Aleksin

Aleksin
Aleksin
Флаг[d]	Герб
	54°30′00″ с. ш. 37°04′00″ в. д.GЯO
Valdkund	Venäma;
Istorii da geografii
Tegemižen päiv	1348
Pind	43;
Высота	160
Aigvö	UTC+3[d]
Eläjad
Eläjad	57 892 чел. (1 vilukud 2018);
Lugud
Telefonan kod	48753
Počtan indeksad	301360–301380
	Официальный сайт(ven.)
	Mediafailad RUWIKI-tedoiš

Aleksin (ven.: Але́ксин) om Venäman lidn Tulan agjan lodehes. Se om agjan nellänz'-videnz' lidn eläjiden lugun mödhe, Aleksinan lidnümbrikon administrativine keskuz.

Istorii

Eländpunktan aluz om pandud 13. voz'sadal. Mainitase ezmäižen kerdan dokumentoiš Aleksinan «ostmižes» Kijevan da kaiken Venän Petr-mitropolital (koli vl 1326) i Nikonan aigkirjas vl 1348. Nimitihe mehen Aleksandr- (lüh. Aleksa, Aleksä) vai Aleksei-nimen mödhe. Aleksin sai makundan lidnan oficiališt statusad vl 1777. Šingotihe tegimišton keskuseks 19. voz'sadan keskespäi raudtestancijan sauvondanke «Tul — Kalug»-raudtekeskustal («Väz'm — Sizran'»-raudten pala). Himižen kombinatan ezmäine jono (porhan tehmine) LEK:anke om saudud lidnas vll 1933−1941. Toižen mail'man sodan aigan lidn oli okkupiruidud nacistoil lühüdaks pordoks, päzutihe vn 1941 tal'vkun 17. päiväl. Aleksin alištui agjan tobmudele vll 1958−2006.

Aleksin šingotase himižel kombinatal^[2] (sauvondmujud, mineraližed kanghad, plastiktegesed, räzinhijamad, antifriz), mehanižel tegimel (standartatoman tehnologižen mašiništon tehmine), sauvondmaterialiden pästandal (armaturtegim, betontegim, šebnän tehmine, raudbetontegesiden tegim), lihakombinatal i bumagkartonfabrikal.

Geografijan andmused

Lidn sijadase lidnümbrikon päivlaskmas, Okan hural randal päpaloin, 160 m ü.m.t. keskmäižel korktusel. Matkad Kalugan agjhasai om 2 km pohjoižhe vai päivlaskmha orhal. Matkad Tulhasai om 50 km suvipäivnouzmha orhal, 68 km avtotel vai 62 km raudtel. Lähembaine lidn om Tarus (Kalugan agj) 26 km pohjoižhe orhal vai 39 km avtotedme. Aleksin-raudtestancii om lidnan keskuzpalas (passažiroiden i jüguiden täht), Energetik- i Keskmäine- (ven.: Средняя) raudtestancijad ratas lidnan päivlaskmas.

Eläjad

Vl 1939 lidnan ristitišt oli 6 527 eläjad, vl 1959 — 46 313 eläjad. Vn 2010 Venäman rahvahanlugemižen mödhe lidnan eläjiden lugu oli 61 732 ristitud, lidnümbrikon viž kudendest. Kaikiš suremb lidnan ristitišt oli 71..74 tuhad eläjid vll 1986−1998 (74 274 rist. vl 1989). Ortodoksižen hristanuskondan ph. Jumalanmaman Emäganpäivän kaks' päjumalanpertid^[3] (vanh da uz'), kuz' jumalanpertid i kaks' časounäd oma olmas lidnas.

Rahvahad (2010): venälaižed — 95,8%, ukrainalaižed — 1,2%, toižed rahvahad — 3,0%.

Professionaližen opendusen aluzkundad oma Aleksinan mašinansauvomižen tehnikum^[4] i Aleksinan himiž-tehnologine tehnikum.^[5]

Galerei

RU PB205291.jpg

Ph. Mikulai-čudonsädajan jumalanpert'
(vn 2016 nägu)
Petrovka, Aleksin, Tulskaya oblast', Russia - panoramio (8).jpg

Škol nomer 9 Petrovk-mikrorajonas
Sotsgorod, Aleksin, Tulskaya oblast', Russia - panoramio.jpg

Kul'turkeskuz
Aleksin, Tula Oblast, Russia - panoramio (10).jpg

Avtotesild Okas päliči

Homaičendad

Irdkosketused

Lidnan da lidnümbrikon tobmuden aluzkundoiden sait (aleksin.tularegion.ru). (ven.)

	Tulan agjan lidnad
	Aleksin \| Belöv \| Bogorodick \| Bolohovo \| Čekalin \| Donskoi \| Jasnogorsk \| Jefremov \| Kimovsk \| Kirejevsk \| Lipki \| Novomoskovsk \| Plavsk \| Sovetsk \| Suvorov \| Ščokino \| Tul \| Uzlovai \| Venöv

[_e4808d87a535ba09-1] 26. Численность постоянного населения Российской Федерации по муниципальным образованиям на 1 января 2018 года — Valdkundaližen statistikan federaline služb.

[2] Aleksinan himižen kombinatan sait (alhk.ru). (ven.)

[3] Aleksinan pühäpertid sobory.ru-saital. (ven.)

[4] Aleksinan mašinansauvomižen tehnikuman sait (aleksin-amt.ru). (ven.)

[5] Aleksinan himiž-tehnologižen tehnikuman sait (ahtt.com.ru). (ven.)

[1]

[2]

[3]

[4]

[5]