Kimovsk

Kimovsk
Флаг[d] Герб
53°58′00″ с. ш. 38°32′00″ в. д.
Valdkund	Venäma
Istorii da geografii
Pind	17,28
Высота	210
Aigvö	UTC+3:00[d]
Ekonomik
Eläjad
Eläjad	▲26 475 чел. (2021)
Lugud
Telefonan kod	48735
Počtan indeksad	301720
-
Официальный сайт
lugeda • diskussii • redaktiruida

Kimovsk (Kimovskan rajonan administrativine keskuz.

Istorii

Eländpunktan aluz om pandud 17. voz'sadal kuti Mihailovk-külä. Se mainitase ezmäižen kerdan Sur' Mihailovk-nimenke (buran hilen samižel ende. Kimovsk sai lidnan statusad vn 1952 31. päiväl keväz'kud. Se alištui agjan tobmudele oikti vll 1958−2006.

Kimovsk šingotase radioelektromehanižel tegimel, «Gidroprivod»-tegimel, leibtegim i kaks' omblendfabrikad ratas lidnas.

Geografijan andmused

Lidn sijadase rajonan lodehes, Donan vezijagandal, 210 m ü.m.t. keskmäižel korktusel. Matkad Tulhasai om 65 km päivlaskmha-lodeheze orhal, 75 km avtotedme vai 85 km raudtedme. Lähembaižed lidnad oma Donskoi 10..15 km päivlaskmha orhal i teidme, i Novomoskovsk 15..20 km päivlaskmha-lodeheze orhal i teidme. Kimovsk-raudtestancii radab lidnas «Tul — Räžsk»-keskustal.

Kimovsk om lidnankundan üks'jäine eländpunkt. Lidnankundan pind — 17,28 km².

Eläjad

Vl 1939 lidnan ristitišt oli 1 993 eläjad, vl 1959 — 39 490 eläjad. Vn 2010 Venäman rahvahanlugemižen mödhe lidnan eläjiden lugu oli 28 485 ristitud, rajonan kaks' koumandest. Kaikiš suremb lidnan ristitišt oli 42..44 tuhad eläjid vll 1967−1979 (44 490 rist. vl 1970). Ortodoksižen hristanuskondan Jumalanmaman «Heita minun opalad»-jumalaižen jumalanpert' om saudud lidnas vspäi 1997.

Rahvahad (2010): venälaižed — 96,4%, totarlaižed — 1,0%, toižed rahvahad — 2,6%.

Professionaližen opendusen aluzkundad sijadasoiš lähembaižiš lidnoiš.

Irdkosketused

• Lidnan da rajonan tobmuden aluzkundoiden sait (kimovsk.tularegion.ru). (ven.)