Jefremov (lidn)

	Jefremov
	Герб
	53°08′57″ с. ш. 38°04′57″ в. д.GЯO
Valdkund	Venäma;
Istorii da geografii
Tegemižen päiv	1637
Pind	21,83;
Высота	170
Aigvö	UTC+3:00[d]
Ekonomik
Eläjad
Eläjad	▲36 545 чел. (2021);
Lugud
Telefonan kod	48741
Počtan indeksad	301840
-
	Официальный сайт
	lugeda • diskussii • redaktiruida

Jefremov (Jefremovan lidnümbrikon administrativine keskuz.

Istorii

Eländpunktan aluz om pandud 1630-nzil vozil kuti pen' Jefremovskai-külä. Puine lidnuz oli saudud senno Mihail Födorovič-carin käskön mödhe vl 1637, muretihe lidnusen hudroid seinid 1680-nzil vozil. Sen aigan eländpunkt mainitase kuti Ofremovan (Afremovan) lidneihut (Toižen mail'man sodan aigan lidn oli okkupiruidud nacistoil (20. kül'mku — 13. tal'vku 1941). Jefremov alištui agjan tobmudele oikti vll 1951−2006.

Jefremov šingotase koumel himižel tegimel (sintetižen kaučukan, rikmuiktusen, biohimine — sötmižližadused), kazmusiden mikrobiologižiden kaičendabutusiden tegimel i sömtegimištol (leibtegim, maidkombinat, Cargill»-kompanijan glükozan da patokan kombinat).

Geografijan andmused

Lidn sijadase lidnümbrikon päivlaskmas, Čoma Meč-jogen hural randal (Donan oiged ližajogi), 200 m ü.m.t. keskmäižel korktusel. Matkad Lipeckan agjhasai om 10 km suvhe orhal. Matkad Tulhasai om 121 km pohjoižhe orhal, 143 km avtotel vai 166 km raudtel. Lähembaižed lidnad oma Dankov (Lipeckan agj) 71 km päivnouzmha orhal, 78 km avtotedme vai 140 km raudtedme, i Jelec (Lipeckan agj) 64 km suvhe orhal, 72 km avtotedme vai 81 km raudtedme.

Jefremov-raudtestancii radab lidnan päivnouzmas «Tul — Jelec»-keskustal vspäi 1874. «Don»-avtote (M4-trass) mäneb 6..10 km päivnouzmha lidnaspäi, ühtenzoitase senke kahtel sarakol.

Eläjad

Vl 1897 lidnan ristitišt oli 9 tuhad eläjid, vl 1939 — 26 708 eläjad. Vn 2010 Venäman rahvahanlugemižen mödhe lidnan eläjiden lugu oli 42 350 ristitud, lidnümbrikon koume videndest. Kaikiš suremb lidnan ristitišt oli 51..58 tuhad eläjid vll 1973−2001 (58 tuh. rist. vll 1986−1987). Ortodoksižen hristanuskondan Jumalanmaman «Pölištunuziden aznoičend»-jumalaižen päjumalanpert' (om saudud vll 1990−1996), kuz' jumalanpertid^[2] i nell' časounäd oma olmas lidnas.

Professionaližen opendusen aluzkundad oma Jefremovan himiž-tehnologine tehnikum^[3] i Räzanin medicinižen universitetan filial^[4].

Galerei

Znam lidnan röunal
Church of St. Nicholas the Wonderworker in Efremov (new).jpg

Ph. Mikulai-čudonsädajan jumalanpert'
(uz', om saudud vll 2006−2009, vn 2016 nägu)
Čomamahtoliž-kodirandantedištandmuzei
(2019)
Raudtestancijan sauvuz
vl 2008

Homaičendad

Irdkosketused

Lidnan da lidnümbrikon tobmuden aluzkundoiden sait (efremov.tularegion.ru). (ven.)

Jefremov (lidn) Vikiaitas

	Tulan agjan lidnad
	Aleksin \| Belöv \| Bogorodick \| Bolohovo \| Čekalin \| Donskoi \| Jasnogorsk \| Jefremov \| Kimovsk \| Kirejevsk \| Lipki \| Novomoskovsk \| Plavsk \| Sovetsk \| Suvorov \| Ščokino \| Tul \| Uzlovai \| Venöv

[_15bd2465f028e4c3-1] 1,0 ^1,1 https://rosstat.gov.ru/storage/mediabank/tab-5_VPN-2020.xlsx

[2] Jefremovan pühäpertid sobory.ru-saital. (ven.)

[3] Jefremovan himiž-tehnologižen tehnikuman sait (ehtt.ru). (ven.)

[4] Räzanin medicinine universitet — Jefremovan filialan sait (efr.rzgmu.ru). (ven.)

[1]

[2]

[3]

[4]