Aleksandrovič
Lapsed	Baranova L'udmila Vasiljevna Baranov Viktor Vasiljevič
Pauklahjad da premijad

Zinaida Mihailovna Isserson (ven.: Зинаида Михайловна Иссерсо́н, 3. redukud 1909, Petroskoi, Petroskoin ujezd^[d], Oloncan gubernii^[d], Venäman imperii^[d] — 24. semendkud 1996, Petroskoi, Karjalan Valdkund, Venäma) om sovetskii lekar'-hirurg, tervhuz'kaičendan aktivist, RSFSRan arvostadud lekar' (1960).

Elostarin

Zinaida Isserson om sündunu 3. redukud vodel 1909 lekarin Mihail Davidovič Issersonan kanzas Oloncan gubernijan Petroskoin ujezdan Petroskoi-lidnas, nügüd' lidn om Karjalan pälidn.

Jäl'ghe školad tahtoi päzuda opendamhas üläopištoho, no händast hül'gäitihe voziden täht. Voden hän openzihe Likundan institutas P. F. Lesgaftan nimel Piteriš.

Vodel 1928 päzui opendamhas, a vodel 1932 lopi Toižen Piterin tervhuz'institutan, radoi ordinatoran Petroskoin leikatuzläžundkodiš.

Vodel 1936 om oigetud radmahtoiden täudenzoitusele Piterin onkologižehe institutaha, miččen lopindan jäl'ghe ohjanzi Petroskoin leikatuzläžundkodin onkologišt erištod.

Suren Kodiman voinan aigan oli evakuacijas lapsidenke, sigä radoi hirurgan Ol'hovskan rajonan Ol'hovka-külän läžundkodiš Kurganskan agjas (1941—1943), sidä jäl'ghe Belomorsk-lidnas, Karjalaiž-Suomalaižen SSRan keskaigaižes pälidnas (1943—1944).

Vozil 1944—1950 — Petroskoin leiatuzläžundkodin ordinator.

Vozil 1950—1966 — Petroskoin lidnalaižen läžundkodin pähirurg.

Zinaida Isserson openzi Rusttan Ristan kursoil da oli fel'džeroiden školan ekzamenacionižen laudkundan ohjandajan, miččen sädajan oli hänen tat, a tatan radon jäl'genikan — Zinaida Mihailovnan mužik.

Petroskoin Lidnalaižen tervhuz'kaičendan erišton pähirurg.

Oli valitud rajonižen nevondišton deputataks.

Konz läksi pensijale, hän radoi ordinatoran Petroskoin lidnalaižes läžundkodiš.

Koli 24. semendkud vodel 1996 Petroskoiš.

Mušt

Petroskoin puišt, mitte sijadase tahos, kus Čern'ahovskovan ird ühtenzoitase Lososinskoje šossenke, om nimitadud Zinaida Issersonan nimel.

Pauklahjad da arvnimed

• Leninan orden;
• Karjalan ASSRan arvostadud lekar' (1957);
• RSFSRan arvostadud lakar' (1960).

Kanz

Isserson-Baranovoiden dinastijas om 17 lekarid da tervhuz'radnikad (voden 2021 tedoiden mödhe).

• Ded — David Markovič Isserson (1844—1915), lopi Tervhuz'-leikatusen akademijan Piteriš, külälekar' Pöud-lidnas, Pühä Stanislavan 2. stepenin ordenan kavaler.
• Tat — Mihail Davidovič Isserson (15. keväz'kud vodel 1874, Viborg-lidn — 6. redukud vodel 1955, Petroskoi-lidnas), Karjalaiž-Suomalaižen SSRan arvostadud lekar'.
• Mužik Vasilii Aleksandrovič Baranov (10. uhokud vodel 1896 — 28. elokud vodel 1978), RSFSRan arvostadud lekar'.
  • Tütär — L'udmila Vasiljevna Baranova (sünd. 24. keväz'kud vodel 1935, Petroskoi), RSFSRan arvostadud lekar'.
  • Poig — Viktor Vasiljevič Baranov (sünd. 30.09.1938) — inžener-konstruktor.
• Tädi — Marina Davidovna Rindz'unskaja (6. vilukud vodel 1877 — 10. semendkud vodel 1946), vestai.

Homaičendad

Literatur

• Васильев Л. Г., Левин С. М. Здравоохранение Карелии. — Петрозаводск, 1960.
• Карелия: энциклопедия: в 3 т.:Р — Я.. — Петрозаводск: «ПетроПресс», 2011. — С. 381. — 384 с. — ISBN 978-5-8430-0127-8.
• Баранова Л. В. И дольше века… Хроника трёх веков медицинской династии Карелии. — Петрозаводск, 2014.

Lähtked

• "Только Вам я обязан своей жизнью…"
• Зинаида Михайловна Иссерсон