Baranov Vasilii Aleksandrovič

Vasilii Aleksandrovič Baranov
Vasilii Aleksandrovič Baranov
Sündundpäiv	10. uhokud 1896
Sündundsija	Kanzanavolok[d], Vodlozerskan volost'[d];
Kolendpäiv	28. elokud 1978 (82 года)
Kolendsija	Petroskoi, RSFSR[d], Sovetskii Sojuz;
Valdkund	Venäman imperii[d]; Sovetskii Sojuz;
Rad	tervhuz'kaičend
Ak	Isserson Zinaida Mihailovna (1906—1996); RSFSRan arvostadud lekar' (1960)
Lapsed	Baranova L'udmila Vasiljevna (sün. 1935); RSFSRan arvostadud lekar' (1981); Baranov Viktor Vasiljevič (1938)

Vasilii Aleksandrovič Baranov (ven.: Васи́лий Алекса́ндрович Бара́нов, 10. uhokud 1896, Kanzanavolok^[d], Vodlozerskan volost'^[d] — 28. elokud 1978, Petroskoi) om sovetskii lekar'-hirurg, tervhuz'kaičendan aktivist, tervhuz'kaičendan sädai, anatomijan da hirurgijan opendai, Karjalaiž-Suomalaižen SSRan arvostadud lekar' (1943), RSFSRan arvostadud lekar' (1958), Petroskoin arvokaz eläi (1973)^[2].

Elostarin

Om sündunu Pudožan ujezdan Vodlozerskan volostin Kanzanavolok-küläs (nügüd' Karjalan Pudožan rajon)^[3]. Möhemba ühtes vanhembidenke ajoi elole Pudož-lidnaha^[4].

Jäl'ghe sidä, kut lopi prihodan da lidnalaižen opištod Pudožiš vodel 1912 päzui opendamhas Petroskoin fel'dšersko-akušerskijaha školha (ven.) (vep., miččen lopi aigemba sulakus vodel 1915 sikš, ku zavodihe Ezmäine mail'man voin. Radoi fel'dšeran Undozero-küläs Pudožin ujezdas^[4].

Om Ezmäižen mail'man voinan ühtnik: služi fel'dšeran eriližes potklaudbataljonas^[5].

Vilukuspäi vodelpäi 1918 oli fel'dšeran Oloncan (Petroskoin) gubernijan sovetskijan läžundkodin leikatuzerištos (möhemba — Keskmäine läžundkodi КТК, Petroskoin keskuzläžundkodi), miččen ohjanzi lekar'-hirurg M. D. Isserson.

Vodel 1923 händast oigettihe jatkta opendust Valdkundaližehe tervhuz'tedoiden institutaha Piterihe (vodehesai 1924 — Petrograd). Vodel 1927 jäl'ghe institutad pörzihe Petroskoihe da radoi lekarin-internan, sidä jäl'ghe lekarin-ordinatoran Petroskoin keskläžundkodiš.

Vodel 1933 lidnalaižen läžundkodin leikatuzerišton pohjal oli tehtud leikatuztervehtoituzsija, mitte vodel 1935 sai augonpanijan lekarin-hirurgan M. D. Issersonan nimen. Vodelpäi 1927 radoi lekain-ordinatoran, sidä jäl'ghe Petroskoin leikatuztervehtoituzsijan M. D. Issersonan nimel satatezerišton ohjandajan^[4].

Suren Kodiman voinan aigan, Petroskoin okkupacijan aigan vozil 1941—1944 ohjanzi Belomorskan rajonižen läžundkidin leikatuzerišton^[3].

Voinan jäl'ghe pördihe Petroskoihe da vozil 1945—1950 radoi Leikatuztervehtoituzsijan M. D. Issersonan nimel pälekarin^[5].

Voden 1950 lopus om pandud udes tehtud valdkundaližen läžundkodin pälekarikš (sen lugus om tehtud leikatuztervehtoituzsijan pohjal)^[4].

Vodelpäi 1955 vodehesai 1967 om Karjalan ASSRan tervhuz'kaičendan ministerstvan läžundkodin pälekar' da ühtel aigal (kuverz'-se vot) valdkundan pähirurg. Vodelpäi 1967 om Karjalan ASSRan tervhuz'kaičendan ministerstvan poliklinikan lekar'-hirurg.

Oli valitud Karjalan ASSRan Ülembaižen nevondišton, Karjalaiž-Suomalaižen SSRan Ülembaižen nevondišton deputataks.

Oli Karjalan ASSRan lekariden-hirurgoiden tedosebran ohjandajan, Ühthižsojuzižen hirurgoiden sebran ohjanduzkundan ühtnikan (25-ndel da 26-ndel suimoil).

Paiči leikatuzradod, Vasilii Aleksandrovič 18 vot openzi anatonijad da hirurgijad Petroskoin tervhuz'opištos, sädi nevond- da metodišt abud valdkundan tervhuz'kaičendan organizacijoile, vaumiči radnikkundad da oli kundaližen radon aktivist.

Om pandud maha Petroskoin Sulažmägen kaumištol^[6].

Kanz

Tat — Aleksandr Mihailovič Baranov, r'adovoi varas, äjan vozid radoi sanitaran Pudožin ujezdan läžundkodiš^[4].
Vanhemb vel'l' — Mihail Aleksandrovič Baranov, radoi fel'dšeran Pudožin ujezdas, möhemba radoi lekarin-rentgenologan Petroskoiš^[4].
Ak — Isserson Zinaida Mihailovna (1906—1996), lekar'-hirurg, RSFSRan arvostadud lekar' (1960), lekar'-hirurgan M. D. Issersonan tütär^[4].
Lapsed:
- Baranova L'udmila Vasiljevna (sün. 1935), lekar'-transfuziolog, RSFSRan arvostadud lekar' (1981).
- Baranov Viktor Vasiljevič (sün. 1938)^[4].

Pauklahjad da arvnimed

Karjalaiž-Suomalaižen SSRan arvostadud lekar' (1943);
RSFSRan arvostadud lekar' (1958);
Petroskoin arvokaz eläi (1973);
Leninan orden;
"Arvostelusen znaman" orden;
Medal' "Voinsatusiš";
Medal' "Hüväs rados Sures Kodiman voinas";
Medal' "Hüväs rados Vladimir Iljič Leninan 100-voččen sündundpäivän muštoks".

Mušt

Vodel 1979 V. A. Baranovan nimel nimitadihe Petroskoin valdkundaližen läžundkodin^[7]. Läžundkodin pertiš om pandud muštlaud.
Vodel 2018 puišt läz läžundkodid om nimitdud Vasilii Baranovan nimel^[8].
Karjalan rahvahaližes arhivas kaičese lekariden Isserson-Baranovoiden kanzaline fond (Р-3488), miččehe mülüdas Mihail Davidovič Isserson, hänen tütren Zinaida Mihailovna Isserson, hänen mužikan Vasilii Aleksandrovič Baranovan, da heiden tütren L'udmila Vasiljevna Baranovan azjbumagad.

Homaičendad

↑ https://hospital.karelia.ru/novosti/k-125-letiju-v-a-baranova/
↑ Карелия: энциклопедия: в 3 т. / гл. ред. А. Ф. Титов. — Петрозаводск: ИД «ПетроПресс», 2007. — Т. 1. — С. 148—400. — ISBN 978-5-8430-0123-0.
↑ ¹ ² К 125-летию В.А.Баранова (неопр.). Республиканская больница им. В.А. Баранова (2 redukud 2021). Дата обращения: 19 sulakud 2026.
↑ ¹ ² ³ ⁴ ⁵ ⁶ ⁷ ⁸ 130 лет назад родился врач-хирург В.А. Баранов (неопр.). Национальный архив Республики Карелия. Дата обращения: 19 sulakud 2026.
↑ ¹ ² Баранова Л. В. Баранов Василий (неопр.). ptzgovorit.ru (12 semendkud 2014). Дата обращения: 19 sulakud 2026.
↑ Памятники истории Петрозаводска (неопр.). Дата обращения: 19 sulakud 2026. Архивировано 19 kül'mkud 2019 года.
↑ Историческая справка (рус.). Дата обращения: 18 sulakud 2026.
↑ Постановление Администрации Петрозаводского городского округа Республики Карелия от 28 сентября 2018 г. № 2761 "Об утверждении Перечня парков, бульваров, лесопарков, заказников, скверов, садов и аллей на территории Петрозаводского городского округа" (с изменениями и дополнениями)

Literatur

Иванов А. Врач А. В. Баранов. — Петрозаводск, 1948.;
Васильев Л. Г., Левин С. М. Здравоохранение Карелии. — Петрозаводск, 1960.;
Народные избранники Карелии: Депутаты высших представительных органов власти СССР, РСФСР, РФ от Карелии и высших представительных органов власти Карелии, 1923—2006: справочник / авт.-сост. А. И. Бутвило. — Петрозаводск, 2006. — 320 с..

Lähtked

[_5fba507c46fddebb-1] ttps://hospital.karelia.ru/novosti/k-125-letiju-v-a-baranova/

[2] Карелия: энциклопедия: в 3 т. / гл. ред. А. Ф. Титов. — Петрозаводск: ИД «ПетроПресс», 2007. — Т. 1. — С. 148—400. — ISBN 978-5-8430-0123-0.

[:Госп-3] ¹ ² К 125-летию В.А.Баранова (неопр.). Республиканская больница им. В.А. Баранова (2 redukud 2021). Дата обращения: 19 sulakud 2026.

[:Архив-4] ¹ ² ³ ⁴ ⁵ ⁶ ⁷ ⁸ 130 лет назад родился врач-хирург В.А. Баранов (неопр.). Национальный архив Республики Карелия. Дата обращения: 19 sulakud 2026.

[:Энц-5] ¹ ² Баранова Л. В. Баранов Василий (неопр.). ptzgovorit.ru (12 semendkud 2014). Дата обращения: 19 sulakud 2026.

[6] Памятники истории Петрозаводска (неопр.). Дата обращения: 19 sulakud 2026. Архивировано 19 kül'mkud 2019 года.

[7] Историческая справка (рус.). Дата обращения: 18 sulakud 2026.

[8] Постановление Администрации Петрозаводского городского округа Республики Карелия от 28 сентября 2018 г. № 2761 "Об утверждении Перечня парков, бульваров, лесопарков, заказников, скверов, садов и аллей на территории Петрозаводского городского округа" (с изменениями и дополнениями)

[1]

[2]

[3]

[4]

[5]

[6]

[7]

[8]